1 1Auh kemelao pisah men helaoh end siap nek berlayar, kemelao ja'oh menujeu kuta Kos men herao uji ne menujeu kuta Rodos end aoh ine alei ke kuta Patara. 2 2Aoh kemelao ala kapel lek te lawat ke Fenesia kemelao mu'un end siap berlayar. 3 3Aoh qami'a deng meneng busang Siprus, kemelao liwet busang ine te ji'ang ulei end teros berlayar menujeu Siria aoh ine rapi te kuta Tirus, sebeb kapel ekan mungkar undan. 4 4Aoh ine kemelao pehina mured-mured, kemelao nyingup te ine tusu herao. Mured-mured ine betandi'a te Paulus telem Roh Kudus behuwa Paulus nem ngasa panju'a ne te Yerusalem. 5 5Aoh kemelao aoh pehemin i herao-herao kemelao, kemelao nyindo'a anu kemelao. Helaoh keko'a beserta hawan end anak-anak ne maten kemelao muh'wit kuta. Laleu kemelao berlutot te pantai, kemelao bedu'a end mengucapkan salem perpisahan ji en nek balei ne. 6 6Kemelao mu'un ke kapel sementara helaoh uli pet ke lepo. 7 7Aoh kemelao meng'aohkan pelayaran kemelao men Tirus, ateng neh kemelao te Ptolemais. Kemelao nyambot peharei-peharei te itu end kemelao nyingup ji herao te itu. 8 8Te herao uji ne kemelao meninggalkan helao end tai ke Kaisarea. Kemelao mutam uma Filipus, perenggah Injel ine, anun adalah sala ji men tusu le'o terpili ine end kemelao bermalem te lon ne. 9 9Lakei ine nai pat ank tenaoh anun bernubuat. 10 10Aoh ine kemelao nyingup kuri herao te ine, nai neh men Yudea ha' nabi anun malei bernubuat berhara Agabus. 11 11Henya nai te kemelao end ala kaput pendi'a anun Paulus. Ba'en kaput pendi'a ine henya ngaput panju'a end usu ne arep end betandi'a, "Beganai neh heron Roh Kudus, begane neh ulun-ulun Yahudi te Yerusalem ekan ngaput anun uku nyie'a ine, end helaoh ekan nyerahkan henya te bangsa-bangsa apun Yahudi." 12 12Aoh kemelao kene'a hal ine, ja kemelao end ne keh ulun-ulun anu nai tenine memuhon te Paulus lon apun ke Yerusalem. 13 13Aoh ine Paulus nyadu'a helaoh, "Kuno nu kelao na i, natap end nareuh pero'a? Sebeb keu siap, apun henya nek i kaput i, tetapi keh matei te Yerusalem nek haran Yesus Tuhan. 14 14Kerena Paulus apun deng i bujuk, meka kemelao te stop berusaha end betandi'a, "Kira ne kehendak Tuhan bali." 15 15Aoh herao-herao ine, kemelao napei kadan-kadan kemelao end menujeu ke Yerusalem. 16 16Nai keh anun tai besibang-sibang kemelao, henya ine mured-mured men Kaisarea. Helaoh mengge'a serta ha' anun berhara Mnason, ulun men Siprus, mured mula-mula, anun uma ne ekan kemelao rapi i. 17 17Ngau kemelao ari'a ateng te Yerusalem, peharei-peharei nyambot kemelao be'en suka cita. 18 18Herao berikot ne Paulus tai besibang ba'en kemelao nek pehina Yakobus end tua-tua Yahudi nai te itu. 19 19Ngau henya aoh nyapa helaoh, henya pelulup ji en ji hal-hal anun Allah aoh na i te hang bangsa-bangsa apun Yahudi melaluwi pelayanan ne. 20 20Aoh helaoh kene'a hal ine, helaoh memujei Allah end helaoh betandi'a te henya, "Meneng neh pehari'a, kuri ribu ha' anun aoh tebali persaya te hang ulun-ulun Yahudi. Helaoh keko'a netepkan nek mempertahankan hukom Taurat. 