Pihawian Murunsia Jahat ¹ Tataha, nguntue kahawian Tuhan takam, Yesus Kristus, dan hantek na kumpul na takam kahai andri Io, kain lako iko, pulaksanai-pulaksanai, ² supaya iko ada wansid bingung hang pikiran nu atau gelisah hantek nyandrongoi ondro Tuhan haut hawi, ma asus teke roh,. ³ Ada naan erang ka ulun pun nyantarang andri cara inun pun. Daya, andrau ina bakoi hakun hawi sa wuan kemurtatan hawi dan simurunsia jahat dinyatakan, yaitu si pea kebinasaan, ⁴ isa dawan dan ngkobo tonga nadap katuluh isa na omtuh allatala atau isa ma sameh ulun; dan ia hakon ngalap duoi maharung di Bait Allatala dan iwara tong sebagai Allatala. ⁵ Bakoi kaitung iko hantek aku naan uma iko, aku nyawada hal ini pah iko? ⁶ Tataha, iko karasa bahau naan iyo sehingga wayu pada hantek die, io sagar na nyatakan. ⁷ Daya, misteri kedurhakaan haut ganyah bagawi, ekat io isa tataha nahan nampe erat tatap nampe io disingkirakan. ⁸ Ukah, murunsia jahat iro ekat dinyatakan. Kode, Tuhan hakon munu andri henggo mulut-Ni dan yayaweh andri pihawian-Ne. ⁹ Kahawian hi murunsia jahat iru ekat same andri gawaean iblis, na sindrah andri sagala macam kuasa, kode-kode ajaib, dan mukijat-mukijat palsu; ¹⁰ dan andri kahae muslihat jahat bagi reo isa hakun binasa daya reo nolak pah ahe lelo kebenaran sehingga di selamatkan. ¹¹ Ukah daya iro, Allatala ngirim katawangen isa wiet tuu pah reo supaya percaya pah poojo, ¹² sehingga reo kae kaiuh na hakimi, iyo iro reo isa bakoi percaya pah kebenaran dan senang andri kejahatan. Iko Napili Untuk Diselamatkan. ¹³ Pulaksanai-pulaksanai isa dikasih Tuhan, kain harus pah Allahtala untuk iko. Daya, Allahtala haut melih iko sejak sale untuk de selamatkan metah pengudusan ket Roh dan iman hang kebenaran. ¹⁴ Untuk iro Allahtala mawa iko metah injil isa kain wara supaya iko kaiuh kemuliaan Tuhan takam, Yesus Kristus. ¹⁵ Jadi, pulaksanai-pulaksanai, sekondrong teguh dan ngepot ajaran-ajaran isa haut diajarkan pah iko, maasus metah paner-paner maupun metah surat kain. ¹⁶ Tataha, kiranya Tuhan takam, Yesus Kristus, sendiri dan Allahtala Bapa takam, isa haut mengasihi takam dan ngundru takam tantuke rario kekal dan pengharapan isa maasus matah anugrah, ¹⁷ nantulu dan nangkape ate iko, huang setiap gawian dan paneran isa maasus.