¹ Omukaruka, ku Gayo omwendwa, unu nimwendele mu chimali. ² Omwendwa, enikusabirwa ubhone amabhando mu misango jona no bhuanga bwe kisi, lwa kutyo omwoyo gwao kutyo ogubhona. ³ Okubha nakondewe mno akatungu nabwiliwe na abhasu abho bhejile no kusosya Obubhambasi bwechimali na kutwo ongendana mu chimali. ⁴ Ntana bhukondelelwa bhafu okukila linu, okungwa ati abhana bhani abhalibhatila mu chimali. ⁵ Omwendwa, okola bwakisi kutwo obhasakila abhanyu na bhagenyi, ⁶ Abho bhasosishe Obhumbasi bwe lwenda lyao imbele ya Ikanisa. Okola bwekisi okubhasila mugendo Jebel lwa kutyo ejimukondelesha Nyamuanga. ⁷ Okubha bhangendele kwa lisina lyae bhatagegere chinu chonachona okusoka mubhanu bha Maanga. ⁸ Kulwejo, echendibwa okubhakumanya abhanu abhejabho abho, koleleki chibhe bhakosi bhemilimu amwi ne chimali. ⁹ Nandikie Likanisa emisango emilebhe, mbhe nawe Diotrofe, oyokenda okubha wokwambha mubhanu abho, atakwikilishanya neswe. ¹⁰ Mbhe, nawe libhanaja nilijuka ebhikolwa bhaye ebyo kakola, kutwo kaika emisango mibhimbhi jiteshanishe neswe. Hachali kwikilishanya ne bhikolwa ebho, omwenene atakubhalamila abhabho.Na bhanu abhenda okubhakuma abhabho kabhanganya no kubhabhilimya mu Kanisa. ¹¹ Omwendwa, siga okurubhilisha chinu chilibhibhi, tali lubha ejekisi. Oyo kakola ebhekisi ni wa Nyamuanga; Oyo kakola ebhibhi achali kumwikilisya Nyamuanga. ¹² Demetrio kabhambhalilwa na bhona nechimari echene.Eswe bhona chili bhambhasi bhaye, no omenyati obhumbhasi bweswe ni bwechimali. ¹³ Nili ne misango myafu enjokukwandikila, bhe nawe ntakwenda okwandikila kwa ikalamu yo bwino. ¹⁴ Mbhe nawe eniikanya okukulola bwangu, echiloma chilyamwi obhusu kwo bhusu. ¹⁵ Omulebhe gubhe amwi nawe. Abhasani abhakukesha. Bhakesye abhasani bhuli umwi kwa lisina lyaye.