¹ Agyiang anyet ku nshia angyai Lazarus a si vwuo. Aghwut Betanya, makrang Maryamu mang anagyiuk guwu Marta. ² Mhá Maryamu awai wa a na kwue shi Atia hu mang amiya mur ne a bo lyang atitak gube mang psiya guhu nang anagyuik guwu Lazarus vwuo. ³ Ananyiuk anab bai si tam mang Yesu nyia, "Atiali, lie, atyi nang achat ani vwuo. " ⁴ Nang Yesu nfak ani gu nyia, "Zwam zi na hyat gu ba, awat zì na bai mang ciyin Agwaze ha dì sangag zi ana ndyep Ngwon Agwaze ke dan-zi ani." ⁵ Mijan azai nang Yesu chat Marta mang ananyiuk gu wu nbiyang Lazaru. ⁶ Nang nfat nang Lazaru nvwuo ani, Yesu sì bo bwo nmam-fiyang ada vwuo ke nang gu nshia ani. ⁷ Si hi nswak ani, asi nyia mang nman-ntam gu ne, "Yok zi bo buwok anat Yahudiya ambiyang." ⁸ Mam-ntam ne si nyia mang angu, "Rabbi. Ayahudawa bbe chat ba mang a ni nfang nyah, abo na bwok nat azaa?" ⁹ Yesu si nghwuak be shim nyia, "Atamam ke yet tswam-swak-mang afiyang ah atuk anyiung dah?" Kì ayin chong atamam, a si mi nntuk tak ba adanyan ke nang gu nghwuan kuzankyang nang mam hu nsaai atamam ke ani. ¹⁰ Adanyan akyai, kaachong atyetuk, a na tuk tag akwe a danyan kē nang gu nsang saai hu mangu ani. ¹¹ Yesu si khiya kyang naai, nkyang naai nswak ani, Yesu si bo nyia mang ambe, "Agbandang zit du Lazaru kai-nde, awat nna nat nka tan-shiyip gu minde ne." ¹² Azawa nman-ntam ne nyia mang angu, "Atiali, ka akaai-nde nya, a na shiip" ¹³ Yesu shei mang ambe akhwu Lazaru ke kya, nang be mmamiyang ba ma ndam nyia afuwung minde nya. ¹⁴ Yesu si ki nghwud kpasai asi tak be, "Lazaru khwu." ¹⁵ Intàk nyinyang adanyan nyin, a danyan nang nshia aza ba, nyi ka nghwuak shin. Yok zi nat man-gu. ¹⁶ Toma, nang a ngyei Tagwai, anoi, si khiyo mang akum nman-ntam ne, "Yok nzit ma zima nat zi ta khwu mang angu Yesu." ¹⁷ Nang Yesu nbai ani, asi mi shia nang Lazaru kam-buwo mam naai mabi ke. ¹⁸ Betanya wu shiá kpampyiyen mang Urushalima zi, ka ntat miet atat ba. ¹⁹ Ayahudawa ma didit si bai bziyat Mata nbiyang Maryamu, akhwu anagyiuk be ne. ²⁰ Nang mata nfak nang Yesu ntsabai ani asi nat ta tyat gu, awat Maryamu wa si swan amali ke. ²¹ Mata nyia mang Yesu, "Atiali, ka awa shia azi, dang amagyiuk nung wu khwu ba. ²² ku manini, kuzang nkyang nang a lyip Agwaze ana zong ah. ²³ "Yesu si nyia mang angu, "Anagyiuk awu bona tangham." ²⁴ Mata nyia mangu, "N dyen abo na tangham atuk ke ana nkhiyap agwe tyak atachia ke . ²⁵ Yesu nyia mang angu, "Nungwa ngyet khiyap-agwe-tyak atachia ke mang swaan zi, a tiwu anghwuak shim da nung ani, ku akwhu, abona shiyip. ²⁶ mang atyn wu ashia achet ani asi bo nghuak shin adanung ani ana khwu ba. Ā shin ásinaāi ah?" ²⁷ Mata nyia mang angu, "I, Atiali Nghuak shim nang nghwuan a ngyet Kristi wu, Ngwon Agwaze ke, a ti wu nang a chobai ma tachia ke ani." ²⁸ Nang anab wi nyyak liyat asi naai ani, asi nkat asi ta yurong anayiuk gu wu di-fam. A si nyia, " A timiyam wu shia azi ayei ah." ²⁹ Nang Maryamu nfak yei ah." ³⁰ Nang Yesu ka nat ama kirang ke ba nang gunu shia a mavwuo ke nang Marta nshia gu ani. ³¹ Nang Ayahudawa be nang ba ni shia mang Maryamu mami ali kde nang ba mwang gu, ba ndi gu ani si khwue gu, ba si kyak aniyet anak kya ada vwuo ke nang abi ke nshia ani. ³² Nang Maryamu nchong ani tat avwuo ke nang Yesu nshia ani a si li guu, a si shot akwe