^{1 2} 1.ಜೇರ್ ವಾಸ್ ದೇವ್ ಓರ್ ಕೃಪಾ ಕಾನ್ ಹಮೇನ್ ಇ ಸೇ ವಾನ್ ಡಿಡಿನೋ ; ಜೇತಿ ಹಂ ಹಿಮ್ಮತೆನ ಚೊಡಾನಿ. 2.ಲಾಜೆನ್ ಲಾವಜಕೋ ಸೇ ಬೇದೇರ್ ಕಾಮೇನ್ ಅಪನ್ ಚೊದಡದೇನ್ , ಹಕ್ಮತೆತಿ ಚಾಲಾನಜು ದೇವೇರ್ ವಾಟೆ ಹಳ್ಕರೆನಿಜು ಸತ್ತೆರ್ ವಾಟೆನ್ ಮಾಲಂಕರ್ ಜೇತಿ ದೇವೇರ್ ನಂಜರೇಮಾಸೇ ಮನಕ್ಯಾರ್ ಮಣ್ಣೇರ್ ಗವಾಯಿಮಾ ಹಮೇನ್ ಸಾಸ್ಪೆನೆರ್ ಕನ್ ಮಾಲಂಕರಾಚಾ. ^{3 4} 3.ಹಂ ಕೇರ್ ಜಕೋ ಅಚ್ ಖಬರ್ಥೋ ಸೇಕೇನ್ ಗೋಕಾನ್ ಛಕತೋ ನಾಸೆರ್ ವಾಟೆಮಾ ಛಜೇನುನ್ ಗೋಕಾನ್ ಛ. 4.ಇನೂಮಾ ದೆವೆರ್ ಸರೂಪ್ ಛಕೋ ಕ್ರಿಸ್ತುರ್ ಮಹಿಮಾನ್ ದೆಕಾಲಜ ಕೋ ಅಚ್ ಖಬರೆರ್ ವಜಾಲೋ ಹನೂಕೋನಿ ಕಣ್ ಎ ಜಾಗೆರ್ ದೇವ ವಿಶ್ವಸ್ ಚೇನಿಜೇರ್ ದಲ್ಮೆನ್ ಅಂಡಾರೋಕರ್ನ್ನಕೋ. ^{5 6} 5.ಹಮೆನಜ್ ಫೆಲಾಲನಜು ಯೇಸು ಕ್ರಿಸ್ತು ಪ್ರಭುಕನ್ ಹಂ ಓರ್ವಾಸ್ ತ್ಮಾರ್ ಸೇವಾಕ್ ಕಣ್ ಪ ಪ್ರಚಾರ್ ಕರ್ರ್ ಚಾ. 6.ಕಸ್ಸೆನ್ಕತೋ ಆಮ್ದಾರೆ ಮಾಯಿತಿ ವಜಾಲೋ ಜ್ಹಾಮ್ಕೆದಕನ್ ಕೋಜಕೋ ದೇವ ಉಜ್ ಮಾಯಿತಿ ವಜಾಳೋ ಝಾಂಕ್ ರೋಜಕೋ ದೇವೇರ್ ಮಹಿಮಾರ್ ಕಾಣೆರ್ ಗೇನ್ ಹಮೇನ್ ದಜು ಓರ್ ವಾಜಾಲೇನ್ ಹಮಾರ್ ದಲ್ಮಾ ಝಾಂಕ ಜುಕೀದೋ. ^{7 8 9 10} 7.ಜೇರ್ವಾಸ್ ದೇವೆರ್ ಜೋರ್ಪಾನ್ ಹಮಾರ್ ಕೋನಿಕನ್ ದಕಾಳೆನ್ ಧೂದೇರ್ ಹಂದಿರ್ ನ್ಯೆ ರಜಕೋ ಹಮಾರ್ ಜಿವ್ದಾಮಾ ಎ ಅತ್ಮಾರ್ ಧನೆರ್ ರಕಾದ್ಮೇಳೋಛ. 8.ಸೇ ಥರಾಮಾ ಅಪನೆನ್ ವೆಲಾರತ್ತೋಯಿ ಅಪನ್ ಘನೋ ಹುಕ್ಮ್ ಪಾಯೇವಾಳ್ ಕೋನಿ; ಅಪನ್ ವಾಟ್ ದಕಾಯೇನಿಜು ರೆಮಾತೊಯಿ ವಾಟ್ ಚುದನ್ ಜಮೇಕೋ ಕೊನಿ. 9.