¹ Niyet nang jen song ayet Ayet Ghwut man Isra'ila mā khwo ji kan bai bah, Yesu ku min-dyen nang jen gu nan-ghwon swat nte hii ā-nat da vwuo Atiali, gun-chat asin gu be ba shia mang swat nte hu ani, asi chatbe ata-nat sangbag. ² Manini atanyirang ke kan chia min-fwo Yahuda Iskarioti, anāghwuk Siman, gu a ghwuak Yesu. ³ Yesu lyen nang atia wu n-jong gu kakab kudang kyang, awat nang gun-ghyio da vwuo Agwaze abai ā bāna nad da avwuo Agwaze ani. ⁴ Din jen nang Yesu durok da vwuo ghyei kya-yak ke ani asi kwuruk aturo gu wu. Awat asi kyak tiyank aturo ji asi gārak ndyang. ⁵ Awat asi kurok asakwot ne chichia ntswam asi nkwui atitak man ntam gune atse lyang mang tiyang aturo ji nang gu lab ani. ⁶ Nang Yesu nbai adavwuo Bitru ani, Bitru nyia mang angu, "Atiali, nghwuana ana kwui nung atitak be ba?" ⁷ Yesu si nghwuak gu shin nyia, "kyang nang n-ghyia ani anafik hu mānini ba, awat ana fik hu adan-son." ⁸ Bitru si nyia mang angu, "Anā kwui nang atitak bah." Yesu si nghwuak gu shin nyia, "Kā n-kwui a atitak be bah abzia akwonu mang anung bah." ⁹ Siman Bitru si nyia mang angu "Yok kwui mā-atitak nung be-bya bah, mbiyang mbwak nung ne mang apio nung ke." ¹⁰ Yesu si nyia mang angu, "Atyu wu nang akan suwo ani, atia zazirak, se ma titak gube, kakab nyin nyi yet aya zazirak bya ba, anat bwat atye nyiung ma nyin. ¹¹ sisak zi nang Yesu ndyen atia āna ghwuak gu ani; hu-hwa nbziya gun-ghyio, "nghyin-bya ghwud kakab ghyin bah." ¹² Yesu ntyak kwui be atitak be ani asi kyak ayaturo gu-be asi kub. Gu nyia mang ambe "Nyi fik kyang hu nang nyia nyin do ani ah? ¹³ Nyi yei nung atyu-miyam mang Atiali." Nyi khia chechirak nyi ghyuap ba, anya wa nang ngyet. ¹⁴ Nung n-gyet Atiali mang Atia-Miyam nsi kwui nyin atitak be ani, ku yet nyin ma miyang nyi ma kwui agyiang nyin atitak be. ¹⁵ Nyia nyia do nyi li nyi ma nyia aghyiang nyin do. ¹⁶ Atsak aliyat, atsak aliyat wa nang nshai nyin akhwuo simi nswak atiali gu bah, mā anya wa atia atam ani si mi nswak atia a tam gu ani bah. ¹⁷ Manini nang nyi ndyen nkyang naai ano nyi bzia kurok-nmyang, ki nyi nyia ntam mang ane. ¹⁸ Ndiyat mang anyin kakab bah, di sisak zi nang ndyen asi be nang nkhiai ani, n-sai si hi alyat Agwaze ne nā ka chio 'Atia a ghye asunsun (burodi) nung hu ani. ¹⁹ N khyio mang anghyin si hii nang ku kan ghyio bah, mā-jen ku mān-nghyio ani nghyi lyen nang nung-gwa. ²⁰ Achuchuk, achuchuk Nkhyio mang anghyin, atia a san mung ani san atia n tam ani, awat atia a san nung ani san atia a tam nung ani. ²¹ Yesu N khyio si hii ani, fwuo gu ho ji bzan, asi ghwuak achuchuk gu ghyio, "Achuchuk, achuchuk, N khyio mang anghyin nang atia nghyung nghyin nan-ghwuak nung." ²² Nman ntam ne si ghwuan aghyang mang adidan ke aghyan ah gu lyad. ²³ Atia Aghyung mā mman tam Yesu ne nang gu fak dan-gu ani bad, nang gu swan kpāmkpeen mang angu (Yesu). ²⁴ Siman Bitru tyan gu do din-mbwak asi ghyio khyio mang anzid atia a lyad mang angu ani." ²⁵ Ngwon ntam akyai si fāk màn fwuo gu hu asi lyib Yesu, "Atiali anghyan ah?" ²⁶ Aza Yesu sin-shim , "Ngu ah yet atia N-na chio bwak nung hu n-kyak burodi hu n-jong gu ani." Gu nchio bwak hu asi kyak burodi hu ani asi nghwak Yahuza ,Ngwon Saminu Iskarioti. ²⁷ Gu- nsan burodi hu ani atanyirang si ghwo gu. Yesu si khyio mang angu ghyio kyang a chat ghyio hu ani angang." ²⁸ Ayin mambe lyen kyang ku-nbzā Yesu nkhyio mang angu aghya ani bah. ²⁹ Aghyang dam, Yahuza ah n-chok ampwod kurum wu ani, Yesu ghyio mang angu, "Kwai nkyang ne zi na chad din swong ayet wu ani," ku ā ghwuak aniet sang be kyang. ³⁰ Yahuda n-san burodi hu ani asi ghwud mā lab, awat atiatuk kya. ³¹ Yahuda n-ghwud asin-kat ani, Yesu si ghyio, "Manini kya ngwon atibishi n shā shii, awat Agwaze shio shi dan-ke. ³² Agwaze na jong ke shi mangu, awat ana jong gu shi ma di yong. ³³ Achwuang nman, N shio mang anghyin da ba dadai njen. Nghyi na chat nung, awat manang nkhyio mang Ayahudawa be ani, "Avwuo N niyet ani nghyi sin-nnat bah." Manini nghyin ma nkhyio mang anghyin si hii. ³⁴ N ziyed nyin ghyai aliyat afayi, nyi chat aghyiang; nang nchat nyin ani, mā anhya nyi nan-chat aghyiang nyin. ³⁵ Di si hi, aniet be kakab na lyen nang nyin ghyad nman atam nung nya; n-ka gyia chat aghyang ghyin." ³⁶ Siman Bitru si ghyio mang angu, "Atiali aniyet azi ah?" Yesu si shim , "Avwuo N niyet ani nyi sin khwui manini bah, mā nyi nan-khwui da ban-jen." ³⁷ Bitru si ghyio, "Atiali, Ihw ha nan nvwuong nung khwui ah hu manini? n nan ghwuak shwuan nung zi da ghwuan." ³⁸ Yesu si shim, "Ana ghwuak shwuan azi da nung oh? Āchuchuk, N khyio mang anghwuan, Abaag wu na tyab asi fwuo nung āka tad bah."