¹ కెంక్రేయామా ఛజకో సంగమేనే సేవకర్ రీజకో అపణ్ ² భ్యాన్ ఫిబీ వాసే తమేనే సిఫారస్ కర్ రోఛు . దేవేర్ జన్ కరేర్ రజు ఓనె ప్రభూర్ నామేపర్ డై కరన్ ఓనె ఛావెజకో మద్దత్ కరో . కసన్ కతో ఉ ఘణే ఆద్మియూనెన్ , మాతీ ఆచ్ దోస్తీ వాళ్ వేన్ ³ రీ . యేసు క్రిస్తూర్ సేవమా మార్ సోబతేర్ కామేవాళ్ ప్రిస్కిల ⁴ అకులానె భలాయిర్ వాత్ కేమేల్ రోచు . ఏ మార్ వాసే ఉందేర్ జానేనె దేసకేనె గే . జేర్ వాసే ఉందేర్ భలాయి మ భూలూనీ . మజ్ కొని పరల్ జనూర్ సంగ్ సే సదా ఉందేతీ ఛినారేతీ రేణొ . ⁵ ఉందేర్ ఘరేమా భళన్ ఆవజే సంగేనే సదా నమస్కార్ . ఆసియా మల్కేమా క్రిస్తునే నామేజేమా అగ్ డిర్ ఆద్మి మార్ ప్రేమేరో ⁶ దోస్తీ వాళో ఎప్తేనేటునె నమస్కార్ . తమార్ వాసు భావేటి కరన్ కామ్ ⁷ కిదీజే మరీయానె నమస్కార్ . మాతీ సదా కేదేమా సోబత్ రేజే యూదూల్ అంద్రోనీనన్ , యూనియసేనే నమస్కార్ . ఓ మాతీ ⁸ ఆంగె కిరస్తాన్ వేగే . అపోస్తలేనే ఓ పకొ మాలం ప్రభూర్ మళాయెమా ఛజే మార్ ప్రేమేర్ దోస్తీ వాళో ఆంప్లియేటునె మార్ ⁹ నమస్కార్ . క్రిస్తూర్ సేవమా అపణ్ సోబతేర్ కామేవాళ్ అర్బేను ¹⁰ నన్ , మార్ ప్రేమేర్ దోస్తీ వాళో స్టాకిసేనే నమస్కార్ . క్రిస్తూర్ కార్ణే ఓనె ఛజే భక్తినే రుజు కిదోజకో అపెల్లేసేనే నమస్కార్ . అరిస్టాబ్యూలస్ ¹¹ ఘరూవాళునె నమస్కార్ . సోబతేర్ యూదేవాళో హెరోదియోన్ , నారికసన్ ఘరూమా ఛజకో కిరస్తాన్ భాయిబందేవూనె నమస్కార్ . ¹² ప్రభూర్ సేవామా ఛజే ట్రే ఫేనా , ట్రేపోసానే నమస్కార్ . ప్రభూర్ ¹³ సేవామా ఘణ్ కామ్ కిదిజే పర్సిసేనే నమస్కార్ . ప్రభూర్ సేవామా మోటో వేజకో రూఫసేనే , ఓర్ యాడినే నమస్కార్ . ఉమనె బేటార్ ¹⁴ నై దిటి . అసింక్రిటన్ , ప్లేగన్ , హర్మే , పత్రో బాస్ , హర్మానె . ఉందేతీ ¹⁵ రజే కిరస్తాన్ భాయిబందేనే నమాస్కార్ . ఫెలో లోగస్ , జూలియానే , సేరియసేనే , ఓర్ భ్యానేనే , బలుంపాకెనే , ఉందేతీరజే దేవేర్ జన్ ¹⁶ సేనే నమస్కార్ . ఏకేనే ఏక్ భాయిబందేర్ నై ఛుమ్ లో . క్రిస్తూర్ ¹⁷ సంగమ్ సే తమేనే నమస్కార్ కేరేచె . మార్ భాయివో , తమ్ లేల్ దేజకో ఉపదేసేనే ఆడే చాల్తే , జనూర్ విశ్వాసేనే ఖరాప్ కర్తే , తమామా . కపట్ కర్ రే జేర్ కార్ణే జాగర్తాతీ రో . ఉందేతీ ఘణ్ మే ¹⁸ జావో . అసో కామ్ కరేవాళే ప్రభూ క్రిస్తూర్ సేవ కర్ రేకోని పణ్ , ఓర్ తన్నెర్ కుంతేనే పూర్ కర్ లేరోచె . ఉందేర్ ఆచివాతేర్ కార్ణే , మునాంగె ¹⁹ వింతీ కరేర్ కార్ణే , కళేనీజే జనూనే డోకా కరెచె . ఆచ్ ఖబరేర్ కార్ణే తమ్ భక్తిమా ఛోకన్ సే సామ్ ళే . జేర్ వాసె మ ఖుషికర్ రోచు . ఆచో కామేర్ కార్ణే మాలం ఛజు రేన్ , ఖరాప్ కామేర్ కార్ణే నకళేజు రో . ²⁰ అపణొ శాoతీర్ కర్తార్ ఛజకో దేవ్ జల్ది సైతానేనే తమార్ పగె హెట్టె కూoద్ నాకె . యేసు క్రిస్తూర్ కృప తమేతీ రేజా . ²¹ మార్ సోబతేర్ కామేవాళో తీమోతి తమేనే నమస్కార్ కేరోచె . హనూజ్ సోబతేర్ యూదుల్ టాసియస్ జేసన్ , సోసిపెటర్ ²² తమేనే నమస్కార్ కర్ రేచె ఏ కాగదేనే లక్ రోజకో టర్శీయస్ ²³ కన్ కజకో మ ప్రభుమా నమస్కార్ కర్ రోచు . మనే దేకే వాళో గయస్ , తమేనే నమస్కార్ కేరోచె . ఓర్ ఘరేమా సంగమ్ భళేచె . సేరేర్ ఖజానావాళో ఎరాస్టస్ , మార్ భాయి క్వార్టాస్ తమేనే ²⁴ నమస్కార్ కేరేచె . అపణ్ ప్రభూచెజకో యేసు క్రిస్తూర్ కృప ²⁵ తమార్ సేతీ రేజా ఆమేన్ . దేవేనే మహిమా కరా . మ తమేనే ప్రచార్ కర్ రోజకో ఆచ్ ఖబర్ కతో , యేసు క్రిస్తూర్ వాతేర్ నైన్ జగు జగుతీ గోకన్ అబె బారె పాడేజకో సత్తేర్ నై తమేనే తమార్ ²⁶ విశ్వాసేతీ నీహలోజు కరేనే ఉ జోరే వాళో . అబె భక్తి దార్ లకేజేర్ కార్ణే ఉసత్ బారె పడో . శాశ్వత్ దేవేర్ హకమేర్ కార్ణే అబె సే ²⁷ నామన్ నరజు , సే జాతేవాళునె ఉసత్ మాలం వేగో . సే జ్జానేవాళో ఏకజ్ దేవేనే యేసు క్రిస్తూర్ కార్ణే హమేశా మహిమా వేజా ఆమేన్ .