¹ Paulus itengk nga ka' Derbe ngan Listra, lalu ketingetlah ade inye orang murid ka' un,beginan Timotius, anak tengk nana Yahudi neng dah pecaya, tapi ama'a na Yunani. ² Ye' dikenal bait kuna sodara-sodara seiman neng ade ka' Listra ngan Ikonium. ³ Paulus aus mada Timotius mayan ngan ye', maka ye' ngajak Timotius ngan nyunat'ta, karena na Yahudi diam ka daerah ngen , karena na da taman babis bahwa amak ye' en na Yunani. ⁴ Waktu dana'ka mayan lewat bala kota, muwah keputusan neng kuni bala rasul ngan bala na dama ka Yerusalem nyepakat nyah na neng pecaya supaya ti' naat. ⁵ Maka, bala jemaat kuna' neguh ka' deyemp iman, jumlah belaye' pun batamah tiap ari. ⁶ Lalu dana'ka mayan lewat daerah Frigia ngan Galatia karena Roh Kudus ngata mada nyampai injil ka' Asia. ⁷ Waktu dana'ka da itengk ka' Misia, dana'ka berusaha mayan to Bitinia , tapi Roh Yesus aye ngijin dana'ka . ⁸ Maka duda lewat Misia , dana'ka disah to Troas. ⁹ Waktu da ngaremp Paulus ade ninget penampakan ; ade na Makedonia gi tagent ngan mohon ka Paulus wan ye muwah , '' Itengklah ka' Makedonia ngan nolong kanak, '' ¹⁰ Daduda Paulus ninget penampakan ngen, kanak pun berusaha ngan segera berangket to Makedonia , daduda bepakat bahwa Jubata nyaru kanak mda nyampai injil ka' belaye' . ¹¹ Karena ngen , daduda belayar teng Troas , kanak langsong belayar te Samotrake , lalu ari jaklemp te Neapolis . ¹² Lalu duda ngen te Filipi , kuta utama ka' daerah Makedonia ngan kota neng kuna Roma jajah , kanak remen ka' en labeh teng inye ari . ¹³ Lalu pada ari Sabat , kanak mayan keluwei tengk pintu Gerbang Kuta nuju tibing sunge , kanak bepeker bahwa ka' ngen ade badah nyah bedoa . Maka kanak ijungk ngan begisah ngan bala nana neng gi ngumpui ka' ngen . ¹⁴ Ade nana neng beginan Lidia, ye teng kuta Tiatira , ye nyuel kain ungu, neng pecaya ka Jubata .Jubata muke ate'we mada ningah laba neng kuni Paulus muwah . ¹⁵ Lalu daduda Lidia ngan babis na neng diam ka diyo en kuni mbaptis , ye' mai mohon ka' dana'ka , '' Ha' dako nganggap ken pecaya ka' Jubata ngan sunguh-sunguh , itengklah ngan remenlah ka diyo ken . '' Lalu ye' ndesak dana'ka . ¹⁶ Waktu kanak gi mayan te badah nyah bedoa , ade nana ye' en seorang amba , neng bisi roh nyah ramal ngaga kanak .Ye' udah mingkant ontong ka tukewe ngan asel ramal ngen . ¹⁷ Nana ngen nune Paulus ngan daki sambel ngomong asa , '' Belaye ha' amba-amba Jubata neng Maha Kuasa , neng muwah jarant selamat ka dako. '' ¹⁸ Ye' muwat laba jengen beari-ari . Paulus pun gente , ye' bebalik ngomong ka' roh ngen , '' Ken merintah ko , ka' deyemp ginan Yesus , keluwei tengk ye' en . '' Lalu roh ngen pun keluwei waktu ngen nen . ¹⁹ Tapi waktu bala tuke ningah arapan belaye' yak ngai ontong udah ilangk , belaye nakap Paulus ngan Silas , kuni nyeret ka' adap na udah ngan bala penguasa . ²⁰ Lalu waktu daduda belaye' maben Paulus ngan Silas ka bala hakim , belaye' ngomong , '' Belana ha' adelah na Yahudi neng muwat kaco kuta adep '' ²¹ Belaye ngajei bala adat istiadat neng aye benei menurut kebiasa na Roma . ²² Na udah pun angket sama - sama nyerang Paulus ngan Silas , lalu bala hakim pun ncarek pakaiPaulus ngan Silas sereta merintah belana malo belaye' beduwe en ngan tunket . ²³ Daduda nganiaya Paulus ngan Silas , lalu nyimpen belaye ka' penjara ngan mada kepala penjara njaga ketat Paulus ngan Silas . ²⁴ Daduda nerima perintah en , kepala penjara nyimpen Paulus ngan Silas ka penjara paling deyemp sambel kuni masong ngan kaja kuni belenggu . ²⁵ Bekisar tude ngaremp , Paulus ngan Silas gi' bedoa sambel nyanyi nyah Jubata , belana neng ade ka' en pun ningah belaye' nyanyi. ²⁶ Lalu tiba - tiba kejadi gempa bumi neng ayu' sehingga dasar diyo penjara ngen beguncang . Sereta babis pintu kebuke ngan belenggu babis na ka' ngen kelapas . ²⁷ Waktu kepala penjara angket ngan ninget pintu - pintu penjara da kebuke' , ye' mabut pedang yak nkumes dadep karena ye' ngira na neng ka penjara en obo . ²⁸ Tapi Paulus ngampak'ka , '' Usah ko yak mbahaya dadep , karena daki masih ka' ha nkame' . ²⁹ Lalu kepala penjara ngen mai api ndiya bededes meyeh ,sambel begetei , ye' sujud ka' adap Paulus ngan Silas . ³⁰ Duda ngen , ye' mabent Paulus ngan Silas ka' luwes lalu muwah, '' Tuan - tuan ani laba neng arus ti muwat ken supaye selamat ? '' ³¹ Belaye pun nyaut , '' Pecayalah ka Jubata maka ko selamat , ko ngan babis na neng diam ka diyo ko .'' ³² Lalu Paulus ngan Silas nyampai injil ka' kepala penjara ngan na neng ade' ka diyo ngen. ³³ Duda ngen ye' mabent Paulus ngan Silas ngaremp ngen nen ngan minyo tuwen belaye , lalu ye' ngan babis keluargawa kuni mbaptis . ³⁴ Kepala penjara pun mabent Paulus ngan silas ka diyowo lalu kuni mpaya uman . Ye' sangat besokor bahwa ye' ngan babis keluargawa dah pecaya ka' Jubata . ³⁵ Tapi waktu ari da nguri bala hakim kuta ngutus pelisi,lalu muwah , '' Ti' lapas belana neng beduwe ngen ! '' ³⁶ Lalu kepala penjara muwah pesa' ngen ka' Paulus ngan Silas ,wan ye' , '' Bala hakim kuta da mada lapas dako . '' Karena ngen keluweilah gi berangket ngan tenang !'' ³⁷ Tapi Paulus muwah ka' belaye' , '' Bala belana ngen da malo daki ka' adap na udah , aye kuni ngadil dulu padahal daki warga Roma sereta nyimpen daki ka' penjara . Lalu anikah belaye yak ngeluwei daki ngan diam- diam ?" Aye ! Biar keh belaye' dadep itengk ngan ngeluwei daki .'' ³⁸ Bala pelisi muwah omong ngen ka' bala hakim kuta,belaye obot waktu ningah Paulus ngan Silas ngen warga Roma . ³⁹ Maka belaye itengk ngan mai maap ka' Paulus ngan Silas . Daduda belaye ngeluwei Paulus ngan Silas bala hakim mada belaye ningel kuta ngen . ⁴⁰ Lalu daduda keluwei tengk penjara ngen,belaye samapai ka diyo Lidia. Paulus ngan Silas pun ninget bala sodara seiman sambel nguwat ate danak ka' en lalu berangket mayan .