Pasal 3

1 Akha beakhe mai nolone yeubokhe ma Tuhan na akho feuko nahaleye enaiyephonde phuma enainye kholonde, nebheinye ebheli mangeleyea engnehawembe. 2 Nda romiyea nolora hiwa hila rapho pham niki nolora mewate. 3 Nephei bhe Tuhan wakhelu pheko nolone le wakhe rikengnephombe. 4 Meyea meseisele nekkande, are elewande huluijea mayea mokhombe. 5 Tuhan nenaijea nibi a Allahle khena bhuhe eise Kristusle khena haba mekai yembonde. Me U Mokomale Kiyea 6 Akha pakhe, nda he mare wayembe, ei Tuhan Yesus Kristus ro eisa mare wayembe nepheijo ; phuhe ware henanayete yo ei a elendere ehakoiboi jo nolora wewe molombombe. 7 Masei isayauphoke ma mai holone erauphoke me u phehaubam mokowande. 8 HIwa yo nei huluinye maye enekhei, reniyai rai namang refire me u menei mokhonde. 9 Eraphinebang,mayea mei huluinye hakhonggombe. 10 Mai nolone nekewandemo mare ugayembe '' romiyea hiwayo me u omokhoinya ramang nare eyeijae. 11 Erabuhinebang, mei anggei phorande, mai nolora hiwayo nendong nekeyate me u omokoi, buhi wahi nendong bandong mokhoyate. 12 Tuhan Yesus Kristusle ro khabang eisa mare erele ahuwe rorayembe, nepheijo nai huluijea mokhonayende phenayende anayende. 13 Akha pakhe marebe niyea riyea wamale foinyei me u olomo bang kheyei bang maye mokhombe. 14 Hiwa yo mai nolona nda homo na hului ehakoiboinye, isayembombe nebei yo neisa he folongombe, nenai fe hubhanayele. 15 Nebeibe nebeijore yokeijo maye ereijea. Akhayo baeakheyo nendong yobomembe. Huba Mokokoi a 16 Engne kembe a ne, rei mai onomi fokka kukui memea,Tuhan mai einye hakonemembe. 17 Riyea Paulus, nda homo rameyea molokokhale erenateyo naheleyea elenate, naei mekai molowale. 18 Rei mai onomi foka ei Tuhan Yesus Kristus lena manggele nekhembe.