¹ యే సుక్రీస్తుర్ సేవక్ సౌలన్ తిమోతీ ఫిలిప్పీయూర్ దేశేమా యేసుక్రీస్తూనే విశ్వాస్ కీదేజకో దేవేర్ జన్ సేనన్ సoఘమేర్ మోటేవునన్, మద్దత్ కరేవాళూనే క్వోసళ్ కన్ కేన్ లకో జకో. ² అపణో బాప్ ఛేజకో దేవన్ ప్రభు యేసుక్రీస్తు తమేనే కృపాన్ శాoతీ దియె. ³ తమార్ కార్ణే సోoచ్ కరుజనా హర్యేక్ హప్తా మ మార్ దేవేనె చీనారేతీ వీoతీ కర్ రోచు. ⁴ తమార్ వాసే అరజ్ కరుజనా హర్ ఘడీ ఖుషీతీ అరజ్ కర్ రోచు. ⁵ కసెనేకతో అగడీర్ దాడేతీ అబేలగుణ్ ఆచ్ ఖబరేర్ కామేమా తమ్ మనె మద్దత్ కీదె. ⁶ జేర్ వాసె ఈ మనె పకో మాలమ్ , కాయికతో తమార్ మా ఆచోకామేనే సరూకీదోజకో దేవ్ యేసుక్రీస్తూర్ దాడేమా ఉ పూరోవేజాజేలగు, ఓనె చాలావచె. ⁷ తమ్ హమేసా మార్ దల్లేమాచో జేర్ వాసె తమార్ కార్ణే మ హను సోoచ్ కరుజకో సమోరజ్ కసన్ కతోమ ఆచోఖబరేనే ప్రచార్ కరన్ ఓనె ఘట్ కరేనే, స్వతoతరేతీ రుజనా మ క్యాదేమా ఛుజకో అబ్బె దేవ్ మనెదీనోజకో మోట్ పణేమా తమ్ హాసోలేరేఛో. ⁸ మార్ మా ఛేజకో ఈ సోoచ్ యేసుక్రీస్తూర్ దల్లేమాయితీ ఆరీకన్ మకుజకో వాత్ సత్ కన్ దేవజ్ మారోగవాయి. ⁹ తమార్ వాసే మ కరుజకో అరజ్ ఈజ్ కుణస్ అచ్ కో తమ్ కుoత్ సక్ లోజు నత్తేర్ అక్కలేతీన్ ఆచో గేనేతీ తమార్ ప్రేమ్ దాడే దాడేర్ వద్ ణోకన్ మ అరజ్ కర్ రోఛు. ¹⁰ జనా తమ్ క్రీస్తూర్ దాడేమా కుణ్స్ తరీకార్ కపట్, కసాఫ్ నరజు రోఛో. ¹¹ దేవేర్ మహిమవాసన్ వీoతివాసే యేసుక్రీస్తూజ్ తమమా బణాసకేర్ ఆచో గోణేతీ తమార్ జీవణో భర్ పూర్ రియె. ¹² మార్ భాయిబoదో మనె ఆయిజకో భావేటి, ఆచ్ ఖబర్ ఫేలాయెనే సాసీజ్ మద్దత్ దీనికన్, తమ్ మాలమ్ కర్ లేణోకన్ కుoత్ రోచు. ¹³ ఓ ఫళేర్ నై మ క్రీస్తూర్ సేవక్ రు జేర్ కార్ణే జేలేమా ఛుకన్ నoగరేర్ కావలి రేవాళూనే పరల్ సేనే సదా మాలమ్. ¹⁴ మ జేలేమా రు జేర్ కార్ణే ఘణ్ భాయిబoద్ ప్రభూర్ కరేనే దాడె దాడేర్ జాదా హిమ్మత్ లేలేరేచె. ¹⁵ ఉందేమా ధోడ్ సేకేర్ ఆoకీబళన్ ఝగడోకరేర్ గొణేతీ క్రీస్తూనే ప్రచార్ కర్ రేచె. ¹⁶ పణ్ ధోడ్ సేక్ అచ్ దల్లేతీ ఓనె ప్రచార్ కర్ రేచె ఏ ప్రేమేతీ హనూకర్ రేచె కసెనేకతో ఆచ్ ఖబరేనే జతన్ కరేర్ కామ్ దేవ్ మనెదీనోకన్ ఉందేనే మాలమ్. ¹⁷ ఉజ్జీ ధోడ్ సేక్ క్రీస్తూనే ఆచ్ దల్లేతీ ప్రచార్ కర్ రేకోని పణ్ తన్నేర్ ఫాయదేవాసే ప్రచార్ కర్ రేచె హను జేలేమా రుజేమనె భావేటీ ఘాలాకన్ ఓ కేల్ దే. ¹⁸ పర్వాఛేని, ఆచోగొణేతీకో, బల్లాగొణేతీకో, క్రీస్తూనె ప్రచార్ కర్ రేచె జేర్ వాసె మ ఖుషీకర్ రోచు. ¹⁹ ఉజ్జీ ఆoగెసదా మ ఖుషీతీ రుచు కసన్ కతో తమార్ అరజేర్ కార్ణన్, యేసుక్రీస్తూర్ ఆత్మార్ కార్ణన్, ఆవజకో మద్దతేర్ కార్ణే మ చూట్ జాయుకన్ మనె మాలo. ²⁰ మార్ కామేమా నతపెజు, సేవాకరేమా ఉజ్జీ అబె మ జాదా హిమ్మతేతీరేన్, మ బoచూతోయీ, మరుతోయీ, మార్ జీవ్ ణేతీ ²¹ క్రీస్తూనే మాన్ లావ్ ణోకన్ కజకోజ్ మార్ పూరోదల్లేతీ కుoతన్ ఆసా కర్ రోచు.బoఛేరో కేర్ వాసే? మార్ మజ్ బoఛేరో క్రీస్తూవాసజ్ మ్వోత్ వత్తో ²² ఉజ్జీ ఆచోజ్ పణ్ బoఛేర్ కార్ణే మ ఉజ్జీ ఆచోకామ్ కర్ సకు తో, దోయీమా కుణ్స్కుoత్ ణోకో మనెమాలoఛేని. ²³ మ దోయీర్ వచ్చె పస్సారోచు మ ఏ జగేనేఛోడన్ క్రీస్తూతీసదా రేణోకన్ కుoత్ రోచు ఉ మనె ఘణో ఆచో. ²⁴ పణ్ తమార్ వాసే మ బoఛన్ రేరో ఘణో జరూర్ ఛే. ²⁵ ఈ మనె పక్కోమాలo జేర్ వాసే మ బoఛన్ రేరోచు మ తమార్ సేర్ సాత్ రేన్ విశ్వాసేమా తమ్ బడేర్ కార్ణే తమార్ ఖుషీర్ వాసెమద్దత్ కరుచు. ²⁶ వాసే మ ఫర్ తమార్ కన్నెరుజనా, క్రీస్తూమా తమేనె ఛజకో జీవణేర్ వాసె, మార్ కార్ణే బడ్ పణ్ కరేనే ఉజ్జీ జాదా కారణ్ రచె. ²⁷ ఠసేర్ వాత్ కాయి కతో తమ్ బoఛోజకో తరీకా క్రీస్తూర్ ఆచ్ ఖబరేర్ ధర్మేమా ఛజు రేణో జన్నా మ తమేనే దేకేనేఆవుతీ, నై ఆవుతీ తమ్ ఏక్ మనేతీ నైహాలోజు హుభేకన్ ఆచ్ ఖబరేర్ కార్ణే ఏకజ్ కుoతేతీ వ్యార్ ²⁸ దుస్ మణేతీ చమ్ కోమతో హమేసా హిమ్మతేతీరో ఏర్ కార్ణే ఓ హార్ జాయెకన్, తమ్ జీత్ జాయొకన్, ఉందేనే సాభూత్ వేజాఛే కసెనేకతో తమేనే జీతాయెవాళో దేవజ్. ²⁹ కసెనెకతో తమ్ విశ్వాస్ కీదేజేర్ కార్ణేజ్ కొని, పణ్ ఓర్ వాసె భావేటీ కరేర్ కార్ణేసదా క్రీస్తూనే సేవాకరేర్ హుకమ్ మళో. ³⁰ తమ్ మాతీసదా ఈ వ్యారేమా హాసొ లేసకోఛో గోజే దాడూమా మ వ్యార్ మార్ రోజకోతమ్ దీటే అబ్బెతాణీ కర్ రోకన్ తమ్ సామ్ ళేజకో వ్యార్ ఏ దోయీ ఏకజ్.