¹ జేర్ వాసే మార్ భాయిబoదో; తమ్ మనె కత్రాయికో ప్రేమేర్ ఛో తమేనే దేకుకన్ కుoత్ రోచు తమ్ కతో మనె అస్మాన్ ఖుషీ మ తమార్ కార్ణే పూల్ రోచు ప్రేమేర్ భాయిబoదో, ప్రభూర్ చాలేమా కాటోహూబ్ రో. ² సిoటేకెనె మ తమేనె నోర కర్ రోచు. ³ భాయిభ్యానేర్ నై ప్రభూమా భళన్ రేనె కోశీస్ కరోకన్, విశ్వాసేతీ కామ్ కరేవాళో మార్ సోబతీ తు సదా ఏ బీరూనె మద్దత్ కర్ ఓ క్లెమెoటేతీన్, మార్ సాత్ కామ్ కరేవాళో దూస్రేతీ భళన్, ఆచ్ ఖబర్ ఫేలాయెనే ⁴ తమ్ ఏక్ వేన్ హమేసా ప్రభూమా ఖుషీకరో. ⁵ ఫేర్ కేరోఛు ఖుషీకరో హర్యేకేతీ శాoతీతీరో ప్రభు జల్దీ ఆరోఛే. ⁶ కుణ్సీ వాస్తే సదా హాయి కరో మత్ పణ్ తమేనె ఛావేజే సేర్ కార్ణే చినారేర్ దల్లేతీ తమార్ అరజేమా దేవేనే మాoగో. ⁷ ఆద్మీ మాలo కర్ సకే నీజకో దేవేర్ శాoతీ, తమార్ దల్లేనన్ మనేనె క్రీస్తూమా అటక్ ళేతీ జతన్ కరెఛే. ⁸ పచ్చాడియాపర్ భాయిబoదో కుణస్ ఆచ్ కో, కుణస్ స్తుతీలావెఛకో, ఆసాతీ తమార్ మన్నేనే భర్ లో, కుణస్ సత్తేర్ కో, మాన్ లావెఛకో, సమోర్ కో, పవిత్తర్ కో, సువాత్తన్, మోట్ పణ్ లావఛకో జేత్తీ తమార్ దల్ భర్ లో. ⁹ మార్ వాతేర్ కార్ణే, కామేర్ కార్ణే, తమ్ సీక్ లీదేజేర్ నై చాలో అపణేనే శాoతీదేవాళో దేవ్ తమాతీ సోపత్ సదారఛే. ¹⁰ ప్రభూతీ ఏక్ వేన్ రజే జీవణేమా మనె కత్రాయికో ఖుషీఛే ఘణ్ దాడ్ వేగెజేర్ పచ్చె మార్ దోకేపర్ మద్దత్ కరేనె తమేనేవకత్ మళీ పణ్ తమ్ మనె మద్దత్ కరేర్ ధామ్ దీనెకన్ కొని,పణ్ తమ్ మద్దత్ కరేనె తమేనె వకత్ మళీకొని. ¹¹ మనె ఛోడ్ దీనెకన్ మ కేరోకొని, కసెనెకతో మనె ఛజేతీ ధాపన్ రేనే మ సీక్ లీదో. ¹² జనా కు రేణోకో, భర్ పూర్ రజనా కు రేణోకో మనె మాలo మనె జాదారతోయీ నరతోయీ, భూకోరుతోయీ, పేట్ భరన్ రుతోయీ, కత్తీవతోయీ, కన్నావతోయీ, ధాపన్ రేర్ మర్మo మ సీక్ లీదో. ¹³ క్రీస్తూ మనె దజకో జోరేర్ కార్ణే కుణస్ వకత్ వతోయీ, హటాయెనె భళ్ ఛే. ¹⁴ మార్ భావేటిమా తమ్ మద్దత్ కరేర్ ఘణో ఆచో ఆచ్ ఖబర్ ప్రచార్ కీదోజె అగ్ డీర్ దాడూమా. ¹⁵ మ మాసిదోనియ మలకేనే ఛోడ్ దేన్ ఆయొజనా తమార్ సoగ్ ఏకజ్ మనె మద్దత్ కీదోకన్, ఫిలిప్పీవాళావో, తమేనే మాలo మార్ ఫాయిదేమాన్ నుక్సానేమా భాగ్ లేలీదేజకో తమ్ ఏక్ లేజ్. ¹⁶ తెస్సలోనీకా గామేమా మనె మోకా పడో జనా ఏక్ వణాజ్ కొని, ఉజ్జీజాదా తమ్ మనె మద్దత్ కర్ మేలే. ¹⁷ ఏ దేమేలేజకో యినామ్ లేలేణోకన్ కొని, పణ్ తమార్ నామేపర్ ఫాయిదో జాదావేణోకన్ మార్ కుoత్ ఛే. ¹⁸ దీనెజకో సేర్ రసీద్ దేమేల్ రోఛు మనె ఛావెజెత్తీ జాదా తమ్ దేమేలే తమార్ యినామ్ ఎపొప్రదీయలాయొ, జేర్ వాసే మనె ఛావెజకోసే అబ్బె మనె ఛే అస్ యినామ్ దేవేనే దజకో ఆచో ఘమాటా మారెజకోభేటేర్ నై ఛే ఈ ఓనె ఖాతర్ ఛజకో ఖుషీర్ భోకణ్. ¹⁹ ఘణో ధన్ ధాన్ ఛజకో మార్ దేవ్ యేసుక్రీస్తూమా తమేనె ఛావెజకో సే దఛే. ²⁰ అపణో బాప్ ఛజకో దేవేనె హమేసా మహిమా వేజాయె ఆమేన్. ²¹ క్రీస్తూమా ఛజకో దేవేర్ జన్ హర్యేకేనె నమస్కార్ అతై మార్ కనె ఛజకో భాయిబoద్ తమేనె నమస్కార్ కేరేఛే. ²² అతై ఛజకో దేవేర్ జన్ సే ఉందేమా చక్రవర్తీర్ ఘరేవాళ్ తమేనె నమస్కార్ కేరేఛే. ²³ యేసు క్రీస్తూర్ కృప తమార్ సేర్ సాత్ రియె.