1 Yesu si nyak afan Zaitu ka. Ma tsotson a si bo nwuo nma tutu nai hu awot aniet be kap si nat mang angu; 2 A si swan abin a si tyie be. 3 Aniet liru be mang Afarisiyawa be si bai mang angu abzyiik a tabat mang ashishik nyia ani; ba si sak gu ma kawachia be. 4 Ba nyia mang Yesu "Atyu tyiet, a tabat abziik wui mang ashishik nyia agyii-agyii. 5 Nang bang zi nhyia ani, Musa ku kam a máng atyu ayia aya ani; I hwa ha a ahyia da gu?" 6 Ba hyia aya ba ka tiram gu wa ba ki shia kyang banan fuwoi gu wa ani, Awot Yesu si khwum abin a si liru mang gasong gu zi abin. 7 Ban chia alyia di lirim gu hu ani, a si tagham ayong gu nyia mang ambe "Atyu nang alyien gu bzyia akatuk-nyia ani bahg, gu tse ame abzik wui mang afang." 8 A si bo khwum atabat liru mang gasong gu zi abin. 9 Ban fak kyang gu hyia ani, ba si tabat ghwut nyanyin, tabat da niekhwob be. A si nma kai aghwuan Yesu ayingu, mang abziik a shia makawachia be wu ani. 10 Yesu si tagham ayong gu nyia mang angu, "Abziik, aniet ba badang hyak hu ani ba shia zi? An bzyia atyu nang a hyiad ang ani dah? 11 Gu nyia "An bzyia ayin bāh atiali" Yesu nyia, "Ning maniang nna hyiad an bah. Kyak manini bang ta nat yok bo nyia akatuk nyia ba, nkad avwuo ka aniet ani." 12 Ayawa Yesu si bon ndyiad mang aniet nyia, "Ningwa ngyei aasai avwuo matachia; atyu akhwui ning ani ana chong nmin dyin bah se awa shia sai swan ha." 13 Afarisiyawa be si nyia mang angu, "A lin apyia amme, lin amme a hu yet atsak alyiat wa bah." 14 Yesu nyia mang ambe, "Kanan nkub apyia ning ame, kub ame ning hu yet atsak alyiad'a. Ndyen avwuo ka nghwut ani mang avwuo ka nniet ani, awot ni lyen a vwuo ka nghwut mang avwuo ka nang nniet ani bah. 15 Ni zob vam ha ning nzob ayin bah. 16 Mang aya wu, kanang nsin zob, zob ning hu yet achuchuk wa da niyan ka nshia ayining ani bah, nshia mang Atia nang atam ning ani. 17 Ayawa kun ndi nang bang nyin zi nhiya di liru hu nyia shei aniet afiyang yet a chuchuk wa. 18 Ningwa din ame apyia nang, awot Atia nang atam nang ani si lin ame ning." 19 Ba nyia mang angu, Atia a wu shia azi?" Yesu si nyia mang ambe, "Ni lyen ning bah da nyin ni lyen Atia wu bah; ka ni wa lyen ning dang ni lyen achia ning wu biring." 20 Ahyia lyiad nai nang gu shia kpankpian mang avwuo ka nang an saai kyang avwuo nar ka ani, awot ayin si tabat gu ba nan jen gu zi kan nyia bah. 21 A si bo nyia mang ambe, "Nna nka, nina chat ning awot ni khwi ma aktuk nyia nyin wu. Avwuo nniet ani, ni sin bai bah." 22 Ayahudawa nyia, ana hyiat apyia gu wo, atyu anyi, "Avwuo nniet ani asin nbai baáh?" 23 Yesu nyia mang ambe, "Ni shia atatak; nsi shia da tan. Ni shia matachia; nget atyu matachia bah. 24 Hu hwa nyia mang ayin nina kwi di nyiam akatung nyia nyin wu. Ka ni nwak achuchuk nyia NUNGWA ngyet gu bah, ni na kwi ma tatuk nyia nyin wu." 25 Hu hwa ban nyia mangu da niyan akyai, "Nwana yet ayan?" Yesu nyia mang ambe, Kyang ntse nhyia mang ayin ani." Nbzyia nkyang ma gbandang nna ndyiad awot nzob da nyin ani. 26 Da niyan akyai, atyu átam ning ani ayet achuchuk; awot nkyang ne nfak mang angu ani, ni niya nsai atachia ka." 27 Ba si fhik nyia alyiad mang ambe da Atia wu wa bah. 28 Yesu nyia, "Jen ni nan tagham ngon Atibishi; ka ani, jen azai za ninan dyen ningwa ngyet Gu, awot ñyi kyang apyia nang bah. 29 Nkyan Atia nang wu tyiet ning ani, ni niya ndyiad. A tyu atam ning ani shia mang aning, awot a do kan nghwun ning anya ba, mat kyang nyia na bzia gu nyinyang ani." 30 Nang Yesu nsai alyiat nai ani, aniet ma didit si nwak achuchuk dan gu. 31 Yesu si nyia mang Ayahudawa be ba nwak achuchuk dan gu ani, "ka nina yong da lyiad ning ne, ni na yet atsak aniet ntam ning bya; 32 awot nina lyen atsak alyiad wu awot atsak alyiad na san nyin." 33 Ba nyia mang angu, "Zi yet kwai Ibrahim za awot zi kan nyia ayin khwuo bah, ána nyini nyia, 'ana san nyin'?" 