21 21Helaoh aoh menseritakan tenteng ka, behuwa ka nebara keko'a ulun Yahudi anu murip te hang ulun-ulun Yahudi untok melao Musa end apun nyunet anak-anak helaoh end nem menya tradisi-tradisi una. 22 22Kuno anun haros kemelao na i? Helaoh keko'a aoh kene'a tenteng kedatangan ka. 23 23Bali kuno anun ekan kemelao andi'a i te ka kerai, kemelao nai pat ulun anun aoh bersumpa. 24 24Nge'a neh ulun-ulun ini end tahirkan direm piyah-piyah helaoh, end mayar keperluan helaoh, lon helaoh deng mencukor bo'a helaoh. Lon keko'a ha' teu behuwa kuno anu i andi'a i te helaoh tenteng ka pun lan. Helaoh ekan bekalei behuww ka keh menya hukum Taurat. 25 25Tetapi tenteng bangsa-bangsa apun Yahudi anun aoh persaya, kemelao aoh nuleih surat end meju'a petunjok behuwa helaoh haros menseukan direi men hal-hal anun aoh i persembahkan te berhala, men hera, men tulan anun matei i det i, end men percabulan. 26 26Laleu Paulus mengge'a ulun-ulun ine, end peda herao uji ne, mentahirkan direi serta be'en helaoh, tai ke alem bait Allah, memperenggahkan wakteu akher pentahiran, aoh ine persembahan i ju'a i bagei setiap helaoh. 27 27Ketika hamper aoh masa tusu herao, kuri ulun Yahudi men Asia meneng Paulus te Bait Allah, laleu helaoh menghasut ulun-ulun nek medah henya. 28 28Helaoh mubi, "Ulun-ulun Israel, manteu kemelao, ine neh ulun ne anun bekalei keko'a ulun te inau-inau nek nyakat umet, nyakat hukom Taurat end nyakat lon ine. uji keh, henya mengge'a kuri ulun Yunani ke alem bait Allah end menajiskan lon suci ine. 29 29Sebeb helaoh auh meneng Trofimus men Efesus besibang henya te kuta end helaoh miker behuwa Paulus aoh mengge'a ne ke alem bait Allah. 30 30Penduduk kuta ine tebali gempar end ulun-ulun nek purah untok nangkep Paulus. Helaoh menyiret ne muh'wit men bait Allah laleu mekep mubeng ba'en segera. 31 31Sementara helaoh berusaha lep matei ne, te kenea neh ha' rengah men tangah pasukan pengawel kuta ine behuwa huwang kuta Yerusalem auh gempar. 32 32Segera henya mengge'a kuri prajuret end perwira untok meredakan kerumunan. Ketikamkerumunan ulun ine meneng tangah pasukan end prajuret-prajuret, beka helaoh berhentei melang Paulus, 33 end menyeu lon henya i kaput i be'en dua rantai, Henya meteng hei ulun ini end kesalahan kuno anun aoh henya na i. 34 34Kuri men kerumunan ulun ine mubi ji hal end anu balei mubi hal anun balei uji. Kerena tangah pasukan apun deng ngertei kuno-kuno kerena keko'a kegaduhan ine, henya memerinta lon Paulus i nge'a i ke telem markas. 35 35Aoh henya nyi'en anak san, henya i usung i men prajuret-prajuret men sebeb kegaduhan kerumunan ulun. 36 36Sebeb kerumunan ulun anun menya men teko'a mubi ma'en gah te aya, "li'nyen i neh henya." 37 37Ketika Paulus nek i nge'a i ke markas, henya tandi'a te tangah pasukan, "Deng en keu mutek ji hal te ka?" Tangah pasukan tandi'a, "Kuno keh ka deng na heron ha' Yunani? 38 38Apun henya ka ha' Mesir, anun ari'a nereh memimpen pemberontakan end memimpen pat ribu 'pembunuh' ke padang gurun?" 39 39Heron Paulus, "Keu ulun Yahudi men kuta Tarsus te Sisilia. Keu adalah warga men sebuah kuta penting. Keu makei ka, ijen i keu mutek te ulun-ulun ine." 40 40Beka tangah pasukan ngijenkan Paulus mutek, laleu Paulus nyekerea te hembo'a san end mejeu usu ne te ulun banggu'a ine. Ketika keko'a ulun haleu, henya mutek telem heron Ibrani. Henya tandi'a,