¹ జేర్ కార్ణే భాయిబందోవో , పవిత్తరన్ , దేవేర్ ఖత్తరేర్ నై , తమ్జు దమ్మేతీ , తమార్ జీవ్ డానె ఓనె హవాలత్ కర్ లోకన్ దేవేర్ ప్రేమేనె పకడన్ తమేనె నోరా కర్ రోచు . హనూకరేరో సేవ ² తమేనె సమొరజ్ . తమ్ యే సమీయర్ చాలేనె చొడ్ దేన్ , ఆచెనన్ , సమోరజ్ , భర్ పూరో వేన్ ఛజే దేవేర్ ఖత్తర్ కాయిచెకో పరకన్ , ³ మాలం కర్ లేణొజు , తమార్ మన్ బదలాన్ నవోమన్ లేలో . ఓర్ ఊజ్ కేలేరోజేతీ జాదా నకేలేణొజు , దేవ్ ఏకేకినె హసో పాడన్ దీనోజే విశ్వాసేర్ మాపేర్ నై , ఊ ఆఛో అక్కలేదారేర్ నై రేణొకన్ ఓనె ఊజ్ కేలేణొ కన్ , దేవ్ మనె దీనోజే కృపానె పకడన్ తమామా ⁴ చెజే సేనే కేరోచు . ఏక్ శరీరేమా అపణేనె కత్రాయికో భాగ్ చె . ⁵ జీవేమాఛజే సే భాగేనే ఏకజ్ కామ్ రేనీ . హనూజ్ ఆపణ్ సే ⁶ క్రిస్తూమా ఏక్ జేవ్ డార్ నై రేన్ , ఏకేనె ఏక్ భాగేర్ నై రేరేచా . ఆపణేనె మళోజే కృపార్ కార్ణే , దుసర్ దుసర్ కృపార్ వరమేతీ భరాన్ చె ⁷ జేర్ వాసె , ప్రవచన్ వరం ఛజకో ఒర్ విశ్వాసేర్ కార్ణే ప్రవచన్ కరెనె , ⁸ సేవకరేర్ వరం ఛజకో సేవకరేనె ,బోద్ కరేర్ వరం ఛజకో బోద్ కరేనె , సిక్ దేర్ వరం ఛజకో సిక్ దేనె , హనూ ఏకేక్ , ఎకేక్ కామేమా చా , వ్యాంటేవాళో ఆఛో దల్లేతీ , నాయెకి కరేవాళో ⁹ ఖబర్ దానేతీ , మేర్ కరేవాళో ఖుషితీ కామ్ చాలు కరావ్ ణొ . ! తమార్ ప్రేమా కపట్ చెనిజు రేణొ . ఖరాపేనె ఛోడన్ ఆచెనె డై కరన్ రో . ¹⁰ కార్ణే భాయిబందేర్ నై ఏకీతీ ఏక్ భళన్ రో . మోట్ పణేర్ కార్ణే ¹¹ ఏకితీ ఏక్ మోట్ ఛకన్ కేలో . కస్టతీ కామ్ కరో . వంగ్ దేని కన్ మత్ ¹² బ్యాసో . ఆత్మిమా హషారేతీ దేవెనె దోగ్దో . ఆసా ఘాలేన్ ఖుషి ¹³ కర్ త్తే , భావేటిమా ఓర్సలేన్ , పట్టుదలతీ అరజ్ కర్తేరో . పవిత్తర్ జనేర్ ఆవసరమేమా తు సదా భళన్ రేన్ , తార్ ఘరేమా బలావ్ తో ¹⁴ రె . తమేనె భావేటి పాడేజేనే ఆశిజ్ దో , ఆశిజ్ దేణొ పణ్ శారప్ ¹⁵ దోమత్ . ఖుషికరేవాళుతీ ఖుషికర్ , రోయోవాళుతీ భళన్ రో . ¹⁶ ఏకితీ ఏక్ మన్ భళన్ రో . మోట్ పణే సారూ మన్ మత్ రకాడ్ . కమ్ ఛజే మాజ్ ఆసతీరే . తమామా తమజ్ , హమ్ అక్కల్ దార్ ¹⁷ 17 చాకన్ కేలోమత్ . కిడ్ కరెజేనే ఫర్ హటో కిడ్ మత్ కరో. స్వగ్లి మన్ క్యావూనె ఆఛో కాయికరూకన్ కేలెఛికో ఓమా హుషారేతీ రె . ¹⁸ వంగవే జత్రా మట్టుకి , సే మన్ క్యావూతీ రాజీపడన్ రో . ¹⁹ మార్దస్తీ దారేవో , తమామా తమజ్ రీస్ పేడ్ ళోమత్ , దేవేర్ రీసెనె జాగ్ దో . రీస్ పేడేరో మారో కామ్ , మజ్ ఉందూనె సిచ్చా ²⁰ దూచుకన్ ప్రభూ కేరోచె కన్ , లక్ మే లేచె . జేర్ కార్ణే , తార్ దుష్ మణ్ భుకో రతో క్వారాకి ఘాల్ . తర్ సో రతో పాణి దే . హనూ కరీస్ జనా ²¹ ఓర్ మాతేపర్ అంగరేర్ భోబ్రో టాలావెఛి . కిడేతీ జీతనేజు , మేల్ కరన్ కీడేనే జీతేసారూ .