34 Yesu nyia mang ambe, "atsak alyiad atsak alyiad, nhyia mang anyin, koyan anyia katuk nyia ani, ayet akhwuo akatuk nyia wa. 35 Akhwuo ni kin swan amali tsik bah; ngun ki kya nna swan tsik. 36 Da ayawa, kanang ngon ka san an, ana san an gbagbam. 37 Ndyen nang nin ngyet kwai Ibrahi za; Ni shin alyiad ning ne bah, ni si chat ni hyat ning. 38 Njiyad nkyang ne ndi mang Atia nun wu wa ani, awot ni si nyia nsine nang ni fak mang asinyin atia wu ani." 39 Ba si shim gu do ba nyia, "Ibrahi wa yet atia jit wu." Yesu nyia mang ambe, "ka ni yet man Ibrahi niya, ni na nyia ntam Ibrahi ne. 40 Man suwhat, manini ni chat ni hyiat ning, a yin nang hyia mang ayin achuchuk nang gu anfak mang Agwaze ani. Ibrahi do nyia angyi bah. 41 Nyin nyia ntam atia nyin nya." Ba nyia mang angu, "Ashishik nyia wa an tyei zit bah; Atia anyiung wa zi bzyia, guwa yet Agwaze." 42 Yesu si nyia mang ambe, "Ka Agwaze wa yet Atia nyin wu, ni na chat ning, nghwut nsin bai ma Agwaze; da niyan apyia ning kya nbai ba, guwa tam ning. 43 I hwa ha nbzyia ni nwai nfhik alyiad ming ne? Ku li da niyan yad zi nin dang nyab nfwuo ne ni fak lyiad ning ne niya ani. 44 Nyin yet asin atia nyin wu wa, atanyarang ka, awot chat yin ha ni nyia nkyang ne nang atia nyin wu chat ani. Tabat da tse ka, ayet atyu hyiaai aniet wa, awot a si yong da achuchuk wu bah mat sang achuchuk gu hu. Ka lyiad ala a ne, a lyiad zakwe gu zi za da yet atyu ala a mang atia akalaa. 45 Had afwun, mat lyiat atsak alyiat ning hu, ni shin ning bah. 46 Ayana manyin nang akan shia ning mang akatuk nyia ani? Kanang nhyia achuchuk alyiat, Ihwa ha nbzyia nin dak shim nan hu. 47 Atyu ayet asin Agwaze ani, fwuong alyiad Agwaze ne; Ni fwuong ne ba mat yat hu nin nwai nget asin Agwaze be ani." 48 A Yahudawa be si san gu do ba nyia mang an gu, "Atsak alyiad a zin nyia da ayet atam ayin nābah nyia da atanyirang shia mawuan ba kani? 49 Yesu si san be do gu nyia, "Nbzyia atanyirang bah; ning nwat Atia nun wu shi, awot nyin ni si djuwai asinyin wu. 50 Nchat a nwak ning shi bah, agyiang aniet n shia na chat awot a zob. 51 Atsak alyiad, atsak alyiad a nhyia mang ayin, Atyu a san alyiad nung ne sak ani, ana li akhu bah." 52 A Yahudawa be si nyia mang angu, "Manini zi lyen nan abzyia atanyirang. Ibrahi mang atám shei ason be khwi; awot anyia, 'Ka ayin sak alyiad ning ne, ana li akhwu bah.' 53 Aswak atia zit wu Ibrahi nan akhwu ani ya? Atam ashei-ason be khwi. Achat hyia mang anzit nyia ayet ayan?" 54 Yesu si san bé do gu nyia, "Kan njong apyia ning shi, shi ning hu yet kyang ba; Atia ning wu wa na nwak ning shi hu-nang ni nyia guwa yet Agwaze nyin wu ani. 55 Ni kan ndyen gu ba, awot ndyen gu. Ka nsin nyia da ndyen gu bah, nna ndi nang ayin ani, a niet bwai alaa. Kulak li ni, ndyen gu awot nsin sak lyiad gu ne. 56 Atia nyin wu Ibrahi fak nyinyang li mam ning hu; ali hu a si fak asai nfwuo." 57 A Yahudawa be si nyia mang angu, "Akan tat ndye nswak nfwuon ba, ā nyia alyen Ibrahi?" 58 Yesu si nyia mang ambe achuchuk, achuchuk nhyia mang anyin, nang akan bin Ibrahi bah NINGWA." 59 Azawa ba sin kywak nfang ban mang gu, awot Yesu si bwuk membe a si ghwut ma tutu nai hu.