Salam tanjak Timotius ¹ Tanjak Paulus, rasul Yesus Kristus se wa pili koe kenakant Allah ta ala sesuai ali janji pemboump se naat suank Yesus Kristus. ² Agint Timotius, anak se wa tuasi, Anugrah, penuasi, ali damai sejahtera tanjak Allah ta ala, Uma, ali Yesus Kristus, Alla ta ala taamp ³ Aku senantiasa ba syukur pe Allah ta ala, se kulayani ali ate nurani se berasih hama se wa gawi koe itak alauku, saat aku pekingatko suangk doa-doaku kondro li malomp. ⁴ Ukah sio aku mekingat ranu matoko, aku kakant minda iko supaya ponu sukacitaku. ⁵ Aku wa pekingatkant ali imanko se tulus, se pertama-tama wolump suangk itakko Lois, ali ineko Eunike, ali aku yakint keletu wolump suangk iko lou. ⁶ Agint alasan sinalah, aku mepekingatkantko agar tarus mengobarkant karunia Allah ta ala se naant ba diriko nyendalo tumpangant kayangku. ⁷ Moko io, Allah ta ala doho ngumikant pe taamp roh ketakutant, malainkant roh kekuatant, penuasi, ali nahant diri. ⁸ Jari, ai mai bersaksi tentang Allah ta ala taamp atau tentang aku, tahanan-Ne. Moko ne, koe kuasa Allah ta ala bayalah menderita demi Injil. ⁹ Iselah se ukah menyelamatakant taamp ali ngitai taamp ali pengitai berasih, doho koe perbuatant taamp, melainkant koe tujuan ali anugerah-Ne saurang se ukah Ise umikant pe taamp suangk Yesus Kristus sebelump denia awi. ¹⁰ Keletu, hal sian ukah jari nyata nyendalo pengawi Juru Selamat taamp Yesus Kristus se ukah ngehapus kepateant ali ngoit pembolump ali kekekalant nyendalo Injil. ¹¹ Koe Injil situlah, aku wa tunjuk jari pengkhotbah, rasul, ali guru. ¹² sio poh moko ne, aku menderita hama keletu ina. Namun, aku doho mai koe aku tau pe ise aku percaya ali aku yakint bahwa Ise sanggup ngejaga none he ukah Ise percayakant pe aku ampe ondro itu awi. ¹³ Kurutlah pokok-pokok ajarant memadahi se ukah iko rongoi anjakku suangk iman ali penuasi se naant suangk Yesus Kristus. ¹⁴ Ali Roh Berasih se duloi ba suangk taamp, jagadeh ali maeh harta berharga se ukah wa percayakant pe iko. ¹⁵ Iko tau tanjak fakta bahwa awis se naant ba Asia ukah bepalengk tanjakku, ba halapant reo naant ka Figelus ali Hermogenes. ¹⁶ Kirane Allah ta ala mengaruniakant penuasi pe awis lowu Onesiforus koe ise jule menyegarkantku ali doho mai koe pemenjaraanku. ¹⁷ Sebalikne, lau ampe pe Roma, ise ali semangat meto akuali nengkawongkku. ¹⁸ . Kirane Allah ta ala menuntunt agar ise ngehalu penuasi tanjak Allah ta ala pe ondro ina, sebagaimana iko saurangk tau senu kedeo pelayan se ukah ise umikant ampeku ba Efesus.