¹ Pulaksanai-pulaksanaiku nakalelu,itu adalah surat ka ruo sa na tulisku mpah iko.Huang karuo surat iro, aku bausaha ngulah pikiranko sa murni anri sara ngampiitung iko, ² pakai iko ngitung papaneran-papaneran sa pono sa haut na ontuh nabi-nabi barasis pada parentah-parentah Tuhan dan Juru Selamat metah kawan rasul. ³ Pertama-tama kontoeleh bahwa gi ondro-ondro terakhir dihie,kawan ulun-ulun sa lepuh ngakupe akan hawi pakai notah hawa nafsu reo sa badosa. ⁴ Reo akan sawada,Hawe janyi neo pahawian- Nya?Daya hingka datu nini takam mate, kahaine magon tatap bajalan nyalah gi permulaan penciptaan." ⁵ Daya reo sangaja bakoi kiitung bahwa et firmanNe,langit haut naan teke sali hurap,dan tana nasanyari teke ranu dan metah ranu. ⁶ Anri ranu itu pada, dunia sa naan saat iro na sanenuh anri ranu baah ⁷ Kude et firman sa sameh,langit anri tana sa naan tataha itu na ingkeh pakai na tutung gi onro penghakiman dan palenuhan ulun-ulun jahat. ⁸ Pulaksanai-pulaksanaiku sa nakalelu,ada koi kiitung kenyataan saerai itu:Mpah Tuhan, erang ondro iyalah saribu ta,un dan saribu ta,un iyalah erang ondro. ⁹ Tuhan bakoi suah unte memenuhi janyi-Ne iyalah sa na anggap papire kaulun ngasayupen.Sebalikne, Io sabar mpah iko Ket Io koi hakun naan erai kaulun pun binasa,kude pakai kahai ulun kaiyuh pah pertobatan. ¹⁰ Ondro pihawian Tuhan kai hampe ialah erang ka ulun pangalat,dan langit akan jawoh anri lengan sa dahsyat.Bana-bana langit akan rakit awis dan lenuh et apui bangat malayong,dan dunia baya kahai isine pada akan rakit awis. ¹¹ Amun kahai ne sagar na hancurkan,anri sara itu,kolowangun saharusne iko wolum?Bakoikah iko harus wolum barasis nelang mengabdi mpah Allah, ¹² nelang ngandre-ngandre dan ngampihinang ondro pahawian Allah?Gi ondro Tuhan,langit akan hancur et apui,dan kahai bana-bana langit lenuh ket layongne. ¹³ Kude sesuai andri janyi Allah,takam ngandre-ngandre langit andri tana sa wayu,duoi ulun-ulun uah sagar duloi. ¹⁴ Pulaksanai-pulaksanaiku nakalelu,ket takam ngandrei hal itu,maka bausahaleh andri giat hampan Allah ngontoe iko bakoi ba dosa,bakoi banoda,dan badamai andri Allah. ¹⁵ Anggap leh kasabaren Tuhan pakai kesempatan mpah takam narime keselamatan.Sameh iyalah sa Paulus,pulaksanai sa nakalelu takam,tulis mpah iko andri hikmat sa na undru Allah mpah io. ¹⁶ Io pada bapaner hal-hal itu huang kahai surat ne salain.Memang naan hal-hal lain sa mahalin napantaru balalu na putar balik ulah ulun-ulun sa galu dan sa lamah imanne.Reo pada ngulah gi bagian-bagian lain teke Kitab Barasis,sa baakibat kebinasaan bawo tonga reo raerai. ¹⁷ Pulaksanai-pulksanaiku na kalelu,ket iko haut kotoe neo hal itu,bahati-hatileh pakai iko bakoi na oit tawang et kesalahan teke ulun-ulun sa koi kataru hukum.Ada iko lawu teke iman ko sa oomph. ¹⁸ Kude wolumleh huang anugrah dan pengenalan akan Tuhan dan Juru Selamat takam Yesus Kristus.Mpah Io leh kemuliaan,tataha hampe kongohang ne Amen.