Isula ya 24

1 Mapema sana isikhu ya hwanja ya juma, vayichile hukabuli, valetaka amanung'ilicho ambako vavele vaandayile. 2 Vawene iliganga lifilingiswe patali ni kabuli. 3 Vayingye mukati, lakhini sivakuwene umuvili kwa Bwana Yeesu. 4 Yahumye uhutya, umsikha vachanganyikhiwe khukhusu ili, ghafula, vaanu vavili vayimile katikati yavo vafwalile ifwalo cha khung'ala. 5 Avamwayuva vavele vamemile hofu navayinamise uvuso wavo panyi, vavachovye vamwayuva, "khwa nini muhamutemula yeavele hayi miongoni mwa wafu? 6 Sipeyuli apa, ila yifufwekhe! mukumbuhake she achovile nanyi peavele khu Galilaya, 7 achovaka uhutya Mwana va Adamu lasima ahechwe mu mavokho ka vaanu avanya njanangifu na asulubiswe, na isikhu ya khavudatu, afufukhe hangi." 8 Avamwayuva vala vakhumbwikhe amaneno khamwene, 9 na vakomwikhe khuhuma hukabuli na vavachovye amambo aka koha vala kumi na moja na vangi vondi. 10 Basi Maria Magdalena, Joani, Maria mama va Yakobo, na vamwayuva vangi pamonga navo vahechiche itaalifa ichi hwa vaseng'wa. 11 Lakhini uvujumbe uvu we vonekhine ngita muzaa tu hwa vaseng'wa, navasivaaminili avamwayuva vala. 12 Hata ewe u Petulo alamwikhe, na anyilile ukhubita khukabuli, na ng'omelelaka nukhulola mukati, awene sanda yene. Petulo kisha akhekhile akhele khunyuumba khwa mwene, akistaajaabu khinu khina khihumye. 13 Na ulolake, vavili miongoni mwaavo vavele vikhelela isiku yiyo iyo khijiji khimonga shekhikemelwa Emmau, ambasho shavele mayili sitini khuhuma khu Yelusalemu. 14 Vajadiliyine vavene khwa veene ukhuhusu mambo kote kekahunye. 15 Yahumye uhutya,umsikha pevavele vijadiliyana nuhwivucha amaswalli, Yeesu asogelye jilani aambatine navo. 16 Lakhini amikho kavo kasuviliwe mukhumutambula umwene. 17 Yeesu avachovye, "Khinu khina ambasho unyenye nye vavili mwilongela msikha mwikenda?" Vayimile pala vavonekhaka ni husuni. 18 Yumonga vavo, ilitawa lya mwene Cleopa, amujibwe, "Je uveeve ulimuunu ve mwene apa Yelusalemu ambaye siiyelewa amambo keka humye uhwe isikhu ichi?" 19 Yeesu avachovye, "Mambo khani?" Vamujibwe, "mambo khukhusu Yeesu Mnazareti,ambaye avele muvilisi,muwesa mumatendo na maneno mbele cha Nguluvi na vaanu vondi. 20 Na hwa jinsi ambayo wakuu na fiongosi veetu vamuhechiche khuhukumiwa ikhifo nuhumusulubisa. 21 Lakhini tulitumaini uhutya umwene ndyo yeahavavimba hulu Israeli. Ndyo, hutali na aka kondi, lino sikhu yavudatu tangu mambo aka khakhumile. 22 Lakhini pia, baazi ya vamwayuva khukhuma mulikundi lyetu vatushangasiche, bada ya khuvepo khukabuli palukhela na mapema. 23 Vavevakosiche umuvili kwa mwene,vayichile,vachovile uhutya vawene pia amaono ka malayikha vevachovele uhutya ali hayi. 24 Baazi ya vakosi ambavo vavele pamonga nafwe vahele khukabuli, nuhuvona ngita avamwayuva shevachovile. Lakhini sivamuwene umwene." 25 Yeesu avachovye, "Unyenye vaanu vajinga namunanumbula nzito ya khuamini khondi ambayo avavilisi vavachovye! 