¹ Yesu si hyia nkyang nai; azawa gu sin ngbad agyii gube ma tanzwe ne a si nyia, "Atia, jen zi bai; nwak ngon ake shi da niyan ka nan shia nwak a sunwan shi hu ani. ² manang an jong gu tyok tanzwe kudung kyang ku bzyia nam mang aswok ani aka nwak swuan sang sangag da aniet be a nwak gu ani angbam. ³ Swan sang sangag azai, zi za yet ba lyen a, nwan ayet achuchuk Agwaze ma nyingu ani, awot nwana yet atyu nan atam Yesu Kristi ani. ⁴ Nwak a shi ma tachia, nang ntyiak tam ajong ning nyia ani. ⁵ Manini Atia, jong ning shi, mang sunwan hu mang shi hu nkum bzyia mang anwan a si don bzyia atachia ka ani. ⁶ Ntyiai ayurok an ka mang aniet a nwak ning ma tachia ka ani. Ba yet asunwan bya; awot a si nwak ning be awok ba si alyiad ane asak. ⁷ Manini ba lyen nyia kudang kyang ajong ani ghwut mang anwan na, ⁸ a lyiad ne a jong ning ani, nwak be alyiad anyia. Ba san ne ba si nwak achukchuk lyen nyia nghwut mang anwan na awot ba si shim nyia nwana tam ning. ⁹ Nnai be da. Nnai atachia ka do bah se aniet be nang a jong ning ani, da niya ka ban ngyet asunwan ani. ¹⁰ Angbam nkyang ne na yet asuning ani nsunwan nya; a nwuak ning shi mane. ¹¹ Nbon shia matachia ka bah awot aniet bai byia shia matachia ka, awot nchobai ma ayurok ani an ka ajong ning ani ba ka shia dondung, manang zin shia ndung ani. ¹² Nang nkum shia mang ambe ani, nsin sak be ma yurok an ka nang a ku jong ning ani nsin chok be, awat asin bzyia atyu a khwu ani bah, se atyu a a hyiat awai da niyan alyiat Agwaze ne na ki nat tsatsirak ani. ¹³ Manini nchobai mang anwan, awat njijad nkyang nai matachia ki kya ba ki shia fak nyiyang ning tyentyiang mambe. ¹⁴ Njong be alyiat ane, atachia ka si lak li be da niyang ka ban ndak ngyet asin matachia ka ani, manang ning ma ngyet a si ma tachia ani bah. ¹⁵ Nnai nyia a lin be nma tachia ka bah nchat a kham be mang akatuk aniet. ¹⁶ yet asin atachia byia bah, manang ngyet asin atachia ani bah. ¹⁷ Zarak be mang achuchuk; alyiad ane niya yet achuchuk. ¹⁸ Atam ning matachia ka, ning ma nsin mam tan be matachia ka. ¹⁹ Da niyan be kya nang nzarak apyia ning da niyan nang nbe ma nan zarak apyia be da chuchuk gu ani. ²⁰ Nsinai niya nang nnai ayin ne bah, awot mang aniet bana shim ning mat alyiad bane ani ²¹ da niyan ba nan ngyet kyang nyiung kakab be ani, manang nwan Atia an shia maning awot ning nsin shia manwan ani. Nnai da niyan ka ba nan nshia mang anzit ani, atachia ka ka ki shim nyia nwana tam ning. ²² shi hu a jong ning ani, nwak be hu, ba ka yet akayiung, manang zin ngyet akayiung ani, ²³ nshia amami be awot nwan amami ning, ba ka shia ma-gyang ghanghang; atachi ka ka lyen nang an tam ning, awot achat be nang an chat ning ani. ²⁴ Atia, aniet be a jong ning ani, nchat be biring ba shia mang aning da vwun ka nshia ani ba ka li shi ning hu nang ajong ning ani: manang an chat ning kyang-niet nman jen zi nang aka nwai ntse atachia ka ani. ²⁵ Asatsak Atia, atachia ka ku lyen na bah, awat nsin dyen na; mat lyen hi ha an tam ning. ²⁶ Nchia ba si lyen ayurok anka, awat nnan chia alyen ka mat chat hu a chat ning ani ku shia mang ambe mang aning in shia mambe.