SALAM KALAQ FILEMON ¹ salam teq Paulus, sekongaq yaq deq penjara, siont Yesus Kristus bero teq Timotius samant seiman taai je Filemon sahabat dang oyoq pelayan yaq kamiq kasihi ² bero je Apfia waweq taai, bero je Arkhipus, oyoq seperjuangan taai je jemaat yaq beremoq deq dapeq koi ³ anugerah bero damai sejahtera bagiq koi eteq Allah , Bapa Taai, bero teq Tuhan Yesus Kristus. UCAPAN SYUKUR DEMONT IMAN BERO KASIH FILEMON ⁴ ap selalu bersyukur ji Allah kayoq pas tehingat koi laamp doa-doa ap, ⁵ siont ap keheneng soal Iman bero kasih yaq koq empui laamp Tuhan Yesus, bero je dai ulunt kudus. ⁶ ap berdoa mai persekutuan Iman koi jadint efektif kalaq pentogant yaq penuh dang tiap hal bajik yaq baq ji taai demi Kristus ⁷ ap terngo ehau bero terhibur siont kasih koi siont libas koi asangk samant taai ulunt kudus tenyegar unah. PENAKIINT PAULUS MENGENAI ONESIMUS ⁸ siont aneh, meskipun ap baq keyakinan hajaq laamp kristus bero ulih perentah koi nengaq nyaman yaq jadint kewajiban koi. ⁹ tapi siont kasih, lebih bajik aman ap nakiq ji koi. ap, Paulus -- yaq soq pelegaq bero tempo tih jadint ulunt yaq di penjara siont Kristus Yesus ¹⁰ nakiq ji koi kalaq anaak ap, Onesimus yaq ap ngulih selagiq kayoq baq deg penjara. ¹¹ yaq siiq hai bag gunai bagiq koi, tapi tempo tih sangat begunai, bajik bagiq koi maupun bagiq kayoq. ¹² ap noho uhaq, ugant asangk kayoq, muliiq ji koi, ¹³ yaq sebenar ke ewah ap nahant kalaq telemaq bero kayoq mai uhaq ulih gantiq koi, melayani ap selamant kayoq deq penjara siont injil. ¹⁴ mun tanpa persetujuan koi, ap kaheq ewah nengaq nyamapun supayaaq kebajikan aneh koi nengaq kaheq siont harus, tapi siont ehau. ¹⁵ Mungkin alasan Onesimus temerai teq koi untuk sementara waktu non maai koi ulih terima unah untuk selamant ke. ¹⁶ tapi kahe lagiq ripatn, tapi lebih teq aneh, ingant senaiq yaq terkasih kahe kadi ap, telebih kalaq koi, bajiq laamp usiint maupun laamp Tuhan. ¹⁷ jadi aman koi ngakuq ap jadint oyoq kerja koi, terimalah Onesimus tiah koi menerima kayoq, ¹⁸ amun uhaq soq bag beselant dang koi atau baq utang nyamapun ji koi, nangunglah aneh ji ap. ¹⁹ ap, Paulus nulis tih ampent angaq kayoq diri. ²⁰ ya, ingaq senaiq ap, semoga laamp Tuhan ap ngulih kebaikan eteq koi, penyelap asaq kayoq deq laamp Kristus. ²¹ siont keyakinan ap dang ketaatan koi, ap nulis surat tih ji koi, siont kayoq togaq koi bakal nengaq lebih teq yaq ap nakiq ²² Sementara tih, awat nyiap kamar kalaq ap, sebab kayoq mengharap libas doa-doa koi, ap bakal tengelewaant muliq ji koi. SALAM PEMEDAI ²³ Epafras, oyoq ap sepenjara laamp Yesus Kristus ²⁴ aneh agi Markus, Aristarkus, Demas, Lukas oyoq-oyoq sepelayanan ap. ²⁵ Anugerah eteq Tuhan taai, Yesus Kristus, kira ke ngiringk Roh koi.