²⁰ Mpak baka iak meh Musa bisik kedunia tuk. Nuhut pemantau Allah ia abis pemait. Ia dipiaha dihumah uhang tua ia selamak tiga bulan. ²¹ Waktu ia dibuang ke aik,ia ditemu anak Firaun yang betinak,alu debaik pulang,dilakun baka ia ngelakun anak dihik kedihik. ⁴ Udah iyak ia angkat dahi tanah uhang Kaldea,dan idup di Haran. Setelah bapak ia mati, Allah ngemaik ia ketanah ituk, ahung kian idup pituk. ⁵ Ia nda mehik tanah ituk behupa wahis ,walaupun mesai tapak kaki,Tapi Ia bejanji-walaupun Abraham napan bisik anak- bahwa Ia tau mehik tanah ituk untuk ia dan semua kentuhun ia. ⁶ Allah udah ngumung ahung ia baka tuk,padak kentuhun ia tau idup ditanah uhang asing ituk, untuk sementaha tapi sidak ahus jadi budak, digawai nisik susun selamak empat hatus taun. Allah bandai, ⁷ Aku kak ngukum bangsa tuk yang ngawai kian jadi budak Udah iyak sidak keluah alu nyembah Aku di tanah ituk ⁸ Allah pun mehik Abraham semacam pejanji sunat, sepaya Abraham jadi bapak Ishak alu nyunat ia pada ahi ke lapan. Ishak jadi bapak Yakub,yang ugak bapak dahi dua belas suku bansa yahudi. ⁹ Debaik pemencik sidak menyadik dengan Yusuf, ia pun dijual ke Mesir. Untung meh Allah slalu nolong ia ¹⁰ dan ngelepas ia dahi segala pemedih Ia mehik Yusuf pengasih dan hikmat dadap Firaun haja Mesir. Kemudian Yusuf jadi penguasa di Mesir, dan bekuasa ugak atas seisik humah Firaun. ¹¹ Empak iak timbul musim lapah yang palin pedih di Mesir dan Kanaan,hingga padak uhang tuapun pedih ngegak pemakan. ¹² tapi Yakub bisik ninga di mesir banyak gandum, lalu ia nyuhuh bala kaban anak ia kiak. ¹³ yang kedua kali sidak menyadik iak ke Mesir,Yusuf pun madah bahwa ia menyadik sidak , firaun pun ketau ¹⁴ Yusuf pun nyuhuh bala menyadik ia ngambik bapak sidak ditambah bala kaban ia sebanyak tujuh puluh lima uhang. ¹⁵ Yakub dan bala anak ia semua mati di Mesir. ¹⁶ Mayat sidak debaik ke Sikhem tahuh alam kubuh yang di beli Abraham dahi anak-anak Hemon makai duit pihak. ¹⁷ Mpak janji yang dibehik Tuhan ahung Abraham udah dampin,sidak iyak udah betambah banyak di Mesir. ¹⁸ Bisik suhang Haja di Mesir yang nda ngelalak sepa iyak Yusuf, ¹⁹ Haja iyak nipu ngakal bansa kita, ngawai sidak nisik susun,padak biak netau di piaha,isak sidak mati. ²⁰ Mpak baka iak meh Musa bisik kedunia tuk. Ia bait dipantau Allah. Ia dipiaha dihumah uhang tua ia selamak tiga bulan. ²¹ Waktu ia dibuang ke aik,ia ditemu anak Firaun yang betinak,alu debaik pulang,dilakun baka ia ngelakun anak dihik kedihik. ²² Musa diajah pakai semua ilmu uhang Mesir,ia jadi pintah ngumung dan bekeheja. ²³ Mpak umuh ia sekitah empat puluh taun bisik ugak timbul niat alam ati ia jekak engkandau dengan bala kaban dihik, yang sama-sama kentuhun Israel. ²⁴ Entik ia ngeliat bala kaban dahi Israel digawai nisik susun,Musa nulung dengan caha melasah uhang Mesir. ²⁵ Pikih ia mehabak sidak tau ngeheti, bahwa Allah ngelalu tangan ia meh nyelamat sidak, tapi sidak nda ngeheti. ²⁶ Ahi sutik ia ngehahak sidak yang agik tengah bekelai. ²⁷ Ia jekak nyuhuh sidak bedamai, ia bandai ahung sidak," kaban-kaban, kita semua menyadik,ngapa kian jekak bepedih sama dihik? Tapi entaha sidak yang bekelai iak nemauk ninga ia, jekuk ia, "Sepa yang kak ngangkat nuan jadi pemimpin dan hakim kami? ²⁸ Pengkak nda nuan kak munuh kami, baka nuan munuh uhang Mesir kemaik? ²⁹ Ninga umung baka iak, Musa ngehahi dihik,jadi uhang asing di Midian. Diak ia bulih anak dua uhang. ³⁰ Ketika empat puluh taun belalu,suhang malaikat datang ahung ia, di padang pasih gunung Sinai,tengah api yang idup di kayu . ³¹ Empak mantau api iak, Musa pun aneh. Seta ia kak nampin pakai ngeliat, lalu datang suaha Allah," ³² Aku tuk meh Allah dahi inik muyang nuan,Allah Abraham,Ishak,dan Yakub. Musa pun begetah, nda behani ia mantau. ³³ Lalu Tuhan ngumung ahung ia, lepas magang alas kaki nuan, khena ahung nuan bedihi iyak tempat kudus. ³⁴ Aku udah ngeliat pemedih umatKu di Mesir. Aku udah ninga ugak keluh sidak, dan Aku datang jekak nulung sidak, kituk meh pituk. Aku kak ngihin nuan ke Mesir. ³⁵ Musa udah nda di kemauk sidak, waktu sidak bandai,"Sepa yang milih nuan jadi pemimpin dan hakim?