26 Je siyavelli lasima u Yeesu ukhutesekha khwa mambo aka,nuhuyingila mu vutukufu wa mwene?" 27 Kisha khuvangila ukhuhuma khwa Musa na vavilisi vondi, Yeesu avatafusilye amambo kekakhamuhusu umwene mumandiko khondi. 28 Vave vakalibbye ikhi jiji khila,ukhwe hwe vabitaka, Yeesu afanyile kana kwamba iyendelela khuvulongolo. 29 Lakhini vamulasimise, vachovaka, "Tame pamonga nafwe, mana yielekea mikhe na sikhu ngita yisilile." Ewe u Yeesu ayingye hubita hutama navo. 30 Yahumye uhutya, umsikha atamile navo hulya, atekwe umukate, akinikhe, nukhukudenya,avapelye. 31 Kisha amikho kavene kafunguliwe, vamumanyile, na akhekhile ghafula mbele ya miho kavo. 32 Vasemesine vavene hwa veene, "umsikha kwe alongelye nawe munjila, umsikha kwe ahtufungulye amaandiko?" 33 Vanyanywikhe saa yiyo iyo, nukhukomokha hu Yelusalemu. Vavawene vala kumi na yu monga vakusanyikhe pamonga, na valavevavele pamonga navo, 34 vachovaka, "Bwana afufwikhe lwa salwesi, na amuhumye u Simoni." 35 Ewe vavachovye mambo kekahumye munjila, ni namna u Yeesu sheazikhilishe uhwavo muhumenyula umukate. 36 Umsikha pevalongelaka amambo ako, Yeesu yumwene ayimile katikati yavo, na avachovye, "Amani yive uhwenyo." 37 Lakhini vayokwipe nukhumema ni khofu, na vafikilye uhutya vawene umbepo. 38 Yeesu avachovye, hwanini mwifazayikha? Hwanini amaswali kihumila munumbula chenyo? 39 Mulolake amavokho kangu na magulu khangu, kwamba yune mwene. Mundiguse na muvone. Hwa mana mbepo siyina nyama ni ficheke, kama shemuhandivona unene uhuva nafyo." 40 Ave amalile uhuchova ifi, avavonesiche amavokho kamwene na magulu kamwene. 41 Vave vavele bado nu lufuvo lwelwa changanyikhine nu khuto khuamini, nu khusitaajabu, Yeesu avachovye, "Je muna khinu shoshondi sha khulya?" 42 Vamupelye ikhipande sha samaki yeyinyanyilwe. 43 Yeesu akhitekwe, nu hulya mbele yavo. 44 Avachovye, "Pendavele nu nyenye, ndavachovye uhutya kondi khayandikhilwe mu sheliya ya Musa na vavilisi ni Zabuli lasima katimile." 45 Kisha afungwe iakili chavo, kwamba vawese ukhukayelewa amaandiko. 46 Avachovye, "uhutya yiyandikhilwe, khilisiti lasima atesekhe, nukhufufukha hangi khukhuma mu wafu sikhu yavudatu. 47 Ni toba nu musamakha kwa njanangifu lasima yihubiliwe hwa litawa lya mwene khwa mataifa khondi, ukhuvangila khuhumila hu Yelusalemu. 48 Unyenye mu livashayidi va mambo aka. 49 Lolake, ndihavasindikhila iahadi ya Baba vangu juu yenyo. Lakhini mulindake pakhijiji apa, mbaha pehacha mwifwalichwa ingufu khukhuma hushanya. 50 Kisha u Yeesu avaongosiche hwivala vavevakalibye hu Bethania. Ayinwise amavokho kamwene hushanya, na avakhinikhe. 51 Yakhumye uhutya, umsikha peavele ahavakhinikha, avalekhile na ababilwe hushanya huhelela humbinguni. 52 Basi vahamuabudu,nukhukomokha hu Yelusalemu ni lufuvo lukomi. 53 Vayendelye ukhuvepo mu nyumba ya Nguluvi, vahamukhinikha u Nguluvi.