ಭಾವೇಟಿ ಪಡೆವಾಳ್ ರೆಮಾತೋ ಯಿ ಹಾತ್ ಚುದಾಮೇಕೋ ಕೋಇ ಧಕ್ಮ್ಮಮೇ ಕೋರತೋಯಿ ಜಾನ್ ಗಮಾಲೆವಾಳ್ ಕೋನಿ. 10.ಯೇಸುರ್ ಜಾನ್ ಹಮಾರ್ ಜೀವ್ಡಾಮಾ ಮಾಲಂವೆಂ ಯೇಸುರ್ ಮೋತೇನ್ ಹಮಾರ್ ಜಿವಾಡಾಮಾ ಹಮೆಶಾ ಲೇನ್ ಫರ್ರೆಚಾ ^{11 12} 11.ಹಾಲವಜ ಕೋ ಹಮಾರ್ ಜಿವಾದಾಮಾ ಮಾಲಂವೇನ್ ಯೇಸುರ್ ಜಾನ್ ಮಾಲಂ ವೇನ್ ಜಿವ ರೋಜಕೋ ಹಂ ಯೇಸುರ್ವಾಸ್ ಹರಘಡಿ ಮಾತೆನ ಹವಾಳ್ ವೇರೇಚಾ. 12.ಎರ್ ನ್ಯೆ ಮೊತ್ ಹಮೆಮಾನ್ , ಜನ ತಮೆಮಾ ಕಾಮ್ ಕರಾಚ. ^{13 14 15} 13.ಮ ವಿಶ್ವಸ್ ಕೀದೋಜೇರ್ ವಾಸ್ ಮ ವಾಟೆಕೀದೋಕನ್ ಗ್ರ್ಮ್ಥೆಮಾ ದಕವಜು ವಿಶ್ವಸ್ ಸಹಜಕೋ ಅಸ್ಸೋ ದಲೆತಿ ಹಂ ನವೆಚಾ ಜೇರ್ ವಾಸ್ ಹಮ ಸದಾ ವಾಟೆಕರ್ರೆಚಾ. 14.ಕಸೆನ್ ಕತೋ ಯೇಸು ಪ್ರಭುನ್ ಜಿವೇತಿ ವತಾದಜಕೋ ದೇವ್ ಯೇಸುಟಿ ಹಮೇನ್ ಸದಾ ವಾತದನ್ ತಮಾತಿ ಸದಾ ಓರ್ ಮುಉಮ್ದಾಗ್ ಲಾವಕನ್ ಹಮೆನ್ ಮಾಲಂ 15.ಈಸೆ ತ್ಮಾರ್ವಾಸ್ ದೇವೇರ್ ಕೃಪಾ ವಾರ್ಸೆಕ್ ಜನೂನ್ ಲಭನಾ ದೇವೇನ್ ಮಹಿಮಾವಜು ಎ ಅರಜ್ ಕರಣ್ ದೇವೇನ ತ್ ಧಾವಛ. ^{16 17 18} 16.ಎರ್ ಕನ್ ಹಂ ಕನ್ನ್ಯಾಯಿಜ್ ಹುಮ್ಮತ್ ಚೊಡಾನಿ; ಅಪನ್ ಜಿವಡಾ ಸುಕಾಜತೋಯಿ ಅಪನ್ ಆತ್ಮಾ ದಾಡೆತಿ ದಾಡ್ ನವೋವೇಜಾರೋಛ. 17.ಕಿಮ್ಮ್ಕತೋ ತ್ಹೊದ್ಸೆಕ್ ಘಡಿ ರಾಜಕೋ ಅಪನೆರ್ ಈ ವೇಳಾ ಘನೋ ಮೊಟೊ ಶಾಶ್ವಾತ್ ಮಹಿಮಾ ಅಪನೆನ್ ಲಾವಚ. 18.ಕಸೆನಾಕತೋ ಹಂ ಅಪನ್ ದಲ್ಮೆನ್ ಡಕಾವಜೇರ್ ಉಪರ್ಕೋನಿ ಪಣ್ ದಕಾಯೇನಿ ಜೇರ್ ಉಪರ್ ನಂರ್ ಮೇಲ್ಲ್ಮಲೇಚಾ , ಅಪನೆನ್ ದಕಾವಜಕೋ ಥೋದ್ಸೆಕ್ ದಾಡ್ ರಚ ಪಣ್ ಅಪನೆನ್ ದಕಾಯೇನಿ =ಜಕೋ ಹಮೇಶಾ ರಚ .