¹ Kaban't biak, taatilah urang'k tuho ikau di dalam'p Tuhan't, kareno hal ituk adolah bena. ² "Romat ke apang'k ngan inai kau" (Yang'k adolah perintah petamo da'ri pejanyi), ³ ituk adolah baet bagi kau dan't ikau akan't idup lamah di dunio." ⁴ Kaban't apang'k, nang nyuroh kan anak anak kau luat. sebalit e, aja sidok dalam'p disiplin dan't petunyok-petunyok da'ri Tuhan't. ⁵ Kaban't hambo, jadilah taat ke tuan-tuan kau dongan't raso romat yang'k dalam'p dan't golak, jujo da'ri ati kau. Ubo ikau taat ke Kristus. ⁶ Abon'y si ongkah nyenangke sidok pas sidok tongah merati ikau gono. Tapi macam hambo Kristus. Kerejoke ke kengunak Tuhan't da'ri atikau. ⁷ Lakon ke dongan't bene-bena, ubo ikau ngelayan Tuhan't bukan't mensio. ⁸ Ikau arus panai ntik semuo pebuat yang'k bagak yang'k dilakuke orang'k, nantik io neremok hadiah da'ri Tuhan't, apikah urang'k yok jadi anak buah atau bebas. ⁹ Tuan-tuan, pulahke hal yang'k samo ugai ngancam sidok. Ingatke ntik tuan sidok ngan tuankau yang'k di serugo. Ikau panai ntik iyo abon't panang muho. ¹⁰ Ahe e, jadi kuat am di dalam Tuhan't dan't dalam'p kuaso E. ¹¹ Pakai am seluroh senjato Allah, sak ikau mampu ngelawan tipu dayo Iblis. ¹² Kareno kito bejuang bukan't ngelawan dagin ngan darah. Sebalit e, ngelawan pemerintah-pemerintah penguaso itam, ngelawan roh-roh jahat di langet. ¹³ Mako lago yok pakai am seluroh senjanto Allah, sak ikau panai bediri togap ngelawan penjahat dalam'p maso-maso jahat tuk, ngan pulahke semuao e donga't tajoh bediri togap. ¹⁴ kareno yok bederi togap. pakai ikat pingang ngan baju bosi keadilan. ¹⁵ Dah yok alas kaki untok kau, pakai alas kerelo ati yang'k modah injil damai sejahtero. ¹⁶ Dalam'p seniko bereno tajoh maik perisai iman, dongan't biok ikau panai nangkal panah da'ri penjahat yok. ¹⁷ Pakai gam ketopong keselamatan ngan pedang'k roh, yang'k adolah firman Tuhan't. ¹⁸ Dalam'p segalo do'o dan't pintok, nedo'o am stiap wa'tu di dalam'p roh. Dongan't pike tuk, bejago jago am tajoh di dalam'p do'o kau donhan't pintok yang'k bon't putus-putus untok semuo urang'k pecayok. ¹⁹ Dan't bedo'o untok aku, supayo posan mungken diborik ke aku, wa'tu ikau mukok mulot. Bedo'o sak aku diborik pekato yang'k bena sak berani modah rahasio injil. ²⁰ Kareno aku adolah utusan yang'k dipenyaro, sak songan't berani aku memberito ubo searus e aku nejantoh. ²¹ Tikhikus, mpaloku yang'k tekoseh dan't pelayan yang'k setio di dalam'p Tuhan't, sak modah semuo e ke ikau. ²² Aku ngirem io ke ikau sak setiap tuju tuk, sak ikau panai hal-hal ihwal kami, sak ati kau tehibo. ²³ Kiro e damai sejahtero ke mplao-mpalo, dan't kaseh dongan't iman da'ri Allah Bapa dan't Tuhan't Yesus Kristus. ²⁴ Kiro e anugerah bagi semuo orang'k yang'k pecayok Tuhan't Yesus Kristus dongan't kaseh yang'k kokal.