¹ Teke Simon Petrus,walah anri rasul Yesus Kristus,mpah reo sa haut nirime iman sa sameh anri sa kain miliki,metah kebenaran Allahtala anri jurusalamat takam,Yesus Kristus. ² Kirane anugrah anri damaisejahtra malimpah pah iko gi huang pengenalan akan Allatala anri Yesus Tuhan,Tuhan takam. Ulun sa nabowa anri na peli ulah Allatala ³ Kuasane sa ilahi haut na anugrah mpah takam kahai suatu saberkenan anri wolum saleh,metah pengetahuan mpah Io sah haut mowa takam nuju ma kemuliaan anri ma pikaehan Ne. ⁴ Metah Io, haut menganugrahkan mpah takam janyi Ne sabangat idu anri baharaga numpan janyi-janyi iro iko ki'iuh ngepo bagian huang keilahian Ne,anri tahindar teke karusakan sa terjadi gi dunia sabab bamasam hawa nafsu. ⁵ Pakai tujuan iro,bausahaleh anri tu'u-tu'u pakai namoh imanko anri kebajikan anri pengetahuan ⁶ Dan pengetahuan anri penguasaan diri,dan penguasaan diri anri ketabahan,ketabahan anri kesalehan. ⁷ Kesalehan anri lelu ipulaksanai,lelu pulaksanai anri lelu sa bakoi mementing tonga raerai. ⁸ Ket amun kahai ne itu naan huang tonga ko anri tarus batamah-tamah,maka iko bakoi mungkin jari sia-sia atau bakoi ba'ua huang pengetahuan sagar Tuhan takam,Yesus Kristus. ⁹ Kude ulun bakoi memiliki kahai ne iro yalah ulun sa bakoi ki'iuh kite anri tena dan pehe ket io bakoi ki'itung malah io haut na barasih teke dosa-dosa sa haut. ¹⁰ Ket iro pulksanaiku.bausahaleh lewi rajin kia pakai ngampi pasti bahwa iko tu'u-tu'u na bowa anri na peli;ket amun iko ngulahne,iko bakoi sagar lawu. ¹¹ Anri mi'iro manamang pa huang karajaan kekal Tuhan kekal Tuhan anri juru salamat takam,Yesus Kristus,sagar tauka lebar pa iko. ¹² Iroleh sabab ne Uki bamaksud pakai tarus ngmpiitung iko sagar kahai hal iro,sekalipun iko haut kutue anri haut natamuan anri kukuh huang kebenaran sa tataha iko haut kaampun. ¹³ Kunguhang uki tatap wolum huang kemah dunia itu,uki ngaggap perlu pakai ngarawah iko anri sara ngampi itung iko. ¹⁴ Ket uki kutue bahwa uki sagar hinang nanan kemah itu,yalah sa haut na tutui mpah uki andri tena daya Tuhan takam,Kristus Yesus. ¹⁵ Pada aku sagar bausaha pakai ngulah iko tatap ngitung kahai ne itu ukah pitulakan uki saksi mato Kemuliaan Kristus ¹⁶ ket kain bakoi uma tanuhui sa na karang anri cerdik tawuk ngampitaru pah iko kuasa anri pihawian Tuhan takam,Yesus Kristus,kude et kain saksi-saksi mato kemuliaanNe ¹⁷ Ket tawuk Yesus narime hormat anri kemuliaan teke Allah Uma,yalah tawuk na paner mpah Io daya sa Mahamulia,"Itileh Pea-Ku sa nakalelu,pah-Ioleh Aku berkenan, ¹⁸ Kain pada ngorongoi lengan iro hawi teke surga tawuk kain sameh-sameh anri Io gi obo gunung suci. ¹⁹ Kain pada makin na ampi harap ket ontuhan nubuat,sa maasus pada daya kam anri cermat,nyalah nginte lampu sa maraai gi unengan sirom,hampe pita hawi nahampe bintang fajar naan gi huang ate ko. ²⁰ Kude erai hal sa harus na pantaru daya kam iyoiro koi uweng nubuat huang Kitab Barasis sa hawine teke tanguhan murunsia, ²¹ sabab koi uweng eraipun nubuat sa hawi ne teke kabahumen murunsia;kude, sebalik ne ulun-ulun sa bapaner gi obo ngaran Allah badasar pimpinan Roh Barasis