¹ Amun ukah Allah membangkitkan iko baya Kristus, etoleh hal-hal gi obo, duoi Kristus maharung gi hila kawanan Allah tala. ² Bapikirleh neo hal-hal gi obo, bakoi hal-hal sa naan gi tana. ³ Ket iko mate, dan wolum ko ta dina anri Kristus huang Tuhan. ⁴ Hantek Kristus nyata, huang woloumko maka iko sagar nyata pada bayaIyo huang kemuliaan.{Papire versi na basa,}''{Tawuk Kristus tiba, bulu iko pada sagar timul baya iyo huang kemuliaan."} ⁵ Kamulek tampateleh kahai hal duniawi percabulan, kenajisan, hawa nafsu, kasidien jahat, dan keserakahan sa sameh anri parapah berhala. ⁶ kahai ne ngampihawi murka Allah gi pea-pea sa bakoi taat. ⁷ Huang hal itu iko pada suah malan huang ne hantek iko wolum huang reo. ⁸ Kode tataha iko haut na barasis teke hal-hal itu murka, kasangiten, kejahatan, girigiten, fitnah, dan papaneran beleoh sa kaluar teke mulutko. ⁹ Ada poojo tahadap erai anri sa lain, sabab iko haut naepo teke murunsia uhang amput kalakuanne. ¹⁰ Iko haut ngampiuah murunsia wayu, sa na ampiwayu huang pangantoean sesuai hmpah gamar sa menciptane. ¹¹ Huang pangantoean itu, bakoi oeng ulun Yunani baya ulun Yahudi, ulun basunat dan bakoi basunat, ulun Barbar, ulun Skit, walah, ulun merdeka, kode Kristus adalah segalane dan huang kajaine. ¹² Balalu ampiuahleh sebagai ulun-ulun pelian Allah, sa kudus baya na ahi lelu, ampiuah leh ate kemurahan, kebaikan,kerendahan hati, kelemah lembutan, dan kasabaren ¹³ Tangungleh erai anri sa lain. Pileluleh erai anri sa lain. Amun erangka ulun mengeluh tahadap sa lain, ampunileh sa nakolo Tuhan haut ngampuni iko. ¹⁴ Bulu gi bawo kahaine iro,milikileh ahi lelu, sa adalah panyuruk teke kesempunaan. ¹⁵ Ikehleh damai teke Kristus ngatur huang ateko. ket damai ituleh sa mowa iko huang erai tonga. Dan basyukurleh. ¹⁶ Ikehleh papaneran Kristus duloi huang iko anri kahai katatauenNe. Anri kahai kebijaksanaan dan patataanleh erai anri sa lain anri mazmur baya puji-pujian pada nyanyian rohani. banyanyilehanri ontuhan syukur huang ate ko hmpah Allah tala. ¹⁷ Dan inunpun sa iko ulah, huang papaneran atawa gawian, ulahleh huang ngaran Tuhan Yesus. Ngontuh syukurleh hmpah Allah Uma takam metah Iyo. ¹⁸ Wawen-wawen tundukleh hmpah hongko, sa nakolo mestine huang Tuhan. ¹⁹ Hong-hong, kaleluleh wawenko baya ada ngulah kasr tahadap reo. ²⁰ Pea-pea taatileh ulun muntuoko huang kahai hal, ket iro ngampi sanang ate Tuhan. ²¹ Uma-uma, ada nyantimul hanang ate hmpah pea-peako,nampan reo bakoi jari pamikiran reo. ²² Walah-walah, taati leh huang kahai hal, bakoi ekat ngampisanang ne hantek tuan ko nginte iko,kode anri sa ponu ate. Takutleh pah Tuhan. ²³ Inun pun sa iko ulah, ulahleh anri bulat ate ko kakala pakai Tuhan dan bakoi pakai murunsia. ²⁴ Iko kotoe bahwa iko sagar narime upa sa najnyi yoiro harata warisan teke Tuhan. Harata warisan teke Tuhan Kristus sa iko layani. ²⁵ Pakai satiap ulun sa bakoi uah sagar narime hukuman teke kabakoi bujuren sa io ulah, palus bakoi pandang bulu.