1 Paulo, mufungwa va Khilisiti uYeesu, nu mlongo uTimoteo khwa Filemoni, mkhelwa lafiki vetu nu mtenda khasi pamonga nuweewe, 2 nu khwa Afia mlumbu vetu, nu khwa Alkipasi asikali muyetu, umlu khwa khanisa lila lyelitang'ana khunyumba yakho. 3 Lukano luve khwenyo ni amani yeyihuma khwa Nguluvi uBaba vetu nu khwa Mutwa uYeesu Khilisiti. 4 Musikha khwoha ndikhamusengucha uNguluvi. ndikhakhutambula mumanyilikho angu. 5 Ndipulikhe ulukhelo nu lufuvo lweuvele nalwe mwa Muttwa uYeesu na khwaajili ya vaumeni voha. 6 Ndinyilikha khutya uvushilika wa lufuvo lwenyo luve na mafanikhilo mu vujusi wa khila lijambo ilinofi lyelivele mukati mwetu khwa Khilisiti. 7 Khwa khuva ndivele nu lukhelo ni falaja khwasababu ya lukhelo lwakho, khwasababu inumbula cha vaumeni chivele chituliswa nave,mlongo. 8 Khwa hiyo, yingava ndilinawe uvujasili woha mwa Khilisiti ukhuamulu uveve ukhufanya khila shewiwesa ukhufanya, 9 lakhini khwasababu ya lukhelo, badala yakhe ndakhunyilikha - unene,Paulo yendivele msehe, na lino ndilimufungwa khwaajili ya Khilisiti uYeesu. 10 Ndikhakhunyilikha ukhuhusu mwanavangu Onesimo, yeendamubabile mu fifungo fyangu 11 Khwa khuva pamwanjo siakhufayili, lakhini lino akhakhufaa uveve nu nene. 12 Ndimutumile umwene ambaye avele va numbula yangu hasa - ukhukomoha khwakho. 13 Nditekemela ngaliiyendelela ukhusikala pamonga naane, nekhe anditumikhile badala yakho, musikha khwakho mukhifungo khwaajili ya enjili. 14 Lakhini sindalondiki ukhufanya ilijambo lyolyoha bila luhusa lwakho. Ndaafanyile edeti nekhe ilijambo lyolyoha ilinofi litane ukhufanyikha khwasababu ndakhulasimise, bali khwasababu wakhelye yuve ukhulitenda. 15 Labuda yivele sababu aatengilwe naave khwa musikha, yaavele ewe nekhe uve pamonga nu mwene milele. 16 Nekhe kwamba atane ukhuva mtumwa khangi, bali ave bola saidi necho khwakho, mu muvili na khwa Mutwa. 17 Na ewe ngita sheukhanditolela unene mshilika, muyanukhile ngita shengali ukhandiyanukhila unene. 18 Lakhini kama ukhukhoselye ilijambo lyelyoha, au ukhamdai khini sheshoha, ukhidayake isho ukhuhuma khwangu. 19 Unene Paulo, ndiyandikha khwa livokho lyangu unene: Unene yandikhulipa. sindichova khwakho khutya ndikhakhudai amaisha kakho hasa. 20 Naam mlongo, wilekhelwe ndipate lwikhelo lwa Mutwa khuhuma khwakho: uyibuludise inumbula yangu mwa Khilisiti. 21 Ndingava nu lufuvo ukhuhusu uvutii wakho, ndikhakhuyandikhila khuno ndimanyile khutya yawifanya hata saidi ya fila fyendikhakhunyilikha. 22 Musikha kukwe uandayake ishumba shavakenji khwaajili yangu, khwa khuva nditekemela ukhulutila amanyilikho kakho yandikhukendela pa kalibuni apa. 23 Epafla, mufungwa muyangu mwa Khilisiti uYeesu akhavahungila, 24 na kama sheifanya uMaluko, Alistalko,Dema, Luka, vatenda khasi pamonga naane. 25 Ulukano lwa Mutwa uYeesu Khilisiti luvake pamonga ni numbula yakho. Amina.