1 Neke Paulus, hamba Allah lukun rasul Kristus Yesus, erai de utus demi iman ulun-ulun erai de peli Allah lukun pengetahuan akan erai bujur erai memimpin tong kesalehan 2 de ali ruku pengharapan belum kekal, erai de janjikan rahat semale tela zaman neke Allah erai awe pigi pereheta. 3 Hampe waktu-Iye, Iye haot mara firman-Iye ngelalo pemberitaan erai haot de percayakan tong iko sesuai lukun perintah Allah, Juru Selamat taka. 4 Tong Titus, anak erai sah suang iman taka uras. Anugerah lukun damai sejahtera neke Allah, Bapa, lukun Yesus Kristus, Juru Selamat taka. 5 Gunen alasan ehe ap ngolak iko tangar Kreta, yeiro de iko tau ngolung o'on erai masih perlu de atur leloi ngengkat penatua-penatua tangar setiap kota, ngunau erai de bara ap lawan iko. 6 Iye harus nge ulun erai awe na'an cela, banen neke erai sao, na'an anak-anak erai de percaya, lukun awe de tuduh gunen bolum erai awe bemoral lukun memberontak. 7 Gunen, ulun penilik jemaat harus nge ulun erai awe bercela de penatalayanan Allah, awe sombong, awe golek sangit, awe pemabuk, awe tau bulo, lukun awe serakah tangar suang ngelo keuntungan. 8 Uli iro, tau ngokoi tempangan, mencintai o'on erai buen, bijaksana, adil, saleh, lukun tau menguasai unuk. 9 Iye beteken pisit lukun pemaneran erai tau de percaya, sesuai lukun erai haot de ajarkan, de uye tau ngokoi nasehat menurut pengajaran erai sehat lukun nagur ali erai membantah iye. 10 Gunen, ulun deo memberontak, emen ngulek erai awe-awe, lukun menipu, khusus'e ali erai neke kelompok ulun bersunat. 11 Ali pantas de tudu bawa'e gunen ali pesasat uras keluarga lukun ngelajar hal-hal erai awe seharus'e de ajar kan ali, erai justru tau ngawing hal erai pekangen. 12 Erai ulun neke ali, yeiro nabi ali gegale, bepaner, "Dasar ulun-ulun Kreta pereheta, ngunau setua erai jahat, lukun pelahap erai perehonoi." 13 Kesaksian ehe bujur. Gunen iro, tegur nge ali de ali jari sehat suang iman. 14 Iya neau setume-setume ulun Yahudi lukun perintah ulun-ulun erai menolak kebenaran. 15 Tong erai murni, uras erai murni. Namun, tong ali erai najis lukun awe harap, awe na'an erai ulun erai murni gunen buen pilihan lukun aseng nurani ali adalah najis. 16 Ali mengaku kinut Allah, tapi lawan gawian'e ali menyangkal Allah. Ali iro da'at, awe taat, lukun awe sanggup ngawing erai buen.