¹ యేసు క్రిస్తూర్ దాసన్, దేవేర్ ఆచ్ ఖబరేనే ప్రచార్ కరేనే కుంతున్ బలాయొజకో, పౌల్ కన్ కజకో మ, రోమమా ² ఛజకో దేవేర్ జనూనే సెనే,! కతో పవిత్తర్ జీవణొ భంఛాక ఆయేజే సెనే క్వోసళ్ కన్ కేన్ లకోజకో ఉత్రం . ఆపణొ బాప్ ఛజకోదేవన్ ఓర్ భేటానే అపణొ ప్రభూఛజే యేసుక్రిస్తూర్ కార్ణే ఈ ఆచ్ ³ దేవే ఓర్ భేటానే అపణొ ప్రభూచజే యేసుక్రిస్తూర్ కార్ణే ఈ ఆచ్ ⁴ ఖబరేనే ఘణ్ దాడే హెట్టెజ్ ఓర్ భక్తిదారూతి వాగ్ధాన్ కిదో. ఉవాగ్ధాన్ పవిత్తర్ గ్రంధేమేమా లకన్ చె . ⁵ యేసు క్రీస్తు , నరేర్ నై దావీదేర్ వలాదే మాయి హుయొ . ఉమారన్ దేవేర్ భళేతీ ఫేర్ ఉటో జేర్ కర్ణే దేవేర్ భేటాకన్ , దేవేర్ ⁶ పవిత్రేవాళో కన్ దకాయొ. ఏర్ నామేర్ కార్ణే సే జాతేర్ జన్ విశ్వాస్రన్ నావన్ రజు ఉందేనే చాలయేనే యేసు క్రిస్తూర్ అపోస్తలేర్ నై ⁷ రేరో నసిబ్ దేవ్ ఓర్ కన్నెతి మనే దీనో . ! రోమ్ సేరేమా ఛోజకోతమ్ సదా యేసుక్రిస్తూర్ జనూమా ఆవోకన్ దేవే బలాయొజేమా తమ్ సదా ఛో ⁸ మ తమార్ సేర్ జగు ధర్ అగ్ డి యేసు క్రిస్తూర్ తర్పేతీ మార్ దేవేనే వింతీ కర్ రోచు , కసన్ కతో సారీజగ్ తమార్ విశ్వ సెర్ కార్ణే ⁹ సామళ్ రేచె .మ కు జకో సాసిజ్ కన్ దేవ్ రుజు కర్ సకెచె. కుణసో దేవేర్ బేటార్ కార్ణేర్ ఆచ్ ఖబర్ మ ప్రచార్ కార్తో , ఓన్ సేవ కర్ రోచు కో, ఉ దేవ్ రుజు కర్ సకెచె. మ అరజ్ కరుజన్నా హర్య్ క్ హప్తా ¹⁰ తమేనే హర్దేలావూ జకో దేవేనే మాలం . మ తమేనే దేకేనే వకత్ దయాకర్ కన్ దేవేనే నోరాకర్ రోచు. కసన్ కతో , అత్మార్ అశీన్ ¹¹ తమాతీ లేలేన్ తమేనే బళ్ దేయేనే , తమేనే దేక్ ణొ కన్ కుంత్ రోచు. మార్ అరత్ కాయికతో , మార్ విశ్వాసేర్ కార్ణే తమన్ తమార్ ¹² విశ్వాసేర్ కార్ణే మ, హనూ ఏకేతీ ఏక్ మద్దత్ పాలియా . మార్ ¹³ భాయివో , తమ్ ఈ వాత్ హర్దే రకాల్ డో. ఘణ్ హప్తా మ తమార్ కన్నె ఆవ్ ణొ కన్ కుంత్ లిధో పణ్, కాయికో ఏక్ ఆడం హర్యేక్ హప్తా ఆవుజ్ కిదో . జేర్ వాసే మ ఆసకో కొని . ధూసర్ జనూమా ధోడ్ సేకేనే క్రీస్తువాసే మ కమాయోజు, తమామా సదా తమ్ధోడ్ సేకే నే కమావ్ ణొ కన్ మ ఆస కిదో . ! కసన్ కతో మ గ్రీసు ¹⁴ సేరేవాలూతీన్ , గ్రీసుసేరేమా చెనీ జేవాలూతీ, జ్జ్ఞానివూతీ కాయి కళేనీజ్ సే జనూర్ రణేమా ఛు . జేర్ వాసే రోమా సేరేమా ఛజకో తమేనే ¹⁵ సదా అచ్ ఖబరేనే ప్రచార్ కార్నోకన్ ఆస కర్ రోచు . ఆచ్ ఖబరేర్ ధకద్ కసన్ కతో , ఆచ్ ఖబరేర్ కార్ణే మనె పూరో విశ్వాస్ చె . విశ్వాస్ ¹⁶ సేనే అగ్ డియాదులేనే , పచ్చే పరల్ జనూనె రక్షణ్ దేయేనె ఉ దేవేరే ధకద్ చె . జేర్ వాసే అగ్ డీతీ అఖరేతాణీ విశ్వా సేర్ కార్ణే ¹⁷ దేవ్ నరేనే ఓత్తి రాజి కర్ లేరోచె . విశ్వా