¹ Nung ngwa ngyet atsak a kwon anab wu, awat Atia ming wu wa ayet atyu kchia wu. ² A ni tyap kurang bwak nung hu nang ku lak tia sum ani, awat aliyang kuzang Bwak nang hu kwok asum ani hu ka kurok asin ke ka kashi shansham. ³ Nyin manin ke nyi yet aya-zazirak anyet bya adanyan aliyat nang nshai nyin ani. ⁴ Nyi biyeet da nung, nma biyeet da nyin. Manang bwak akwon anab si mi nmai kurok asun mang apsiya hu ba se nang hu biyeet ada tyin akwon anb ke, ma anya wa nyin yi mi nyia kyang anyin nyin ba se nang nyi biyeet ada nung. ⁵ Nung gwa ngyet akwuo anab ke nyin bya ayet nbwak ne. Ma tyu wu nang a biyeet ada ming ani, nung mamiyang nma na biyeet ada ngu, atyn awa na kurok asum ma didit, ki di mang anung ba asi mi nyia kyang bah. ⁶ Ma tyu nang alak biyeet ada nung ani, a na jib gu nang bwak akwon ani gu a ta khwot, awat aniyet be na tung a khwot nkwon wu ba kurok ne amindong, awat na gyiye long kakab, ⁷ ka nyi biyeet a da nung, aliyat nung ne si biyeet a do nyin, nyi lyip kuzang nkyang nang nyi chat ani, ana nyia nyin do. ⁸ Ka yi nyia anyah, nyi nghwuak Atia nung wu shui nyi si bo kurok sin hu shii yi si bo yet man-ntam nung. ⁹ Manang Atia wu nchat nung ani ma anyah wa nang nchat nyin, yi biyeet dichat nung hu. ¹⁰ Ka nyi khwui kam nung hu, yi na biyeet di chat nung hu manang nkhwui aka-kam Atia ne nsi bo nbiyeet di chat gu hu ani. ¹¹ N diyat nyin asi-naai di sisak zi nang agwai nung wu na nswan mang anyin di sisak zi agwai nyin nu na nhyat tantyang ani. ¹² Si hi hwa ayet kam nung hu, nang nyi na nchat aghuiang manang nchat nyin ani. ¹³ A yin bziya chat nang hu swak si hi ani ba, nang guna nghwuak swuan gu zi adanyan agbandang gu ani. ¹⁴ Nyi yet agbandang nung bya ka nyi nyia nkyang ne nang nkam nyin ani. ¹⁵ N bo simi ngirong nyin akwuo ba akwuo wu lyin kyang nang atiali gu wu nyia ani ba. Ngirong nyin agbandang nung, di sisak zi nang nghwut nsin tak nyin kakab nkyang ne nang nfak mang Atia ning wu ani. ¹⁶ Nyin bya khiani nung ba, awat nung-gwa kun khiai nyin nsi bo nkub nyin nyi ka nat yi ta kurok asum, awat asum myin ke ka ki swam. Si hi li anya di sisak zi nang kizang nang nyi lyip Atia wu mami ayurok nung ke, a na zwong nym. ¹⁷ Nkyang naai nya nang nku, nkam nyin, nyia nyi chat agyiang. ¹⁸ Ka atachia ke lak nyin, nyi lyen nang ka mi ndak nung ka si do lak nyin. ¹⁹ Ka nyi yet aniyet ma tachia bya, atachia ke ma na chat nyin nang asi nke ani, awat adanyan ke nang nyi nghwai yet anyet atachia ani mang sisak zi nang Nkhai nyin ghwut do a ma tachia ke ani, di tafwat zi za nang atachia ke ndak nyin ²⁰ Nyi jhung aliyat nang ndiyat mang anyin ani, "Akwuo si mi nswat atiali gu ba." Ki ba nghwuak nung zot, ba ma na nghwuak nyin zok, ki ba fak aliyat ming ne, ba ma na fak aliyat nyin ne. ²¹ Ba na nyia nyin akakpet nai kakab a danyan ayurok nung kya di sisak zi nang ba ndyen atyu wu nang atam nung ani ba. ²² Ka nwa kun bai nsi diyat mang ambe ba, zang ba yet anyi boi abwun bya, awat manini ba bziya tafwat ada bwun be wu ba. ²³ Matyn nang a lak li nung nani amim dak li Atia nung wu biring. ²⁴ Nung nku nyia nkyang agade nang ayin ka nghwai nyia nkyang agade naai azagyi be ba dang ba bziya abwun, ba awat manini kaai, ba li kyang nang nyia ani, awat manini ke ba lak-li nung atse bo ndak li Atia nung nwu. ²⁵ Kyang hwi niyet ambuwot hu ki bai chachirak mang kyang hu nang aku liru amami bang zi ani nyia, "Ba ku lak li nung ma kpat, Adambe ba briya tafwat ba." ²⁶ Nna chia Atyi Biyang gu a bai ada vwuo nyin, ana ghwut adavwuo Atia; Guwa ayet Azazirak Ntswe wu ashai achichuk wu ani. Ngu wa ana tak nyin kpasai tanzwe nung. ²⁷ Nyin mamiyang hu yet nyin te hwa, nyi man-sheai kpasai achichuk wu nang nyi lyen atanzwe nung ani. Di sangang nang nyi sibo nshia dindung mang anung ada tyin ntam nung ke ani.