amin-gbaii gu ji, nyia, "Atiah, ki awa minshia aza dang ananyiuk nung wu khwu ba." ³³ Nang Yesu ndi gu nang gu twei ani, mbiyang Ayahudawa be nang ba chong mang angu ba min atwei, fuwo guhu si tia babira hu si briyam. ³⁴ Gu nyia, Azi wa nang nyii nmiyai gu? Ba nyia mang angu, Atiali, Bai a li." ³⁵ Yesu si twei. ³⁶ Azawa nang Ayahudawa be nyia, "Yi li sangag zi nang gu nchat Lazaru ani!" ³⁷ Awat agyiang be si nyia, "Atyu wi wa ku tiyak atia afifan wu agyi be. I hwa nbziya di gu si min-tangham atia wi adakwhu ke?" ³⁸ Nang Yesu ni shia mi bziyan fuwo zi, a si nat adavwuo abi ke. Abi ke yet bong hwa nang akub mang fang ani. ³⁹ Yesu nyia, "Yì tin afang ke." Mata ananyiuk Lazaru wu nang akwu ani si nyia mang Yesu, "Atiali, minjan zi kwom hu wa sin-bwui, akhwu mam naai ha hwi" ⁴⁰ Yesu nyia mang angu, "Ngai nkan nyia mang anghwuan nang kì anghwuak shin ana li shi Agwaze hu ah?" ⁴¹ Ba si yuruk afang ke asak zan. Yesu si kbat agyi gu be a si nyia, "Atia, N gwai mang anghwuan nang a nfuwong nung ani. ⁴² Ndyen nang a nfuwong nung kuzang jan, awat danyan swut anyet nang zi kìrang nung ani wa nang ndiyat a sì naai, dì sisak ji ba na nghwak shim nang nghwuan a ntam nung." ⁴³ Nang gu ntyak aliyat ne ani, asi tia kwun mang agbandang anghwuat. "Lazaru ghwut!" ⁴⁴ Kwom ayin hu si ghwut, mang sangag zi nang a ndab hu mang a turo niyat anyet du ani nyia di-nbwak ta nat atitak, mang agyi be a si mun agat be mang a turo. Yesu si nyia mang ambe, "Bziyik gu yi tia gu a nkat." ⁴⁵ Ayahudawa nang baku bai bziyat Maryamu hu ani., ndi kyang hu nang Yesu anyi ani basi nghwuak fwo a dang gu, ⁴⁶ mat agyiang be si nat adavwuo Afarisiyawa basi ta tag be nkyang ne nang Yesu nyia ani. ⁴⁷ Achechat aya-fris be nbiyang Ayahudawa be si kan gyurong atung swot Ayahudawa zi, ba si nyia, "I hwa zì na nyia" Atyu wui nyia aya-ribidi ma didit. ⁴⁸ Ka zi ghwon gu ma-gyi, Aromawa be na bai ba san avwuo zit ke nbyang abyin zi ke kakab." ⁴⁹ Azawa atye-nyiung mami be nang angyei Kayafas ani, gu wa kuyet agbandang Fris du aliyo akyai, a sì nyia mang ambe, "Nyi lyen kyang hu ma dadai ba. ⁵⁰ Da nyin, nyi nyia adidam ba, nang atye-nyiung na nkwu a konu anyet ke nang anyet be na nkwi kakab ani." ⁵¹ Manini aliyat Kayafas ne yet adidam apsiya gu a ba, kyang hu nang ku nbziya ani, nang guwa a yet agbandang Fris wu. A ku tak kyang hu na bai azason ani nang Yesu na nkwu adanyan abyin ke; ⁵² awat abyin ke anyin ke ba, kakab atachia ke, mat anying Yesu na tung kakab anyi-khwi Agwaze be nang ba sirang kai aka-vwuo ne kakab ani. ⁵³ Nyia atuk akyai ta nat azason ba si vuai di sangag zi ba na nhyat gu ani. ⁵⁴ Huhwa si nbziya Yesu si bo chong kpasai amabyin Ayahudawa ke ba, awat asi ghwuan aza wu a si ta nat ama-khwot ayit du ata nat amakirang mang a ngyei Ifraimu ani. A si swan mang man-tam gu ne azah. ⁵⁵ Nang Ayet ghwut man Urushalima ma khwuo wu nbwat kpamkpiyen ani. Anyet ma didit si ghwut amakirang ba si nat Urushalima ba ki zirak apsiya be ayet du asi do bai. ⁵⁶ Ba shiya di chat Yesu, ba si bo liyat tsitsak be nang ba ngyong ma titu-atung Ayahudawa hu, "Ihwa ha nang yi dam? Ana bai Ayet wu dah?" ⁵⁷ Manini agbandang Fris wu mang Afarisiyawa be ku mi nghwuak kam nyia ka ayin lyen avwuo ke nang Yesu nshia ani gu bai akhiya adanyan ba ka tabat yuu.