సెర్ కార్ణే కూణ్ దేవేతి రాజి వేజాచెకో ఉ బంచెఛే కన్ దేవేరే గ్రంధేమా లకన్ చజగేర్ జనూర్ పాప్ ప నరూర్ ఖరాప్ చాల్ దేవేర్ సత్ న దకావజు కరేచె . జేర్ వాసే ¹⁸ నరూర్ ఖరాప్ చాల్ దేవేర్ సత్ న దకావజు కరేచె . జేర్ వాసే నరూర్ పాపన్ ఖరాప్ గోణేపర్ దేవేర్ రీస్ స్వర్గ లోకెతీ ఆరీచె. ¹⁹ కసన్ కతో , దేవేర్ కారణ్ నర్ మాలం కర్ లేజత్రా దేవ్ ఓర్ ఊజ్ ²⁰ ఉందేనె మాలం కర్ దీనో . దేవేర్ దికాయెనీ జకో గోణ్ కతో , ఓర్హ మేశా రేర్ ధకద్ . దేవ్ పేదకిదోజే హర్యేక్ ఛీజేవూనే దేకన్ సొంచ్ కరెతో ఉ మాలమ్ వేజాచె జేర్ వాసే కున్సీ డోoగ్ కెనకెనీ . ²¹ ఓ , దేవేనే వళ్ కన్ చె . పణ్ ఓన్ కరేర్ మలాజో కర్ సకేకోనీ వింతీ కరేని . ఓర్ బదల్ ఉందేర్ సొంచే హెటే ఉంపర్ వేన్ ఉందేర్ ²² టాలే దల్ ఆందా రేతీ భరాగె హమ్ గేనీదార్ కన్ ఓ కచె పణ్ ఓ ²³ అక్కల్ చెనీ జకోజ్ . హమేశా రజే దేవేనే ధోక్ దేర్ బదల్ ఓ ఆద్మిర్ నై పంకేరూర్ నై జివ్ రాసేర్ నై , సాపేర్ నై , మూర్తేవూనే కర్ లేనే ధోక్ ²⁴ దేరేచె . నర్ లోగ్ హనూ అక్కల్ చెనీజు వేగెజేర్ వానే ఉందేర్ దల్ కుంతేజు ఖరాప్ కామ్ కరేనే దేవ్ ఉందేన్ ఛోడ్ దీనో. ఓ ఏకితీ ఏక్ ²⁵ దేకేసకానీ జకో కామ్ కరేచె.అస్ మన్ క్యా దేవేర్ సత్త్ నే లబారీకరన్ బదలావెచె . దేవేనే ధోక్ దేనే ఓనే సేవ కరేర్ బదల్ , దేవ్పేదకీధోజేనే పూజా కరన్ ఉంధూనే ఛోడ్ ధీనో . భీరేసదా ఉందేర్ ²⁶ జగు హమేషా వింతీ పాయోవాళో చె , ఆమేన్ . నర్ లోగ్ కిదేజేకామూర్ కార్ణే , లాజేర్ కామ్ కరేనే దేవ్ ఉందేనే ఛోడేధీనో . భీరెసదా ఉందేర్ ²⁷ చాల్ ఛోడేదేనే దూసర్ తరీకార్ చా చాలీ . హనుజ్ మరద్ సదా బీరేవూనె ఛోడోదేన్ , ఏకితీఏక్ బేసర్ మీర్ నై చాలన్ ఏకిర్ ఉంపర్ ఏక్ పడే . హనూపాప్ కిదే జేర్ కార్ణే ఉందేర్ పాపేనే ఛాజేజకో సజా ²⁸ ఓ పావెచె . ఉజ్జ ఓ ఉందేర్ మన్నెమా దేవేనే జాగ్ దినేకోనీ జేర్ కార్ణే , ఓ న కరేరో కామ్ కరేజు , దేవ్ ఉందేనే ఖరాప్ వేగోజే దల్లూనె ²⁹ ఛోడేదినో . ఓ సే తరీకార్ పాపేతీ , ఖరాపేతీ , బల్లా ఆసతీ దుస్ట్ గోణేతీభరాన్ చె . ఓ కసరేతీ , హత్యాతీ , లడాయితీ , డోకేతీ, దుస్ట్ గోణీతీ ³⁰ చె . కామ్ దేనేజే వాతేతీ పరలేర్ కార్ణే ఖరాప్ వాతేకరచె . ఓ దేవేతి దూర్ రేవాళ్ . ఓ మూర్ఖ్ ఆద్మి . గర్బ్ వాళ్ . బడాయి కరేవాళ్ఖరాప్ కామ్ కరేనే వాట్ డుండే వాళ్ , మా బాపేతీ న నవన్ రేవాళ్, ³¹ భైమాన్ ఛజకో వాత్ తపేవాళ్ . దయా ప్రేమ్ దకాళేనీ జకోవేగె . అస్ ఖరాప్ జీవ్ ణొ జీవేవాళ్ మ్వోతేనే ఛాజచె కన్ దేవేర్ హకమ్ ³² ఉందేనే మాలం రతోయీ, ఓ హనూజ్ అసో కామ్ కర్ రేచె . అత్రాజ్ కోనీపణ్ , అస్ కామ్ కరేవాలూనే ఓ ఖుషీతీ పసంద్ కర్రేచె .