¹ She pablo hai karcepe Hesukrito rehevape handi shyryvy Timoteo, ore nymymãrandu haka ndee, nde Filemon yrymba'apo irū haihuhava. ² Haereka iriîndy Apiape, īrīmi'īru'ia Arqui pope haereka opaite tupaovare ñymbaty'õre nyrētape. ³ Ñandeja haereka Ñande ru Hesukrito jypareko handi pya vapy tõi penendie. FILEMON JYHAIHU HAEREKAJYROJAKUE ⁴ Amee ñoishu shyvya sheruitepe airureshuape. ⁵ Hãhendumã nde ryhaihu haereka rirojaja kaviva Hesukritore, haereka ryhaihuva jyvea opaite Hesukritore jyroja' ia retaivive. ⁶ ko jyrojakue, ñande ime jareva Hesukritore tupūave toho ndypy rikuaa kavivera opova mbai kavi ñande īme jareva Hesukrito rupīi. ⁷ Tivisha vya haereka pya symyi mē ēashe ndijyhaihukue rupii, ndee shyryvy ahaihuva rymykyreyrirã rehe ñandy ryvyre. PABLO JURURE ONESIMO REHEAPE ⁸ Hesukrito heepe imeñoite ē sheva ha'endeverã mbaivara rijapopo. ⁹ Shatey aiporu shy deresho īme'area rãmēi shykyrēy airurejyshu jyhaihu rupī shyray (jyrojakatu iarehe ryheva) Onesimo rehe ñymoña shyreheva karsepe. ¹⁰ She Pablo akuakuama, tevã ãī teri karsepe airure heseape. ¹¹ Arykai Onesimo japova haikaviteve she pevarã. ¹² Kope ãmondajyshu rēivape pymyvãhe kavishu she raimi. ¹³ She aipotave hai pyta shendie shymboryverã nyrēnda kuepe, shava ãi Korsepe Hesukrito reheape. ¹⁴ Hãrã shatey ajapo mãinunga nde rikuambape, mãhe rijapokui rijapo teverã ajopyite nderehe rãmēi. ¹⁵ Katuara Onésimo syryî ndyhevi sapy'aite haivi rēijyñoima handi verã. ¹⁶ Hai vēama pente jokueha reíveva ñandyryvy jahaihuva raimimajyve she ranga ahaihujyveshu, nde katupa vyhauhaitevajyveshu hai ñandapishahea hãrã ã'ē ñandyrehea, Hesukrito rupīi. ¹⁷ Hãrã shiñonoma nde ni'irūite raimi myvãhe kavijyveshu she rãimi. ¹⁸ Imē mbai nde nã apova ti odeve ndevã opãi ñono shekuentape. ¹⁹ She, Pablo opapo ãmbykojajynde kai opaite odevehe ndeave, shepo petei ãmbypara nde ko kuatia ñēe nde ryheshara añete ndeverã, aikuateva ndetei redeve rēijyveshea (she ãmbeu'ai Hesukrito iñee nyrenda kuepea). ²⁰ Yrēi shyryvy tavyajyve nderupi Ñandeja Hesukrito reheape, mbyhory shypyape Hesukrito ryhaihuape. ²¹ Aroja nde ni ñee rēndushuvera ambypara ndeaivive, aikuaa kavi rijapove verã she airure ndeve kuaivi. ²² Piñonokaviveshe she ãiverãpe ãharõ rãnga ãi haire poijy shyhevi verã pirurepēi shyrehea rupīi, pente mē'ēa reiva raima pee pevarã. ÑYMYMARAÃNDU JAPYHEA ²³ Epafras, shī irūhea karcepe Hesukrito reheape nymymãrãnduka jyve. ²⁴ Haereka shymboryse'iare Markos, Aristarko, Démas hãndi Lucas. ²⁵ Ñandeja Hesukrito jypareko tõi penēndie Espíritu Santo handi.