¹ Da tyin swang liyat zi nshia, swang alyat zi shia mang a Agwaze, swang aliyat zi yet Agwaze ah. ² Swang aliyat zi ku nshia da tyin ke mang Agwaze. ³ Kab nkyang ne aku nyio ne din nvak gu, awat di mang angu ambyin kyang nyuing anyia nang akan nyio ani bah. ⁴ Mami guambyia swan, awot swan ziza yet sai ani-bishi hu. ⁵ Saī hu saī màn-ndyin, awot lyin hu nyip hu ba. ⁶ Aku byia aghyang aniet mang Agwaze ku tam ani, an ghyai gu Yoona. ⁷ Aku bai nang atie alii awot a tak li sai hu nang ko anyan nan nshim din nvak gu ani. ⁸ Yoona ā ku yad sai hu ba awot aku bai da nyun gu nan ntak li sai hu ani. ¹⁰ Jen nang ngu nshia ma atachia ke ani, awat atachia ke ahku nyia ke mang gu, awat atachia ke shi lyen gu bah. ¹¹ Asi bai mang asi gu be, awat asn gu be si lak san gu hu. ¹² Kab adidit aniet nba san gu ani, Ba si bā shim ayurok guke ani, a jong be jen ba yad nman Agwaze, ¹³ nbe nang atyai di ma aswok ani bah. Ku di chat vam, ku di chat ayin awat mā di chat Agwaze. ¹⁴ Swang alyat zi si bwak à tyio ayin, zi si swan mang anzit. Zit si li shii gu hu. Zi si li nghwak shi gu hu, shi ngwon anyiung ka ghwud da vwuo Atia gu ke ani mang shok nang achuchuk. ¹⁵ Yoona khyio li dan ngu asi twei asi ghyio "Ariayi ya nan nkhyio. "Atia ana bai amaliyim nung ani ayat akwok aswan nung da nyan gu nshio awod nung ani." ¹⁶ Da niyan agbandang nshok gu wa zit nshia zanang zit ji. ¹⁷ Da niyan an nghwuak Musa wa gbang zi ani, awok shok mang achuchuk si bai dà nvak Yesu Kristi. ¹⁸ Ambyia n ayin kan-ndi, Agwaze ani ba. Mu gu-a ayin gu ngu ayet Agwaze, atie nang atya u gvuk ani, a si tya asi liyen gu. ¹⁹ Si hi ha yat khyio liyen Yoona, jen ji Ayahudawa be ntam Firistici mang Lawiyawa Khyiā ma akirang Urushalima ba liyip gu, ngwan a yat anyan?" ²⁰ Asi tak mang ambe achuchuk "Nung gwa ngyed Kristi wu ba." ²¹ Anya ba sin ndyip gu, "I kwa ha nang ayet? Ayet Iliya a? Asi shim, "Ka-ai!" Ba si ghyio. "nwan a yet atie shai adanswom u wo?" Gu ghyio, "Ka-ai." ²² Aza-a ban nghyio mang angu "Nwan yed anyan zi ká shio kyang zina khyio mang aniet bā tam zit ani. I wa ha an ngyei apio-ā?" Asi khyio ²³ "Nung gwa ngyet aghwat ka tyap mami ntsei nayid ani" nyin niyeb vak atyali hu chichik, manang Ishiya atie shai adanson kun nkhyia ani. ²⁴ Ajawa, aghyang aniet nshio nang Afarisiyawa be ku tam ani, ba si liyip gu ba ghyio ²⁵ "Ma I waha mbyio anyio Batisma zi ka nwan a yet Kristi, ku Iliya ku atie shai adanswon nu ba? ²⁶ Yoona si shim be do asi khyio" N nyio Batisma zi man asakwot, awot aghyang-aniet shio dung mang anyin nang nyi nli ani ba. ²⁷ Atie awai chabai amaliyim nung dā nang nmayi mbyik ywuan akwetak gu hu ba. ²⁸ Anghyio nkyang nai ma Batanya din nkyung chen uidun nang Yoona ngyio Batisma zi