Tabe Anri Tawat Pakai Gayus ¹ Teke penetua mpah Gayus napa ahi, sa uki kalelu huang kebenaran. ² Pulaksanai uki sa' na pa ahi, uki ilaku dua numpan iko maasus-maasus ai huang kahai hal, nampan tonga ko sehat, sameh yalah jiwa ko pada sehat. ³ Ket, uki bangat ba arai hentek pulaksanai-pulaksanai hawi basaksi neu kebenaran ko nokolo hentek itu iko wolum huang kebenaran. ⁴ uki bakoi oeng kaaraien sa lewi idu teke pada nyondrongoi bahwa pea-pea uki malan huang kebenaran. ⁵ Pulaksanai uki na paahi, iko batindak anri satia huang kahai usaha ko pa pulaksanai-pulaksanai walaupun reo ulun lain. ⁶ Reo haut basaksi neu ahi ko gi hadapan jemaat. Iko kai ngulah sa maasus amun ngarawah reo nampalus lalan anri sara sa na katuju mpah Allahtala. ⁷ Ket, reo haut tulak demi ngaran iru, ko'oeng nirime inunpun teke ulun-ulun sa bakoi persaya. ⁸ Ket iro, takam harus ngarawah ulun-ulun yalah reo hampe takam jari iyang pelayanan pa kebenaran. Diotrefes Anri Demetirus ⁹ Uki haut nulis surat mpah jemaat, kude Diotrefes sa kutuju menonjolkan tonga gi helang reo, bakoi sidi nirime kai. ¹⁰ Ket, iro amun uki hawi, uki kai ngampi itung io bawo tindakan ne, sa mafitnah kain anri papaneran sa jahat! Bakoi ekat yiro ai, io pada bakoi sidi nirime pulaksanai-pulaksanai sa hawi dan nguring reo sa sidi nirime pulaksanai-pulaksanai iro nelang ngunur reo teke jemaat. ¹¹ Pulaksanai sa na paahi uki, ada ngalut sa jahat ware sa maasus. Ulun sa maasus berasal teke Allahtala, kude ulun sa ngulah jahat, mete kite Allahtala. ¹² Kahai ulun haut basaksi sa maasus neu Demetrius bahkan kebenaran basaksi mi iro. Kain pada basaksi, dan iko kutu'e bahwa kesaksian kai tu'u. Tabe Penutup ¹³ Naan rama hal sa sidi uki tuliskan mpah iko kude uki bakoi sidi nulis ne mpah iko anri pen dan tintah. ¹⁴ Aku baharap pakai nangkahong iko hinang dan takam kai gumungan sara tatap muka. ¹⁵ Damai sejahtera pa iko. Iyang-iyang gi itu ngirim tabe pa iko. Tahampe pada tabe kain mpah kahai pulaksanai gi raha.