¹ Nang si hii nswak ani, Yesu si bā tyai apio gu da vwuo nman ntam gune abiyem agbandang jok Galili ke; da sisak gu ntyai apio gu ani. ² Siman Bitru mang Toma(aku bzā ayurok ngan nang akun ngyai Ahyaai ani) mang Nataniyel aku niyet ma kana ma akarang Galili ani, mang afai Zabadi, mang nman ntam afiyang aghyang Yesu ne ku mun āshā aza dundung. ³ Siman Bitru si khyio mang ambe, "n-niyet bwoi fán." Bā si khyio mang āngu, "Zit ma zit na bai mang anghwuan," Basi nad ba si nghwo kukwuon hu, an-tyak atietuk akyai ba mbwuo kyang bah. ⁴ Ma achochon tad ke, Yesu si yong din khwuong hu, awat nman ntam ne si lyen nghyio Yesu ah bah. ⁵ Yesu si ngyio mang ambe, "Zam zii, ngyi bzā kyang ngyi na ghyie ani ah?" Ba si shim gu "Kaai." ⁶ Asi ngyio mang ambe, "Nyi kurok atyang ke din mbwuak yak kukon hu, awat nyi na shā ghyang." Ba si kurok atyang ke awat ka si khyad be ghwud do hu mad shi fan hu. ⁷ Azā ngwuon ntam ke Yesu chat ani si ngyio mang Bitru, "Atiali wu wa ." Siman Bitru nfāk nang Atiali wu wa ani asi kyak āya áturo asi kwub(sangag aku khwuk ayaāturo gu be asi ghwuo ma āsakwot ne). ⁸ Ngwon ntam aghyang ke si ghwud ma kukon hu(dong ba shio gbang mang ātose ke bah, ku li nang akatyong chi afiyang ani) awat ba kwak atyang ke mang fán tantyang. ⁹ Ban nghwud atause ani, ba si li long achichan mang fān atanzwe, mang burodi. ¹⁰ Yesu si ghyio mang ambe, "Nghyi bai mang fān ghyang nang nyi si bwai ani." ¹¹ Siman Bitru si nat asi khwuat atiyang aghwud do atose, mang fán tantyang, fán 153; ko nang hu nshi ani, atyang ke si siyab bah. ¹² Yesu si khyio mang ambe, Nghyi bai nyin ghye kyayak atsotson." Am-bza ayin ma nman ntam ne a lyib gu ani, "Nghwan ah yad anghyan?" Ba lyen nang Atiali wu wa. ¹³ Yesu si bai asi kyak burodi hu, asi jong be, mang fán hu anya. ¹⁴ Aka-tad ki-kya kāi Yesu n-tak nman ntam ne niyet man jen ji gu- ndurok da akhwu ke ani. ¹⁵ Ba- nghye kyayak atsotson hu ani, Yesu si khyio mang Siman Bitru, "Siman nghwon Yoona, ā-chat nung lan asibai o? Bitru si ghyio, "I, Atiali; alyen n chat ah." Yesu si ghyio mang angu, "Kau man siyeb nung ne kyayak." ¹⁶ Asi ba nghyio man angu aka fiyang, "Siman ngwon Yoona, a chat nung o?" Bitru sishim, "I Atiali, alyen nang nchat ah." Yesusi ngyio mang angu,"Chok zon siyab nung zi." ¹⁷ Asi ba ngyio mang angu ā-katad, "Siman ngwon Yoona, a-chat nung ah?" Siman si fàk alyia-ghye nang Yesu n-dyib akatad, "A chat nung o?" A si ghyio mang angu, "Atiali, a-lyen kudang kyang, alyen nang nchat ah." Yesu si ngyio mang angu, "Kau man zon nung ne kyayak. ¹⁸ Āchuchuk, achuchuk, N ghyio mang anghwan, jen an-gyed ngwon ani, áni kwub apio ah ayaáturo a chong nad da vwuo nang a chat ani; awat ka a kwob, ana niyeb mbwak a ne aghyang aniet ah na kwub ah nkyang ne ah kyak ah ā nat do da vwuo dā a chat ani." ¹⁹ A zā Yesu ngyio si hii ā ka li Bitru da atankai akhwu wu gu na-ndyab Agwaze ani. Gun-tyak ngyio si hii ani, gu ghyio mang Bitru, "khwui nung." ²⁰ Bitru si bwuok asi li ngwon ntam ke Yesu chat ani ka khwui bee- nggu wa ku shia akhyak Yesu ginging mim jen ghye kyayak Ayet Ghwut man Isra'ila mi khwo hu, asi lyib Yesu, "Atiali, anghyan ah na lyab ah?" ²¹ Bitru si li gu asi ghyio mang Yesu, "Atiali, Ihwa ha atyok wi na gyio?" ²² Yesu si ghyio mang angu, "Ka N-shim ghyio gu fwuong se zi bai, si hwai yad Ihwa ha da vwuo ah? khwui nung." ²³ Anyā, alyad nai si sirang akai kakab aniet khwi Yesu be, dā ngwon ntam akyai na khwu bah. Awat Yesu ku ngyio mang Bitru dāngwon ntam akyai na ghwuai khwu ah ba, āku ngyio, "ka N shim gu a fwuong se nang N bai, Ihwa ha ku yet da avwuo ah?" ²⁴ Ngwon ntam kai kya shei kpasai āchuchuk tánzwe kakab nkyang nai ani; asi liru ne. Zi lyen nang kyang gu liru ani yet atsak aliyat ah. ²⁵ Nkyang zyang ma didit nang Yesu ku ngyio ani. Kā a wa liru ne e kakab, swan-nte hu kakab na kyak kwe nbwat hu nang n liru ani bah.