salam tanjak simon petrus ¹ Tanjak Simon Petrus,hamba baya Rasul, Tuhan yesus ampe ulutn se ukah nerima iman, sesama ali kaitn se aut naan kenaan, se wa umi nyendalo pengetau dan kebenaran allah baya juruselamat taapm, yesus kristus . ² Kirane anugrah baya damai sejahtera se wa umi ampe iko basuakng, ba suakng pengenalan ampe allah baya Yesus Tuhan taapm ³ Kuasa ne se ilahi ukah ngumi ampe taapm segala sesuatu seberkenan suakng pembolupm dan ketaatan, nyendalo pengetauan ali Ise se ukah ngitai taapm nawe ampe kemulian baya kemaehan ise. ⁴ Nyendalo,ise aut ukah ngumi ampe taapm janji-janji Ne se sangat olai dan berharga supaya ali janji-janji sio iko kate baya suakng keilahian Ne, dan oro ante kerusakan seterjadi ba dunia, wa sebabkan koe bagai hawa nafsu. ⁵ Agin tujuan sio, bausahalah ali bujur-bujur gin nambah iman ko ali kebajikan-kebajikan baya pengetauan, ⁶ ali pengetau baya menjaga diri, dan menjaga diri ali tabah, ketabahan ali ketaatan, ⁷ ketaatan ali kasih penerai untukng, kasih penerai untukng ali kasih se doho mementingkan diri tongaka. ⁸ Sebab, ena se deo situ naan ba suakng kompuko dan tarus batambah-tambah, moko iko doho mungkin jari sia-sia atau doho mua suakng pengetauan ante Tuhan taapm, Yesus Kristus. ⁹ Kakant leka ulutn se beloh kenaan sedeone sio siolah ulutn doho kate minda ali jelas ali buto beloh penyowot bahwa ise ukah wa bui ante dosa-dosa ne seponoh. ¹⁰ Oleh koe sio, erai untukngku, begawi lebih tugul mao agin memastikan iko bujur-bujur waitai ali wapili, enajaka iko nggawine, iko doho anta latu. ¹¹ ali serayo, jawokng pesuakng kerajaan kekal Tuhan baya Juru Selamat taapm, Yesus Kristus, akan terbuka lebar peiko. ¹² siolah enane, maksudku gin selalu mengkingat iko ampe hal sedoo sio, sekalipun iko aut tau dan ukah wabangun ali kokoh suakng setuu sekeletu iko kenaan. ¹³ kekusakng aku kia wolupm suakng kemah dunia itu, aku anggap perlu gin nunjul iko ali cara mekingat pe iko, ¹⁴ ena aku tau bahwa aku sinang mbuli te kemah situ sara se ukah mekinda ampe aku ali jelas koe Tuhan taapm, Kristus Yesus. ¹⁵ Dan aku kakatn begawi ali segala upayaku agin mulah iko tetap nyowot sedeone ena penulakku. Saksi Mata Kemulian Kristus ¹⁶ Ena kaitn doho nyirik mitos-mitos se wakarang ali pandai waktu mengkampe pe iko kuasa dan pengawi Tuhan taapm, Yesus Kristus, koe kaitn saksi mato pe kemulian-Ne. ¹⁷ Sarane waktu Yesus nerima hormat dan kemuliaan ante Allah Uma, sara waktu wa wara ampe Ise koe Se Mahamulia," Ina anak-ku se Kutuasi,ampe Iselah Aku berkenan," ¹⁸ Kaitn pun kerongoi nain se awi te surga waktu kaitn sama-sama ali- Ise ba ombo gunung suci. ¹⁹ Kaitn makin yakin koe pengontuh nubuat, semaehne lou iko minda ali cermat, sara minda lampu se metarakng ba wadah se siropm, ampe pita awi baya bintang fajar timbul basuakng ateko. ²⁰ Ena kate hal seutama se harus iko pahami sesio beloh nubuat suakng Kitab Suci se tanjak ante penafsiran ulutn meresia, ²¹ Ena beloh erai nubuat se awi ante kenakant mirisia; sebalikne, ulutn-ulutn se sundro sio ba suakng ngaratn Allah berdasarkan pimpinan Roh Sebarasih