-ia meh yang dikihin Allah jadi suhang pemimpin dan penyelamat.Allah ngihin ia dengan tangan malaikat yang madah ahung Musa di kayu yang idup api. ³⁶ Musa mimpin sidak keluah dahi Mesir, setelah ngawai mujizat-mujza besah dan tanda-tanda di Mesir dan laut Mihah,udah iyak di padang pasih selamak empat puluh taun. ³⁷ Musa ituk meh yang madah ahung uhang Israel,"Allah kak ngambik suhang nabi untuk kian,dahi entaha kaban kian,nabi yang baka aku tuk ugak. ³⁸ Sidak tuk meh yang behada di jemaat,di padang pasih ngimbai malaikat yang udah ngumung ahung ia datas gunung Sinai. ³⁹ Ituk meh uhang yang besama inik muyang kita, ituk meh uhang-uhang yang udah nehimak Firman Kehidupan untuk di behik ahung kita. Ituk meh uhang yang nda di kemauk oleh inik muyang kita untuk di imbai, sidak ngusih ia supaya ia angkat, dalam ati sidak udah pulang ke Mesir. ⁴⁰ Mpak iyak sidak ngumung ahung Harun, "Cuba nuan gawai ilah-ilah yang tau mimpin kita, kehena Musa yang udah mimpin kita keluah dahi Mesir, kita nda ketau apa yang udah tejadi ahung ia. ⁴¹ Waktu iyak, sidakpun ngawai patung anak lembu pakai mehik korban pesembahan ahung behala,udah iak sidak behambik behikah mantau asil kheja sidak. ⁴² Tapi Allah nemauk mantau sidak. dan dipaju suhuh nyembah bintang-bintang langit. baka yang tetulis alam kitab nabi-nabi," Hai uhang Israel, apa nuan yang mehik ahung Aku binatang semelih dengan pemehik-pemehik lain selamak empat puluh taun dipadang pasih? ⁴³ Nuan udah nehimak tempat ibadah Molokh dan bintang dewa Refan, ditambah gambah-gambah yang nuan gawai pakai nyembah sidak, Aku kak ngemaik nuan jauh ke Babel ⁴⁴ Padak inik muyang kami udah bisik tenda kesaksian diguhun pasih, upa yang Allah suhuh, mpak Ia ngumung ahung Musa, ia ahus ngawai cuntuh upa yang udah ia keliat. ⁴⁵ Ituk meh tenda yang debaik inik muyang kita, ketanah ituk himbai Yosua. Ituk tau tejadi mpak sidak tamak pakai ngalah bansa-bansa yang dusih Allah dadap inik muyang kita. Baka ituk meh yang tejadi sampai ke jaman Daud. ⁴⁶ yang bulih pengasih mata Allah, ia dimintak untuk nemu sutik ahung peniam pakai Allah Yakub. ⁴⁷ Tapi Salomo ngawai humah pakai Allah. ⁴⁸ Walaupun baka iyak, Yang Maha Tinggik nda diam di humah-humah yang di gawai mensia, upa yang di sebut nabi. ⁴⁹ Langit meh mahkotaKu, dan bumi ahung Aku bejijak. humah kati baka yang jekak nuan gawai pakai Aku, jekuk Tuhan," dimena pakai Aku belepa? ⁵⁰ Tau nda, tangan Aku tuk meh yang ngawai semua ituk. ⁵¹ Kian iyak meh bansa-bansa yang kehas kepala dan nda besunat alam ati dan kelindang. kian nda mauk dengan Roh Kudus, betingkah ngimbai gaya inik muyang kian. ⁵² Nabi mena yang nda di bunuh ulih inik muyang kian? sidak munuh padak nabi yang datang lebih duluk dahi yang Maha Besah,udah iyak kian alu jadi penghianat dan munuh Ia ugak. ⁵³ kian iyak meh yang udah nehimak Taurat, yang disuhuh padak malaikat,tapi kian nda miaha ia. ⁵⁴ Empak sidak anggota Dewan ninga hal ituk, ati sidak asa di sayat, alu bekehit mantau Stefanus. ⁵⁵ Kehena ia penuh Roh Kudus,ia mantau ke surga dengan benah-benah, dan ngeliat kemuliaan Allah, dan ia pun ngeliat Yesus tengah bedihi disepiak kanan Allah. ⁵⁶ Udah iyak Stefanus bandai," pantau, aku ngeliat surga tebukak,dan Anak Mensia tengah bedihi disepiak kanan Allah. ⁵⁷ Tapi sidak anggota Dewan betumbau sambil nutup kelindang, alu ligas ngimbai ia, ngusih ia keluah kota, nikam pakai batu. ⁵⁸ Udah iyak padak saksi ngelegak baju luah sidak ahung kaki pemuda yang benama, Saulus. ⁵⁹ Tengah sidak nikam Stefanus pakai batu, ia tehus ngumung ahung Tuhan, jekuk ia,"Tuhan Yesus, tehimak semengat aku". ⁶⁰ Ia tunduk belutut bekata dengan suaha yang kehas,"Tuhan ananglah nanggung dosa ituk ahung sidak". Udah ia ngumung piyak, ia pun mati.