¹ Neke Paulus, ra jari rasul lain gunen meresia atau ngelalo meresia, tapi ngelalo Kristus Yesus lukun Allah Bapa ra ngebangkitkan Iye neke antara ulun mate. ² Neke, uras suadara ra se iman ra hayak lukun ap, tong jemaat-jemaat tangar Galatia. ³ Anugerah lawan damai Sejahtera tong iko teke Allah Bapa taka lukun Tuhan Yesus Kristus, ⁴ ra haot ngokoi Iye tong dosa-dosa taka de pakai nyelamat taka e zaman ra jahat saat ehe sesuai lukun pengakan Allah lukun Bapa taka. ⁵ Tong Iye nge kemuliaan ra selama-lamanya. Amin. ⁶ Ap wauh, tamam kegolek iko ngolak Iye, ra no'ok iko ngelalo anugrah Kristus, leloi mulik tong injil ra bali. ⁷ Padahal, awe na'an injil ra bali. Namun, na'an pepire ulun ra haot mengacaukan iko lukun kakan memutar balikan injil Kristus. ⁸ Bahkan, amun kain atau malaikat neke surga mara tong iko injil ra bertentangan lukun on ra haot le de ulek kain lukun iko, ketulahan iye! ⁹ Ngunau ra haot de ulek kain semale iro ehe ap mara eso, jika na'an ulun ra mara tong iko injil ra bertentangan lukun o'on ra haot iko terima, biar nge iye ketulahan. ¹⁰ O'on kah neke ap rahat ngelo persetujuan meresia ukun persetujuan Allah? Leloi, o'on ap masih mencoba menyenangkan meresia? Sekira'e ap masih mencoba menyenangkan meresia, ap lain neke hamba Kristus. ¹¹ Saudara-saudara, ap kakan iko ketoan bahwa Injil erai haot de bara ap lain neke Injil erai de awing meresia. ¹² Ap awe nerima'e neke meresia, leloi ap mempelajari'e neke meresia, tapi ap nerima e ngelalo pernyataan neke Kristus Yesus. ¹³ Gunen, iro haot ngeringa tentang cara bolun ap erai ola neke agama Yahudi, ap menganiaya jemaat Allah lawan kejam lukun berusaha de menghancurkan iye. ¹⁴ Ap tamam maju suang hal agama Yahudi, oro lebih maju de banding lukun ulun-ulun seumur teke antara bangsa ap. Ap tamam rajin suang memelihara adat istiadat datu nini ap. ¹⁵ Namun, ketika Allah, erai haot memisahkan ap rahat suang butung ine ap lukun haot no'ok ap ngelalo anugrah Iye, berkenan ¹⁶ ngulek anak Iye suang ap supaya ap ahan marah Iye tangar antara ulun-ulun lain Yahudi, ap awe ngonok nasehat tong ense pun. ¹⁷ Ap lei awe tulak tong kota Yerusalem de bekeruku lawan ali erai haot jari rasul semale ap, melainkan ap leloi tulak tong wilayah Arab leloi waleng tong kota Damaskus. ¹⁸ Tolu taun uli iro, ap tulak tong kota Yerusalem de bekekinut lukun Kefas leloi nono niang iye selama lima belas olo. ¹⁹ Akan tetapi, ap we kite erai pun teke rasul-rasul bali, kecuali Yakobus, saudara Tuhan. ²⁰ Ap harap iko tangar tengawe Allah gunen o'on erai ap tulis tong iko he awe eta. ²¹ Sehaot iro, ap tulak tong wilayah Siria lukun Kilikia. ²² Ap male de inut secara pribadi lukun jemaat-jemaat suang Kristus Erai na'an tangar Wilayah Yudea. ²³ Ali jen ringket ngeringa, "Iye, erai bayuh menganiaya taka, nehe mara iman ra bayuh erai puji kakan de hancurkan." ²⁴ Ali memuliakan gunen ap.