¹ Suakng buku se aku tulis sebalumne,Teofilus, tentang awis se Yesus mulai lakukan alie ngajar, ² Ampe wayah ondro lau Ise wa engkat ,ukah Ise ngumi sunyuan,nyendalo Roh Kudus ape rasul-rasul se ukah Ise pili. ³ Ampe reo, Ise lou nundrukan kompu-Ne saurang wolupm ukah Ise menderita, ali deo bukti, sambil nundru kompu ampe reo seola opat pulu ondro ali montuh tentang Kerajaan Allah. ⁴ Pentung besama-sama ali reo. Ise nyuyu reo supaya doho ngikeh Yerusalem, leka ngandre janji Uma, se untuh-Ne, "Iko ngoroi tanjak-Ku, ⁵ Koe Yohanes mbaptis ali ranu, leka iko anta wa baptis ali Roh Kudus, doho ola tanjak keletu.' Yesus Terengkat ampe Surga ⁶ Koe sio, lau reo bekumpul sasam, reo mihirik ampe-Ne," Tuhan nyonekah sina wayahne Iko memaehkan Kerajaan agin Israel?" ⁷ Ise montuh ampe reo," Dohokah bagianko agin ngetahu tentang wayah ali masase ukah watetapkan oleh Uma suankng Kuasa-Ne. ⁸ Anta leka, iko anta nrima kuasa lau Roh Kudus ukah awi ampeko ali iko anta jari saksi-saksi ba Yerusalem, ba awis Yudea ali Samaria, ali ampe pe bagian bumi palikng ujukng ⁹ Ali, Ukah Ise montuh hal-hal sina, desung reo minda , Ise teengkat ali awan moit-Ne wawai ante pengotau reo. ¹⁰ Lalu , pentukng reo kiya minda ampe langit, lau Ise tulak, pindalah, na'antn rueh kulunt upo makai baju ura sekondrokng ba rika reo, ¹¹ Ali montuh, " Hai ulunt-ulunt Galilea, konone iko sekondrokng sambil minda ampe langit? Yesus sina, se ukah terengkat tanjak rokakng iko ampe surga anta awi gane ali sara se sama sara iko minda-Ne tulak ampe surga," Memili Eraikulutn Rasul Wau. ¹² Ukah sio, reo murek ampe Yerusalem ampe bukit se wa ontuh Zaitun, se na'an ba riyet Yerusalem, orone sepengalan Sabat . ¹³ Lau reo sinop , reo mongket ampe ruakng ombo, wadah reo duloi. Petrus ali Yohanes, ali Yakobus,ali Andreas, Filipus, ali tomas, Bartolomeus ali Matius, Yakobus anak Alfeus, alie Simon ulutn Zelot, ali Yudas anak Yakobus. ¹⁴ Reo awis ali se ate betekun suankng doa ali buhan wawe ali Maria, ine Yesus, baya eraiuntukng- eraiuntukng-Ne ¹⁵ Ampe ondro-ondro itu, Petrus sekondrokng ba rokakng eraiuntukng-eraiuntukng erai iman ( deo ulunt kira-kira eraijatus rueh pulu jumlahne), ali montuh, ¹⁶ " Eraiuntukng-eraiuntukng, Kitab Suci harus wa genapi, se ukah wa ontuh sebalupmne oleh Roh Kudus nyendalo wowa Daud tentang Yudas, se njari pemimpin bagi ulutn-ulutn se ngrungkup Yesus. ¹⁷ Ena, ise tehitukng ba rokakng ta'apm ali kahalu bagian suankngpelayanan sina. ¹⁸ Keletu, ulunt sina moli erai bidang tana ali upa ante keda'atanne, ali, ukah utpokne latu lewi ponoh, bagian ewuompune peha, ali awis isi untukngne tehambur. ¹⁹ Ali, hal sina ukah waketahu oleh awis ulutn se duloi ba Yerusalem sehingga tana sio suakng basa reo waontuh Hakal-Dama, artine, "Tana Raya". ²⁰ Ena, ukah tetulis suakng kitab Mazmur: 'Gino'onmah wadah duloine njari suni, ali gino'onlah ba indo doho na'an eraikulunt pun se duloi ba suakngne,' 'Gino'onlah se laintne ngepo jabatanne ²¹ Oleh koe sio, seeraikulunt ante reo se selalu sasama ali ta'amp seola Tuhan Yesus sinop ali pekual tanjak rokakng ta'apm, ²² Mulai tanjak baptisan Yohanes ampe wayah ondro lau Ise waengkat ante rokakng ta'apm, sala erai antr reo sina harus njari saksi tentang kebangkitan-Ne sasama ta'amp." ²³ Lalu, reo ngusulkan rueh kulunt, sesio Yusuf se waontuh Barsabas, se lou waontuh Yustus , ali matias. ²⁴ Kemudian, reo bedoa," Iko, Tuhan se mengenal ate awis ulunt. Tundrukan ampe kaint ise ba rokakng keruehulunt sina se ukah iko pili, ²⁵ Koe nrima bagian pelayanan sina ali jabatan rasul ,ante Yudas se ukah nyimpang agin tulakampe wadahne saurang." ²⁶ Kemudian, buhan rasul ngumpi undi ba rokakng reo ali undian latu ampe Matias sehingga ise tehitung sasama ali kesebelas rasul.