¹ Nung gwa Yahuda. N gyet akhwu Yesu kristi, n sí n gyet ananyiuk da vwuo Yabuku. Nung gwa n liru nyin a sí be nang Āgwaze ā yet Ātyi chat, nang āsí be gu yei bwak Yesu Kristi gu chok ani. ² Yok Āgwaze ah fak kunak nyin. yok a nwuak nyin swat nyinyang, mang chat ághyang gbamgbam. ³ Nyin nang nchat ani, n kwan bath n liru nyin wosika san gak zi Āgwaze n chat nzit ani, āsí sak zit dung. N liru da niyan nang n nan fūt nyin nyi kwan nyi liyat ātsak kyang nyi nwuak achuchuk. kyang ne nang Āgwaze tyiet aniet khwi be dyo ani. kyang ányai na shai ba. ⁴ Ághyang aniet li nang zwak za ani ba kwang nwuai ma sunsut (ākpe) aniet khwi. Ba tyiet nyin kyang ālā. Ba nyi Āgwaze nyie nzit kyang nang zit maai nyie ni ba, ku nang zit awat zi nan nyi ākatuk nyi nang ākalām. Dī nvak nāi nya nang ban fwu Yesu kristi, Āgwaze mang Ātyi li nzit ani. ⁵ Ka nyi jhyung, nyi lyen kyang nái, kyang jhyang nshi nang na māi n jyung nyin ani. Nyi yok bwung ba nang Āgwaze kūn nghwut mang anient gu be Masar, ā sí le biyang ba ā si hyáái āniet a byai, a si be ba nwyai nwauk achuchuk dī ngu ani. ⁶ ang anya, āyaatam Āgwaze be āku nwuak be tyok ātanzwe hu ani, ba sí lak ghye āswon mang tyok hu. Ba sí ghwon ātsak avwuo yong tyok be ke. Ma anya Āgwaze ku lap āyaatam ā byai mang āya nyanyang tswam āsí tyie be mang ākatuk dyen ta nat sangbap. Ba na swuan aza ba nfwuong mam nang Āgwaze nan nyi be sheriya ani. ⁷ Mang anya, āniet ba swuan mā krang Sodom mang Gomara ani, mang ākakrang nā hyiak be ani. Ba ku nyie āshishik nyie nchiring. ātyok khwat mang ātyok mang nya wa anyuik n khwat mang anyuik. Anya wa nang Āgwaze n hyaai be āsí bzyan ka krang a nyai mang long. Kyang he ha ku tak ā li gyie Āgwaze ke da niyan Maleku māng āniet ba ku tyiet kyang āla āni, bā sí nghwo mang long ku sang sangbop. ⁸ Māng anyawa, āniet ābiyai bā ku bzan vam ne āni māng āshishik nyiā. Ba bwoyi āla nyi Āgwaze nwuak be āboboi nyi ba swuan ānya. Āwot bā lak khwui kyang Āgwaze nwuak āni. bā fwai Malekku gu zi. ⁹ Āwot kō Mikailu ā yet ākwog-āson mā āyaatam tanzwe be ni, dī Jen sí gun tyie faint mā ātanyirang me dī Kwom Musa āni, āku chat ā bzān gu āliyad bā, gu nyi '' Āgwaze gu nghai mang nwaun''. ¹⁰ Āwot āniet bai fwui nkyang nang bah nwai liyen āni, nkyang naii nang na yet Nyi Āgwaze āni, ba li ma nang nyam āyit bā sang fwuo āni, mā nkyang naii nya ānan byzian be. ¹¹ Nn shuwung be dyo, da niyan bā khai vak (za-kwai) Kayinu, ba khai vak ghuab mang nang Balam kūn khai dī shu āniet āni, āwot ba sí khwui ma nang Kora mang āniet gu be nkkhwui āni ¹² Āniet bai li nang ānyiyang āni mā ákatung chat āghyang nyin ne ā chong mang nkyang gyie āni, bā na fak nsum mā āwun bā, āli bā kwan mang pipyia be ha á nyin be. Ba li nang ā niniyan sang ze nang wun hyiab āni. Ba li nang ā kakwon na khwui ma khuwat á wan na sang sūm nang na myim ā nghie khwuot ani. ¹³ Ba li mā nang āchachat ywan āsakhwot ani, ku ghwut mang sum ā jafik āni, ba si li mang nang ātangwat na jhyam māa tai āni, nang āsi be nang ātsak ā dyundyung ndyin ā sak aku sang- sangbab ¹⁴ Enok, atyi ā ku shyai ming nche ānatat ji niet da Aydamu, ku tak ātanzwe āniet kai, nyia, ''Nyi li'' Āgwaze bai mang āzazarak āniet chyi-kwob swak gu be. ¹⁵ Da niyan gu nang zyop āniet bai āni da ābun be wu, awot ā lap be din ākaytuk nyi ma nkyang ba nyi āni, na nwai khai vak Āgwaze āni, āwot mang nkyang ā nyi nwai khwi liyat din gu āni.'' ¹⁶ Tangkkai āniet bai byia, yet āniet kwop-adiying, tyei āghyang āniet ābun, ba khwi nvak ākatuk nfwuo be, āniet tswad furung, ba diyep āghyang āniet āni da niyan ¹⁷ Āwot nyiung, Ānanyuik, nyi jhuwung swang āliyat nang āyatam Yesu Kristi ku liyat nyin dyo din jen swak zi āni. ¹⁸ Ba nyi mang nyin, Dī ngaan jen wu, ana byia āniet bā na jhyuai Āgwaze āni, da niyan bā kān khwi shyi vam āpyia be. ¹⁹ Be byia yet āniet bā chong mang ghyai āniet āni, Bā khwi didang nkyang nfwuo be nyai, bā byia āzazarak ntswe bā. ²⁰ Āwot nyin, ākpandang (Ānanyuik) ku yet tē ha nyi biyang (nok) āpyia nyin mami ātsaktsak āzazarak nwuak fwuo nyin. ²¹ Nyi chok āpyia nyin mami chat Āgwaze, mā nang gu nan fak kunak zit āni. ²² Nyi fak kunak āghyang bā nwai kyak mung nfwuo āni ²³ nyi san āghyang āniet, nyi tawap be ghwut dyo mang long hu, āghyang, nyi fak kunak be nbiyang āwun, nang nyin lak āya turo ā tāsang mang āshishik (ākatuk) nyia āni. ²⁴ Manini, nggu āyet ātyia ā na tēn nyin da āyakudung, āwot á sak nyin āzanson shyi gu, nyi sang á nadyung mā āgbandang āsai fwuo. ²⁵ Nat ga Āgwaze ātyi san zit, mat Yesu Kristi atyi li zit, yok amgam á kyenkyai shii, tyok, yet, mang chet, ku yet sun gu hwa, niet mang jen swak nbiyang manini ta nat jen sang sangbop. Ku swan anya.