1 1Kerai, Festus mutam wilayah ine, end aoh telao herao, henya panu men Kaisarea mu'un ke Yerusalem. 2 2Imam Tangah end pemuka-pemuka Yahudi mengge'a tuduhan-tuduhan ngelawan Paulus te Festus, end helaoh ba'en sigen betandi'a te Festus. 3 3End helaoh aoh makei te Festus nek ji keberpihakan mennyangkot Paulus-lon henya deng te nawah Paulus ke Yerusalem be'en begane helaoh deng nek te matei henya talem perjalanan. 4 4Aoh Festus nyadu'a behuwa Paulus nek i uleng i te Kaisarea, end behuwa henya arep ulipet ke itu uji. 5 5"Kerena ine, hei anun deng," heron ne, "haros menya ke itu besibang kemelao." Kama nai sesuateu anun sala be'en ulun ine, kelao haros nuduh henya. " 6 6Aoh henya melao ngenai sa'ya ateu jepulu herao uji, henya panu menujeu ngileih ke Kaisarea. Peda herao uji, henya madeu te kursei penghakiman end merinta kelon Paulus i nge'a i te henya. 7 7Ketika henya aoh ateng, ulun-ulun Yahudi men Yerusalem aoh nyekere'a te katin ne, end helaoh mengge'a jaho'a tuduhan-tuduhan lemen anun apun deng helaoh buktikan. 8 8Paulus ngebila diren ne end tandi'a, "keu apun na kesalahan kuno numo'a lep ngelawan hukum ulun-ulun Yahudi ateu ngelawan Bait Allah, ateu ngelawan Kaisar." 9 9Namon, Festus ngibah ala keuntungan men ulun Yahudi, sehingga henya nyadu'a Paulus end betandi'a, " Kuno keh ka ngibah tai mu'un ke Yerusalem end i hakimi men keu tenteng hal ini te itu?" 10 10Paulus nyadu'a, "Keu nyekere'a te neng kursei penghakiman Kaisar lon keu deng i adili. Keu apun besala peda ulun Yahudi talem hal kuno luneh, uwi anun ka teu i be'en jeles. 11 11Namon, kama keu aoh na kesalahan end bilamana keu aoh na sesuateu anun na ka pantaih matei, keu apun nulak nek matei. Tapi kama tuduhan helaoh apun lan, apun jile'o ulun pun deng nek nyerah'kan keu te helaoh. Keu nawah Kaisar." 12 12Aoh Festus mutek te anggota Mahkamah, henya nyadu'a, "Keu nawah Kaisar, keu ekan bekejuma be'en Kaisar!" 13 13Aoh kuri herao, Raja Agripa end Bernike ateng te Kaisarea nek na kunjungan urut te Festus. 14 14Aoh ine kuri herao henya nai te itu, Festus mempelulup'kan kasus Paulus te Raja; henya tandi'a, "Ha' aoh i la'u i te itu men Feliks sebegai tahanan. 15 15Ketika keu nai te Yerusalem, Imam Ta'ngah end muku-muku Yahudi nai tandi'a tuduhan te ulun ini te keu, end helaoh makei lon henya i hukum i. 16 16Begane hal ine keu nyadu'a behuwa apun henya kebiasaan kemelao bangsa Romawi nek mele'heuh ha' kerena henya ja; sebalek ne Ha' anun i tadam i ine neh seharos ne nai kesempatan nek ngehadep para penuduh end mengadakan pembilaan ataih tuduhan te henya. 17 17Sebeb ine, ngau helaoh besibang nai ke ini, keu apun mengao, keu apun mengao, tapi jima herao ne, keu madeu te kursei penghakiman end merinta lon ulun ine i nge'a i e'a. 18 18Ketika pera penuduh nyekere'a end menuduh henya, keu miker behuwa punai ji tuduhan-pun anun deng pelemen'kan henya. 19 19Sebalek ne, helaoh ma'en berselisei be'en ne tenteng agama helaoh end tenteng Yesus tertenteu, anu aoh matei, anun Paulus persaya i behuwa Hiya aoh murip uji. 20 20Keu bingung beganao menyelidiki kasus ine, end keu meteng te henya apa henya ngibah tai ke Yerusalem nek i adili te itu tenteng kasus ine. 21 21Tepi aoh Paulus i tawah i nek i tahan i men para penjaga sebegai keputusan Kaisar, keu merinta henya nek tetep i uleng i ateng keu ngateu henya te 22 Kaisar."22Agripa aoh tandi'a te Festus, "Keu keh ngibah kene'a ulun ini." Jima, " heron Festus, " Keu ekan kene'a henya." 23 23Bali peda jima herao ne, Agripa end Bernike nai ba'en jaho'a sambutan; helaoh mutam halaman besibang be'en para perwira militer end besibang be'en ulun anun terhormat te kuta ine. Ketika Festus mempelulup perinta, Paulus i nge'a i te helaoh. 24 24Festus tandi'a, "Raja Agripa, end kelao keko'a anun besibang be'en kemelao, meneng kih lakei ini; ulun Yahudi meteng e'a te Yerusalem en keh te ini, end aoh mubi te keu lon henye haros akhiri urip ne. 25 25Keu aoh bekalei behuwa henye apun na kuno-kuno anun berharga kjematian; tetapi kerena henye nawah Kaisar, keu mutoskan nek ngateu henya. 26 26Namon keu apun nai kepastian nek i tuleih i te Kaisar, keu aoh mengge'a henye te kelao, terutama te ka, Raja Agripa, sehingga keundeng ala sesuateu huwi nek i tuleih i tenteng hal ine. 27 27Kerena halmine kalen ne apun henya beralasan bagei keu nek ngateu jile'o tawanan end tampa nyatakan tuduhan te henye."