¹ She hai tapyy amarãndu tupao Ñanderu Tumpa ĩñẽẽ opaiteva aĩhãndivare ñandijypamiretaipi tupao Ñanderu Tumpa hekapyãmba arykai tayre pevarã she ahaihu añeteva ha'ẽã sheĩva, opaiteva añetevape iare. ² Ko añeteva õĩ ñandy pyape, haikavitenpo jahave, hãrã pytapo ñandy pyape opa ara pevarã. ³ Pyakavi, jyhaihu, pyahendape katiiva, Ñanderu Tumpa haereka Tay Hesukristo tõĩ ñanymbytepe, hãrã jaiko Ñanderu Hesukristo, Ñanderu Tumpa tymẽẽ jyparekokue. ⁴ She avyaite ahesha ndy rayre mbytepe ẽ, vatava ãñeteva hapeipirã,Ñanderu Tumpa hei ñandeva rãimĩ katĩ ñande. ⁵ Ã'ẽ airure nde shy retarã (Iglesia) jaijaihu verã ko jajapo verã, Katy ha'ẽã py ahuiteva, jypyiterã vãĩ ñahẽndu kova. Javaive ñahẽndu vãĩte, arykai. ⁶ Kova juparekokué he'ise jaiko kavi verã Ñanderu Tumpa hynonde, jajapoverá hei ñandevarãimirã ñandyrorypo jaive kova jyparekokue jajapo verã. Me ẽãve ñande jupyiterã vãĩ pyhendu vekuaa haereka jaiko verã heiva rãimi. ⁷ Katy pyry mby tavy iare hetama ou oparupii haire mbeu Hesukristo. Ou mbava tapyy rãĩmi, haire pyry mby tavy ia retaima hai Hesukristo rã ãngarã iare tãima hai. ⁸ Pingareko katushi avy pivareitehe japoa vekua, pipityve pijapova hepymi haikaviva. ⁹ Opaite Hesukristo ĩñẽẽ hasa ĩarẽvã, rekoã pyape Ñanderu Tumpa, ko pytava ĩñẽẽpe ny reko Ñanderu Tumpa haereka Tay Hesukristo. ¹⁰ Ĩmẽ'ẽ vãhẽ ouva ñanyrentape verua pyry mbai verãrã ñamy vãhẽampo ñany rentape avyndapo jaishu vãhẽ ei. ¹¹ Hãma heishuva, tẽvã vokava ñimi ĩrũ hea, ẽma hãndi porãmbape. ¹² Ajemaĩ hetatẽ are ambeu pee verã, Katy ambyparapo ã'ẽ Tumpa pirereĩ, ãhãrõpo aha verã pẽĩvape haereka ñaĩnjetapo jipive, javyapo opaiteva. ¹³ Ynga tupao mamaĩmpi õre verukape ñymarandu.