¹ Hai Pulaksanai-pulaksanai, amun naan ulun sa haba ngulah erai pelanggaran, iko sa rohani harus ngampulek ulun kakala iro anri roh kelembutan. Bajaga-jagaleh nampan iko raerai ada baya tagoda. ² Saling mangkakarawah huang nangung beban nampan iko menaati hukum Kristus. ³ Amun naan ulun sa ngaggap tongako penting, padahal bakoi mihie, io nipu tongane raerai. ⁴ Hayuleh setiap ulun sa nguji perbuatanne raerai. Saukah iro, io tau bangga nginte keadaan ne raerai dan bakoi ket mambanding kanne anri ulun lain. ⁵ Sabab, setiap ulun harus nangung bebanne raerai.tatapleh Ngulah Hal sa Maasus ⁶ Hie sa kahaba pangajaran teke firman Allah harusleh io mambagi kahai hal sa maasus iro anri ulun sa ngajarne. ⁷ Ada tetipu.Allah bakoi tau na tuli ket ulun sagar masi inun sa io hanur. ⁸ Ulun sa namur teke nafsu kedagingan sagar masi kaburukan teke kedaginganne. Kode,ulun sa namur teke Roh sagar masi wolum sa kekal teke Roh. ⁹ Ada takam jari uyuh ngulah maasus. Amun musimne tiba, takam sagar masi asal takam bakoi manyarah. ¹⁰ Ket iro, amun takam kahaba kesempatan, hayuleh takam ngulah maasus hmpah kahai ulun, khususne hmpah kaluarga huang iman. Paulus Mengakhiri Suratne ¹¹ Ite leh miiro idune huruf-huruf sa ta tulis pakaiko anri longon ku raerai. ¹² Reo sa sidi memamerkan kebaikan teke hal-hal lahiriah sagar mamaksa iko pakai na sunat. Reo ngulah hal iro nampan bakoi na aniaya demi balasangar Kristus. ¹³ Reo sa nasunat gin bakoi menaati Hukum Taurat, kode reo sidi iko na sunat nampan reo iuh memegahkan diri bawo sunat ko. ¹⁴ Semoga iko bakoi suah memegahkan diri kasawali huang balasangar Tuhan takam, Yesus Kristus. Metah balasangar-Ne, dunia haut na balasangar pakai uki, dan uki pakai dunia. ¹⁵ Nasunat atawa bakoi na sunat inunkah aratine. Sa penting adalah jari ciptaan wayu. ¹⁶ Pah kahai ulun sa nyanjalan aturan itu,ikeh leh damai sejahtera dan rahmat dolui bawo reo dan bawo Israel milik Allah. ^{17 17} Akhirne, ada naan sa ngampihalin uki ket uki ngoit siri-siri Yesus huang tubuhku. ¹⁸ Pulaksanai-pulaksanai, kira ne anugreah Tuhan Yesus Kristus naan ibaya anri roh ko. Amin.