¹ Jadi aman taai dilam Kristus baq dorongan semangat, penghiburan, kasih, persekutuan roh, kasih sayang, bero belas kasihan, ² sempurnakanlah sukacita ap dang sasakng sesaanaq, empuui kasih yaq samaaq, tengerempuh dilam roh, dang ngempuui bueh tujuan. ³ Aduui nengaq nyamapun eteq ambisi yaq egois atau somong yaq haai bereti; tapi dang kerendahan asakng, anggaplah ulutn bele lebih eteq pada koi diri. ⁴ Aduilah masing-masing kapm engkadi neau kepentingan sendiriiq, tapi ja kepentingan ulutn bele agi. ⁵ Maailah pikiran tih baq engkelaakng kapm, sebagaimenya yaq tengempuui Yesus Kristus agi, ⁶ yaq walaupun ngempuui umakng Allah, Uhaq kaheq menganggap kesetaraan Uhaq dang Allah aneh jadiin luluq haq harus tenahan. ⁷ Sebalik ke, Uhaq nengaq diriitn kae kaheq ngempuui nyama-nyama dang ngaq diriiiq sendiriiq jadiin ripatn maai samaaq dang umakng mersiaq. ⁸ Dilam keadaan Uhaq sebagai mersiaq, Uhaq pekile diritn Kae, taat sukat mateeq, bahkan mateeq di mooq salib. ⁹ Kalaaq alasan itihlah, Allah pekemoq sepateeq uhaq dang naco ja uhaq nyamaq di mooq segala nyamaq. ¹⁰ Supayaaq dilam nyamaan Yesus, setiap tukuut bertelut -- bajik yaq baq di langiit yaq baq di bumi, maupun yaq baq di iweeq bumi -- ¹¹ dang setiap celaq ngakuuq bahwa Kristus Yesus iyaqlah Tuhan, bagiiq kemuliaan Allah, Sang Bapa! Allah bekamuh dilam taai ¹² Sion tih, samaan-samaan yaq terkasih sebagaimenya koi suah taat -- laitn hanya ketikaaq ap baq bero koi, lebi-lebi tempo tih ketikaq ap kaheeq bero koi -- nengaqlah keselamatan koi dang lekng bihitn. ¹³ sion, Allahlah yaq bekamuh dilam koi, bajik nan yaq temenoong maupun yaq non tengamuh nyama yaq tengehau Uhaq. ¹⁴ Nengaqlah ijooq enta heq diraq samer merumih atau ngeluh ¹⁵ supayaaq koi kaheq bercacat dang kaheq selatn, tiah kabatn anaak Allah yaq kaheq tenyelaaq di tengah-tengah generasi yaq bekeluq dang tesat tih. sehingga koi bersinar di engkelakng ulutn sebagai terakng di dunia. ¹⁶ Nengkatlah ngengaas ja Firman yaq belupm maai ja nau Kristus, ap baq alasan kalaaq bermegah sion ap kaheq teliuq dang bekamuh ngaq rewa. ¹⁷ Belen ap harus tenetaaq tiah cangkir persembahan di mooq kurban dang pelayanan iman koi, ap ehau dang bersukacita bero kapm enta. ¹⁸ Laneh agi koi, dang alasan yaq samaaq, ehau dang bersukacitalah samaq-samaq dang ap. Paulus Mengutus Timotius dang Epafroditus ¹⁹ Delapm Tuhan Yesus, ap beharap ngulih gagaaq ngutus Timotius ja koi maai ap de hiburkan ketikaaq keheneeng ritaan tentang koi. ²⁰ Sion ap kaheq ngempuui ulutn bele ngetiah uhaq, yaq dang tulus memedulikan kesejahteraan koi. ²¹ Sion yaq bele hanya aur memedulikan kepentingan sendiriiq laitn teq kepentingan Kristus Yesus. ²² Tiah koi togaq Timotius soq membuktikan diriitn ke tenghawaak, uhaq melayani bero ap demi kemajuan penyempeeq injil tiah sokongaq anaak je tamaai ke. ²³ Sion jooq ap berharap ngulih ngutus uhaq gagaq lempus ap togaq yaq ewah terjadi dang ap. ²⁴ Dang ap percayaaq ja Tuhan sion ap sendiriiq gagaaq agi moot je koi. ²⁵ Tapi, ap nyanaq perlu agi nohooq Epafroditus je koi. uhaqlah ingaan ap, oyooq pelayanan, oyooq seperjuangan ap,dang agi ulutn yaq enteq pesatn je koi dang yaq melayani kebutuhan ap. ²⁶ Sion, uhaq linggooq sepateeq bero kapm dang gelisah was asakng ke sion koi keheneeng bahwa uhaq dodong. ²⁷ Memang siiq uhaq dodong was sampai ewah mateeq, tapi Allah pincak penyenuuk je uhaq -- dang heq hanya je uhaq, melainkan agi je ap -- maai dukacita ap kaheeq mentompok. ²⁸ Sion joq, ap jadiitn semakin ewah nohooq uhaq balik je koi supayaaq koi ngulih bersukacita ketikaaq neau uhaq unah dang kuraknglah penyengoh ap. ²⁹ Nyamutlah Epafroditus delam Tuhan bero sukacita yaq penuuq dang hormatilah ulutn-lutn tiah uhaq. ³⁰ Sion uhaq kemaq mateeq demi kerjaatn Kristus; uhaq petaruh asakng ke anyan ngantiq bantuan yaq koi kaheq ngulih nareq je ap.