ani. ²⁹ Atuk nmam nfiyang ké Yoona si li Yesu gu chabai mang angu asi khyio "Di, Fwung Anfwuk Agwaze hu, ku liyank akatuk swat-nte hu ani. ³⁰ Gu ā yet atie nang nghyio, 'Atie achabai lilyin nung ani ashia adanswon nung da niyan gun bai aghwuon nung ani.' ³¹ N fik gu ba, ma ku yat anya aka tiyai Isra'ila dà nan nbai ghyio batisma mang asakwot." ³² Yoona si ghwak liyen "Ndi tswe zie ghwude atanzwe nang abwa ani a chobai, awot zi si swan atanzwe gu. ³³ N fik gu ba ma atie a tam nung n ghyio batima ma asakwot ani khyio mang anung 'Apio atie nyi na li tswe zi cgwuod a yong dan ngu, atie awai ya na ghyio batisma zi mang Azazarak ntswe. ³⁴ N di n si nghwuak liyen nang gun ngyet ngwon Agwaze." ³⁵ Mā anya atuk mmam fiyang ke, Yoona yong man nman ntam afiyang. ³⁶ Ba si li Yesu gu chong din kyung awot Yoona si ghyio, "Di Angwon Amfwug Agwaze ke" ³⁷ Nman ntam afiyang ne si sak Yoona khyio angi, awot basi khwui Yesu. ³⁸ Azawa Yesu sin-bwuak asi li be ba khwui gu asi khyio mang ambe "I wa-ha nyi chat?" Ba si shin, "Rabbi (swang aliyat zi fa, atie tiyet), Ajiah an nswan? ³⁹ Asi ghyio mang ambe "nyi bai nyi li" Ba si bai ba si li avwuo gun nswan ani, basi swan mang angu atuk akyai da niyan nang cham swak mbwuad dadai ani. ⁴⁰ Atie aghyuung mami aniet ba fāk aliyat Yoona ne ani, awot asi khwui Yesu nguwa yet Adarawud, ana ghyug Siman Bitrud. ⁴¹ Ana ghwuk gū angye Siman ani a gu nche shio hu asi ghyio mang angu "Zi shio atie san wu." Si hi abwuak ani, Kristi wu. ⁴² Asi bai mang angu mang Yesu. Yesu si ghwuan gu asi ghyio mang angu "Nwana yet Siman, ngwon Yoona. Anan nghyai a Kefat" (ka nat chachirak mang Bitrud). ⁴³ Atuk mmam fiyang ke, jen Yesu nchat a ghwon be a nad Galili, asi Shia Filibud asi khyio mang angu "khwui nung." ⁴⁴ Aza, Filibud ghwud ma Betsaida, akarang Adarawud mang Bitrud. ⁴⁵ Filibud si shio Nata'ala asi ghyio mang angu; "Atie Musa man gbang mang aniet shai adanswon n liru, zi shio gu, Yesu, ngwan Yusufu ma Nazare. ⁴⁶ Natan-ala si ghyio mang angu, 'Atam kyang sin ghwud Nazare wu? Filibud asi ghyio mang angu "bai ali" ⁴⁷ Yesu si li Natan-ala chobai mang angu asi ghyio mang angu, "di,atia ayahudawa jam; asang abun ani." ⁴⁸ Natan-ala si khyio mang angu "A ghyama n dyen nung?" Yesu si shim asi khyio, "Kamin Filibud a wurong a, nan a shio tá fe akwon abwabwab ke, ndi a." ⁴⁹ Natan-ala si ghyio, "Rabbi nwana yet nghon Agwaze ke! Nwan a yet agwam Isra'ila wu!" ⁵⁰ Yesu si khyio mang angu "Nda niyan n khya mang anwan, ndi ya tá fe akwon abwabwab ani, a shim wu? Ana li achachud nkyang ana swak sinai ani." ⁵¹ Yesu si khyio, "Achuchuk, achuchuk, n khyio mang anyin, nyi na li atanzwe ke ka khwuk awot achachet atam Agwaze be ba chuwod aban ngwon atibishi."