Vafilipi 1

1 Paulo nu Timoteo vafanyakhasi va khilisiti uYeesu khwa vala yevatengilwe khwaajili ya khilisiti yeviishi khu Filipi pamonga na vayangalichi na vashemasi. 2 Lukano luvechake khwenyo nulutengamaso lwelwihuma khwa Nguluvi Baba vetu uYeesu khilisiti. 3 Ndisengucha Nguluvi vangu yaandikhavakhumbukha unyenye nyevoha. 4 Mala choha mu khila livombi lyangu khwaajili yeenyo unyenye nyevoha ndiva ndikhikhela yandikhavavombela. 5 Ndivele nisengucho cholofu khwasababu ya vushilika wenyo mu enjili tangiya isikhu cha khwanja mbakha ilelo. 6 Ndina vuhakika khuva umwene yeavangiche ikhasi inofi mukati mwenyo achaiyendelela ukhuyikamilisa mbakha isikhu ya Mutwa vetu uYeesu khilisiti. 7 Yive sawa khwangu khwipulikha ede juu yenyo unyenye nyevoha khwasababu ndivavikhile mu numbula yangu. Mana unyenye mvele vashilika vayangu mu lukano nu mukhifungo shangu nu mu vutetesi nu vusibitisaji wangu, va enjili. 8 Nguluvi avele shahidi vangu jinji shendivele ni hamu juu yenyo nyevoha mukati mu lukhelo lwa khilisiti uYeesu. 9 Ndinyilikha kwamba:ulukhelo lwenyo vuyongesekhake necho mu maalifa nuvufahamu woha. 10 Ndinyilikha khwaajili ya ili nekhe muve nu vuweso wa khupima nukhuchakula amambo kekavele bola necho. Pia ndiikhavanyilikha nekhe muve safi pesipavele ni hatia yeyoha mu sikhu ya khilisiti. 11 Na khangi nekhe mjaswe na matunda ka haki lyelipatikhana mu Yeesu khilisiti, khwa vuvalache ni sifa ya Nguluvi. 12 Lino valongo vangu, ndilonda mumanye khuva amambo keekahumye khwangu kayifanyile ienjiliiyendelele necho. 13 Ndyo mana ififungo fyangu mu khilisiti, fijulikhine khwa valinji va ikulu yoha na khwa khila munu. 14 Na valongo volofi mwa Mutwa, khwasababu ya fifungo fyangu, vashawishikhe nukhujalibu ukhulihubili Licho pesipaveli ni hofu. 15 Baasi salwesi hata vavakhamutangasa khilisiti khwa fitina ni fulugu, na pia avangi khwa nia nofi. 16 Vala yevakhamutangasa khilisiti khwa lukhelo vamanyile khuva ndivikhilwe apa khwaajili ya vutetesi wa enjili. 17 Bali avangi vakhamtangasa ukhilisiti khwa vubinafusi ni nia imbaya. Siwitekemela khuva visababisa amatatiso mu minyololo khangu. 18 Khwahiyo? sindijali au njila yingava yive khwa hila khwa vusalwesi, khilisiti itangaswa, nu mu ili ndikhikhela! Ena, achandikhikhela. 19 Khwa khuva ndimanya ukhuva ili lileta ukhufunguliwa khwangu. Ilijambo ili achalihumila khwasababu ya manyilikho kenyo nu khwa musada kwa Umubepo va Yeesu khilisiti. 20 Ukhulingana na matekemelo kangu ka vuhakika na salwesi na kwamba, siyachandivona soni. Badala yakhe, khwa vujasili woha, Kama ambavyo sikhu choha na lino, nditekemela khuva khilisiti achaiyinulilwa mu muvili kwangu, yingava mu vuumi au mu khifo. 21 Khwa manakhwangu unene, khuishi yivele khilisiti nu khufwa yivele faida. 22 Lakhini, kama khuishi mu muvili khwibaba amatunda mu khasi changu, khwahiyo sindimanyile lye lilikhulya khuchakula. 23 Mana ndisukhumwa necho na mawaso aka kavili. Ndina hamu ya khukulekha umuvili na khuva pamonga nu khilisiti, khinu ambasho khivele sha samaani necho. 24 Yingava ukhusikala mu muvili uku livele jambo lya muhimu necho khwaajili yenyo. 25 Khwa khuva ndina vuhakika juu ya ili, ndimanya achandisikala nu khuyendelela khuva pamonga nanye nyevoha, khwaajili ya mayendeleyo nu khukhela khwa lufuvo lwenyo. 26 Na ili achayileta ukhukhela khwenyo khukhomi mu khilisiti Yeesu, khwasababu yangu achayiyongesekha khwasababu ya vuwepo wangu khangi pamwinga nanye. 27 Mwilondekhwa ukhuishi maisha kenyo mu mwenendo munofi kwekwipasa ienjili ya khilisiti. mfanyake ewe nekhe yandiyicha khuvavona au pesindiyichili, ndipulikhe khuva mwimile imala mu numbula yimonga. ndilonda ukhupulikha khuva muna numbula yimonga, khufinganila ulufuvo lwa enjili khwa pamonga. 28 na musiyokhutisilwa ni khinu shoshoha shekhifanywa na maadui venyo. Iyi khwavo yivele ishala ya vuhalibifu. Bali khwenyo ni ishala ya vukhombochi ukhuhuma khwa Nguluvi. 29 kwa mana unyenye mpevilwe khwaajili ya khilisiti sio ukhumufuwa tu, bali nu khupumukha pia mwa mwene. 30 khwa mana muna masindaano kakala kwema kemwakawene khwangu na mwipulikha kwamba ndilinawe hata lino.