¹ Sion aneh, samaan-samaan yaq tenyenuuk dang tenglingooq ap, yaq jadiin pengehau dang kebanggan ap, tegelah ngengaas dilam Tuhan. ² Ap nakiq sepateeq ja Euodia dang Sintikhe nyanaq belupm ngaq rukun dilam Tuhan. ³ Yaq, ap nakiq ja kapm, kabatn oyooq ap, awaatlah kabatn waweq joq sion eraq soq jereh bekamuh bero ap demi pelayanan Injil, bero dang Klemens dang kabatn ingaan ap yaq bele,yaq nyamaq-nyamaq ke tengalookng lam buku kehidupan. ⁴ bersukacitalah ogen dilam Tuhan. sineq unah ap pareeq, bersukacitalah. ⁵ Maailah kelembutan asakng koi tenogatn ulutn enta. Tuhan soq totoi. ⁶ Aduui sengoh sion nyamapun agi. Tapi, dilam nyamapun pekempeeqlah pengewah koooi ja Allah dilam doa dang permohonan bero ucapan syukur. ⁷ Damai sejahtera Allah dimoon akar akan melupm asakng dang pikiran koi dilam Yesus Kristus. ⁸ Akhirke samaan-samaan, semua yaq kenaai, semua yaq mulia,semua yaq adil, semua yaq suci, semua yaq semua yaq pore, semua yaq terpuji, semua yaq sempurna, semua yaq patut temuji, nyanaqlah yaneh enta. ⁹ Nyama yaq soq temaahacaar koi, terimaaq, nyempeniing, neau eteq ap, ngaqlah yaneh enta, maka Allah sumber damai sejahtera akan mihiing koi. Paulus Berterima kasih Ja Ulutn-ulutn Percayaaq Di Filipi ¹⁰ Ap ehau sepateeq dilam Tuhan sion kedaq tih, akhirke kooi naco unah pehatian koi ja ap. Memang seginaq tih koi soq naco perhatian ja ap, tapi koi haai baq kesempatan. ¹¹ Ap pareq tih heq bi sion ap sesaq, sion ap soq bahacaar mencukupkan diriiq dilam keadaan nyamapun. ¹² Ap togaq nyama reti ke sesaq, dang ap togaq agi nyama reti ke kelimpahan. Dilam keadaan nyamapun, ap soq bahacaar rahasia belupm berkecukupan, apakah dang betikng atau pekuur, apakah belupm ading sen atau haai sen. ¹³ Ap ulih ngaq nyamapun melalui uhaq yaq naco kekuatan ja ap. ¹⁴ Tapi, koi soq ngaq lakuuq bajik soq ewah tempahagiq bahaat dang ap. ¹⁵ Koi sendiriiq togaq, jemaat Filipi, pa mutaai pelayanan Injil, lempus ap nemaq wilayah Makedonia, ohaai baq jemaat yaq ewah tempahagiq bahaat dang ap dilam hal naco dang nerimaaq, kecuali koi. ¹⁶ Bahkan, pas di kota Tesalonika, koi kiripm bantuan nan kebutuhan ap lebi eteq sineq. ¹⁷ Tapi, laitn bantuan aneh yaq temelau ap, melainkan ugaai ke yaq pehajaaq keuntungan koi. ¹⁸ Ap soq terimaaq daai ajaar ke, bahkan lebi. Ap baq enta yaq temerlu ap sion penacootn koi yaq tengiripm koi eteq Epafroditus. Penacootn koi aneh jadiin persembahan yaq harum, kurban yaq berkenan yaq pekehau Allah. ¹⁹ Allah ap akan memenuhi medaai yaq temerlu koi menurut pengebaq Uhaq yaq mulia dilam Kristus Yesus. ²⁰ Kemuliaan bagiiq Allah Bapa taai nan selamaai-lamaai ke. Amin. ²¹ Pekempeeq salam eteq kamiq ja seluruh ulutn-ulutn kudus* dilam Yesus Kristus. Salam nan koi eteq samaan-samaan seiman yaq bero ap ditih. ²² Daai ulutn kudus kiripm salam nan koi, khusus ke eraq yaq kerjaaq melayani di istana Kaisar. ²³ Anugerah eteq Tuhan Yesus Kristus mihiing roh koi. Amin.