¹ She Pedro Tũmpa jy apóstol añono kuatiape opa ñymõmõhe vare pevarã hẽntaivi, Ponto Galacia, Capadocia Asia haereka Bitiniaipi. ² Ñanderu Tumpa Tuu pynypy hyrõva hai kua pee tynonde verã hará Espiritu Santo rupĩ pyndy reko kavirã pini ñee rẽndushu verã, haereka pynymy põtĩ verã Hesukristo huvype.Jyhaihu haereka pya vapy typyrỹmynyhe Harõhava opa mba verã ³ Ñamombai vasu Ñanderu Tumpa Tuupe pya jyparekova rupii ñanumu pũãjy py'ahuva, Hesukristo kuerajyva manova mbyteivi. Vokava mẽe ñande pẽnte ña hãrova opa mba verã. ⁴ Hãra ña hãrõ voka mẽ ẽa reiva ñana ãporã natuhã ẽ ñandeva vate arapy. Pente mẽ ẽa reiva opa mba verã,mbai rãmba ñymbai verã hará kya mba verãjy haere jipi mba verãjy ⁵ Haivi Ñanderu Tumpa ñymbaikatu rupii ñyngareko ñandyrehe piroja herã rupĩ, pipity verã mõndoa jepeva opa ñonoa kaviva heshaha verã voka ara japyape. ⁶ Harã rãnga pee pyvyapo mĩshĩ pyhasa asypẽĩOpava mãĩnunga perã ⁷ Shara pee pirojakue, hainy oro mãshyã verã mbakuhava tatape, voka jyrojava opa ohẽ kavi pya rã aivirã haikavi vejy oroivi katu opa ñymbai verã vaivi. Hara kyrã hã ãha pijy rojakuerã timby haikavi typy rymby vya toñemõmbai Ñanderu Tumpa. Heshaha jyrã oujy araperã. ⁸ Pẽrãnga pyhaihu Ñanderu Tumpape pyhesha mba tẽva pirojahe pyhesha mba tẽshuva. Kyrãrã tẽva opa ĩmẽ pyre vya tivishava katumba opa jai ñambeu vape. ⁹ Kyrã pipity peho piroja vapy pyndy kove mõndo jepe verã,pyndy rykove pevarã ha ẽrã rãnga pee piroja he. ¹⁰ Arykaimãi ñimi ñee iare pota kuaa jyreva haere pyrãndu heva ko pyry mõndo jepe iva ryheva, haereka ñimi ñee iva voka Ñanderu Tumpa jyhaihu rupĩ pota mẽe peva rehe. ¹¹ Harã Ñanderu Tumpa Espiritu iko ñimĩñee ivekua retare. Tynonde kuaakashuvare ko Kristo jyhasa asyrã, haere voka vya tivishava haykue ẽ verã hará haire õñe hãte pota kuaa mbavara pokui ko Kristo haere mbaipe rapo outẽ. ¹² Ñanderu Tumpa Katy opa mbykuaaka reta voka mãinunga pota kuaa jyreva ha'ẽã haire pevarã, ñande pevarã jyve. Hara ã'ẽ kuaaka pe ko mãĩnunga ñimi ñee i pevekua ko ñee kavivare, Espiritu mby vejya vekua vate araivi mbaikatu rupii kova mãinunga rãnga hai Ñanderu Tumpa ´´jokueva´´ reta tei pota kuava. Ñanderu Tumpa pota ñandy reko kavi. ¹³ Harã peñe hã pyndy pya pimbijeta kavi, haere pĩngareko mãrãrapo piko vera rãimi. Py hãro jyrojape katu, Ñanderu Tumpa jyhaihu rupii mẽe pe verã Hesukristo ijeshaka jy verã arape. Ñanderu Tumpa pota ñandy reko kavi ¹⁴ Opaite sãjãyre ñee hẽnduva rãimĩ, havy piko Ñanderu Tumpa kuaa mba rãimi. ¹⁵ Kyrã tẽ verã pyndy reko kavi pojyve opa pijapo haikaviva rehe Ñanderu Tumpa pynyrẽno rãvekua. ¹⁶ Hei rãnga Ñanderu Tumpa ñee kavi vape pyndy reko kavipo shee rãnga shyreko kavi. ¹⁷ Pee perejyve Ñanderu Tumpa pynde Ru varã, mbivacheva pepẽntei mbai japova rehe mbava pe mba mbivavyva, kyjeapepo piko teri ko yvy ĩãrerã. ¹⁸ 18 Pikuaa kavi Ñanderu Tumpa pynymondo jepeva pyndy reko põrã mba vekuaivi peru vekua pyny tynondeva retaivi hara voka pyry mõndo jepeva hepy ha'ẽã mãinunga opa vera oro ti plata rãimi ¹⁹ Kristo huvy hepyva rupĩi Katy jyve, manova pẽnte avisha mbijije hava Ñanderu Tumpape varã, opa myhendaha kavi haere kya mbava verã rãimiva. ²⁰ Ha erã Kristo opa ñono kaviva ndei teri Ñanderu Tympa opa ñono kavi ko yvyrã. Harã kova ara japyape Katy hai ijeshaka pee pyndy raihui teapy. ²¹ Hesukristo rupĩ rãnga pee piroja Ñanderu Tumpare hai mby hykove jyva jekyma vare mbyteivi hara omombai vasushu pee piroja hará pee pyreko verã ña hãrõva Hesukristore. ²² hãrã ã'ē Espiritu Santo rupīi piniñēē rēnduma ãñetevape, kyrã pyndyrymypõti pyndyrykove haivi pii pyhaihu hova mõkuemba ryheva pyndyryayre harã pijyhaihupo pyndy pyaivive hareka pynypyrãtakue ryheve. ²³ Shara pee, peajy py'ahumã ha'ēã kuareta monojy verã ryhevaivi, koñei Ñanderu Tumpa iñēē opambavevaivi. ²⁴ Ñanderu Tumpa jykuatiape kyrã hei: kuaretare hareka taupe ka'avo rãimi mashy'ãkue, ka'avo poty rãimi hãra, ka'avo tinirã poty opa kui; ²⁵ Tēva Ñandeya iñēē hai opmbava hãra kovã hai ñēē kaviva rupīi mbe'uhape vekua.