¹ 1 She hai Santiago Jacobo Ñanderu Tumpa haereha Hesukristo jokuereva amarãndu 12 Israel tribu opa mamaipi ohovare. ² Shyryvyre pyvy'aĩpo opa mbai porãmba pyhasapeĩrã. ³ Kyrã mbai porãmba pyhasapeĩrã, pynypyrãtavepo pirojakuepe. ⁴ Piñyhãã katu hekope kavi pynypyrãta verã, vokava hai piniñono kavi verã hãrã mãĩnungapeãpo pynykangy. ⁵ Hãrã pynymbytepe ĩmẽ'ẽ mbaimba kuaavarã, tirure hãrã Ñanderu Tumpa hetakavipo mẽẽshu opava retape mbaimba jururejyheshuape. ⁶ Tĩrure jyroya ryheve avy yurure pya parombaryheve pyoporamba ceve yurureva ova y ñanrova yvytu peyu a’ape raha ⁷ avy itei. Kuĩmbaĩ Teva taupe haimo moapo hipityma pẽnte mbae Ñanderuvi ouva ⁸ pya pochy ryheve ĩva chiriria oparupiiho’. ⁹ Haima ñandyryvyre paveteva tyvya heshara Tunparay ñonokovigy. (Lucas 6.20) ¹⁰ haima ñandyryvy heta mbai reva Tyvya Ñanderu mimichima churã haĩkua mbai hetarea ova capi, poty opareĩvera ¹¹ ohe Kuasy haku kavimoera opa jĩpĩ haima kapri, poty o a haima mashyankue opareĩ yy kyraugatĩyy ĩkocatuva opareiyy heshara yyroyã ĩkocatukue. ¹² õre vy'aite kuinmbai, yepykaviheva mborrmbuhea porãmbavekua yanasakav’i shi mboryrahe õhekavimashura hipityma tykove opambava Ñanderu mevera me ñoiposhu haihuvape. ¹³ Pypya raara havyitei pere Ñanderuronga shypy’a’raa mbavapo Katuapyrã Ñanderupe Japovera mbaĩ Poramba haĩ hei ñande py’ãrananpo ynsubupe. Japova porãmba. ¹⁴ Kova Kuinmbai hayeka,taupe pyape pota poranbava yopyshu retahaima rahoshureta yapoverare cova porãmba. ¹⁵ ko yvy iãnre õva pyapein potaiva porãmbava he ñoi mara honheshu porãmbava haima poranbava ñymoñama ĩ apo ñemano. ¹⁶ shyryrerahaihuvare avytei pee’, pimbytavyka piyupe ¹⁷ Opaite mẽ’ẽava heko cavi. Me’eva hareka yapyrope hekopekavira ou vatei’vi. Ñanderu Tumpaivi. Hai mykoiva tu. Hai ñymy yngaihai. Hai hãndi naimi hai envape pyntua yuri. ¹⁸ Hai potava ĩñe añeteitevape hai ñaniñokavi hai ma iko hãndi verãre Tyno’ndeĩte yapo vekua rãĩmi mbytepe yayapo ñoipo ñanderu potava. ¹⁹ Haima shyryvyre ahaihuva opavapevãra pyhendu verã penymbevepo piyetavera hareka pyndy poshyvera. ²⁰ Tapy poshyva yapoa mbaikavĩ ñanderu hynonde. ²¹ Akuara pypoishĩ opava maidunga ky'ava hareka porãmbava, ñymĩmishi pynmbitivisha ñanderu ĩñe haima haipo Ñanymondoyepe ñandyry kove. ²² Piyapo Ñanderu iñẽ heiva avypo pyhenduiñoite avypo pei piñymbytavyka piyupe ²³ haima hẽndu.ñoite’iva Nanderu ĩñẽẽ japombava hain espejopein mai eni Jeheva ²⁴ haipe ĩjesha maranra en haĩvi ohomajyrd sarema jyhe maranra en hova. ²⁵ haima maikavi heva japoava hekopekaviva Ñandora Ñañe’ha’ãpo yuyapo verã koua,heivarami japo haikaviva. Kova haiheivarami. Vokava hae pẽnte. Henduvai. Haima sarejyhe vokava vy’airã yapokavirã. ²⁶ ĩme en pẽnte’heiva ijehe she airoja kavi rãnga Ñanderu yokoa juru haima haiñymbytavy iyupe hara. Iñymbatya vape mbaima haikavi. ²⁷ Yuiroyukuvarã ñymbaty ha’õnpe hekokavivuruimi Nadeya Nanderuite haihurãngava Nambory ĩmeveãmova mbatyreara mainunsara yasy’ryshĩ opa mbai porãmbava.