1 Ingatkan ali agar tunduk tonng pemerintah lukun penguasa, taat lukun siap ngegawi setiap gawian buen, 2 awe memfitnah ense pun, awe bulo, rumah, lawan bujur-bujur besikap lemah lembut tangar tengawe ulun deo. 3 Gunen, taka bayuh sama galu, awe taat, tersesat de penebudak lukun berbagai napsu lukun kesenangan, bolum suang kejahatan lukun iri ate, de penti lukun saling bekepenti. 4 Akan tetapi, rahat kemurahan lukun kasih Allah, Juru Selamat taka, dinyatakan, 5 Iye meyelamatkan taka, awe gunen gawian erai bujur erai de gawi taka, tapi gunen belas kasih-Iye ngelalo pemui kelahiran waleng lukun pembaruan Roh Kudus, 6 erai Iye curahkan tong taka lawan melimpah ngelalo Kristus Yesus, Juru Selamat taka. 7 Jari, uli de bujurkan lukun anugerah-Iye taka jari ahli waris sesuai lukun pengharapan tong bolum erai kekal. 8 Pemanderan ehe tamam kebujur. Tentang hal ehe ap kakan iko buju-bujur yakin de ali erai haot percaya tong Allah ahan rajin ngegawi perbuatan buen. Hal-hal ehe buen lukun bermampaat tong ulun deo. 9 Akan tetapi, hindarilah perdebatan-perdebatan, silsilah-silsilah, perselisihan, lukun pengebulo erai galu tentang Hukum Taurat gunen hal iroawe na'an gunai iye lukun sia-sia. 10 Tong ulun erai ngene perpecahan, peringat nge iye erai atu dua kali, uli iro oro nge teke iye. 11 Gunen iko ketoan ulun ngunau iro haot de sesatkan lukun ponu dosa, iye pesawi hukuman tong unuk iye gegale. 12 Uli ap nyiu Artemas lukun Tikhikus tong iko, berusahalah de sawi tong ap tangar Nikopolis gunen ap haot memutuskan de nono tangar aruh selama musim rengin ne. 13 Lawan sekuat tenaga iko, awatlah Zenas, ha ahli hukum iro, lukun Apolos erai na'an suang pengalan de ali awe kekurangan suatu on pun. 14 Haruslah ulun-ulun taka ngelajar bertekun suang ngene gawian erai buen de ali tau memenuhi kebutuhan bolum tiap olo lukun awe bolum lawan awe berhasil. 15 Uras ulun erai na'an niang ap ngehampe salam tong iko. Kenehampe salam ap tong ali erai mengasihi kain suang iman. Anugerah menyertai iko uras.