¹ येशु ख्रिष्ट ति प्रेरित पत्रुस नेमा पोन्टस गलातिया कापाडोकिया एसिया ताङ बिथिनिया खाङ देनि थोर्नि देतुप तिबाला । ² येशु ख्रिष्ट कादेन्बा ला वातुप ताङ तिकि ठाक नेमा टालुप थुला चेङि नेमा दाबुला ख्यिरे काटिन ताङ ङ्यिङसाङ साङिङ डोबित । ³ कन्ज्यक ताङ अरे कन्ज्यक येशु ख्रिष्ट ति सँवा डोसित । कन्ज्यक येशु ख्रिष्टकि स्येप तिबाला सेन्बु लाङुप तगे बोमु ङ्यिङज्ये नेमा ओरुङला साबा मिप्पि बिदुप वाइ । दिजो बेला ओरुङ बोमु मोबा क्यानि देनि वाइ । ⁴ तेमे ओरुङ तानि नाम्लाङ मिसिन्बु , मेलेबा मोडोबु ताङ मिसिन्बु ओङ ओरुङला वाइ । दि ओरु ख्यिरे लागिला देवाचेनला क्ष्याङनि वाइ । ⁵ खेर सिना तिङला ओङुप थार्वा कन्ज्यककि द्येवाचेनला ख्यिरे मोबा कि लागिला ज्याकु वाइ । ⁶ तिजो बेला ख्यिराङला नाबा नाबा दुक्पा किगोबु हिन्सिराङ ख्यिराङ गा किउ । ⁷ दि दुक्पा नेमा ख्यिरे मोबा ओथुङ थेङ्म्यु । दि मोबा मेला तोर्नि डप सरे सिनासाङ बोमु वाइ । येशु ख्रिष्ट अरे चाला ओङसिन ख्यिरे मोबा थेनि दि गा किउ । ⁸ खिरेकि खोला थोङु मेत हिन्सिराङ खिरेकि ङ्यिङज्ये किउ । खिरेकि तारोङ थोङुप मेत हिन्सिराङ खो ला मोबा किउ । तेमे फिला देन मुथुपु तामकि खाटिक ङ्यिङज्ये नेमा खिराङ गा किउ । ⁹ दिजो बेला ख्यिराङ दाक्पि लागिला ख्यिरे मोबा क्याबु ल्यामु ताम थेडिन किउ । खिरेकि दाक्पि थुला फिला देदिन किउ । ¹⁰ लुङ्तोम्बा तिबिकि खिरे लागिला ओङुप काटिन लागिला दि राङ थार्वाकि ल्यामु क्यानि छालु जाइ । ¹¹ तिबिकि चुक क्यानि थार्वा ओङिन कि सिनि छाल्सुङ । तिबि नाङला अतुप ख्रिष्ट थुकि तेमे तिबिकि ख्रिष्टकि किरुप दुक्पा तेमे खो ला ल्यामु डप यक् ताङ ति वतु कोला ङे क्ष्या तेदुप वाइ । ¹² लुङतेम्बा तिबिकि क्ष्यादेदुप ताम तिबा तिबि लागिला । मिन हिन्सिराङ खिरे लागिला हिन्। तेमे तिजो बेला राङ लेन ल्यामु ति द्येवाचेन तेमा कन्ज्यककि ताङुप चेङि थु कि ङार नेमा लेन ल्यामु लापुप तिबिकि खिराङला लापु हिन् । द्येवाचेनकि थु तिबिकि साङ दि ल्हाप आला सेम किउ । ¹³ तिकि किसाला यक् किरुपला सेम्ला टेगे जो । तेमे दाक्पि नासामला दाक्पु राङ ग्युर । येशु ख्रिष्ट खिरे मोबा ज्याक । ¹⁴ कोदन्बाला देतुप पुज्युङ पुम ओतुप तोङला छ्या मायेबा क्याबु यक् खिरेकि ति याबु मेलेबा यकला सेम मातोङा । ¹⁵ हिन्सिराङ खिराङला कातोङु तगे चेङि वाइ । ¹⁶ खिराङ ङाङ दाक्दाक्पि मिजिकि लाकाला चेङि देन । खाङसिनि सिसिन दिनोक टिनि वाइ । खिराङ चेङि देत , खाङसिनि सिसिन ङाङ चेङि वाइ । ¹⁷ खेरि मिला तिकि यक् ला मेलेबा सिमाक्याबा ठिम किरुपला खिरे ‘पापा’ सिसिन फिला डोसिन दाक्पि युक्सिन तिजो बेला ज्यिबा तानि देत । ¹⁸ खिराङला क्ष्या वाइ कि खिरेकि खिरे पापा- पाबोमु तिबि किई लेपुप तिजोराङकि ताम नेमा तोर्नि डप सरे ङुल कि डेबा च्याल्नि टालुप ङेतुप मिन । ¹⁹ हिन्सिराङ दिक्पा मेतुप ताङ मेतुप लुक , मिन्सिन ख्रिष्टकि कुन्बु ठाक गि डेबा च्याल्नि खिराङला थिला ज्याकुप वाई । ²⁰ येशुला जम्बुलिङला का देपुप सिना गमालोक कन्ज्यककि दाम्बु हिन । हिन्सिराङ दि बेला येशुकी अरे लागिला थोङु वाइ । ²¹ खिराङ कन्ज्यक नेमा राङ मोबा कि वाइ । ति ला कन्ज्यककि स्येप नेमा सेन्बु लाङनि ल्यामु क्यासुङ तेमे खिरे मोबा ताङ रेवा कन्ज्यकला वासित । ²² ओथुङ सिक्याबु ङयेदुप नेमा सेम जाङमु क्यानि दाक्पि उजु नुक ख्यिङजे ला खीरेकि दाक्पि ङोसि चेङि जोसुङ । तिकि किसाला दाक्पि सेम नेमा दाक्दाक्पु ला गा लानि ङ्यिङज्ये कि । ²³ कन्ज्यककि सेन्बु ताङ नाम्लाङ लुबु सुङ नेमा , तोर्नि डप नेमा मिन हिन्सिराङ तोर्नि डप नेम खिराङ साबा क्यानि केबु वाइ । ²⁴ खाङसिनि सिसिन तेर मि सो तगेराङ हिन तेमे तिला ल्यामु क्यासिमा मेदोक स्यार्कु । तेमे सो याल्नि माल्सिमा मेदोक ङाङ साला लुहुम्ग्यु । ²⁵ हिन्सिराङ कन्ज्यक सुङ नाम्लाङ लुक्यु । लेन ल्यामु नेमा स्येतुप ल्यामु लेन दि खिराङला दि राङ हिन् ।