1 Yhumye sikhu ya sabato,peavele ibita hunyumba hwa yumwinga va fiongosi va Mafalisayo uhulya umkate,navo vavele vahamchungusa hwa kalibu. 2 Langake,pavulongolo pala pamweneavele umunu yeisumbuliwa nu vuvimbe. 3 Yeesu avuchiche vataalamu mu shelia ya vayahudi na Mafalisayo, "je,yivele halali uhumuponya isikhu ya sabato,au siyo?" 4 Lakhini avene vavele kimya,hwahiyo u UYeesu amukamwe, ahampponya nuhumuluhusu abitake. 5 Nayumwene avachovye, "yuyani kati yenyo ana mwana au isenga yichubila muhisima isikhu ya sabato na sihacha wikweka hwivala mala hamwinga?" 6 avene sivavele nuvuweso wa huhumya ilijibu hwa maacho ako. 7 Umusikha u Yeesu ave agundwe uhutya vala vevaalikilwe uhutya vachakwe ifideko fya heshima,avachovye mfano,avachovye, 8 "umusikkha mwialikwa nu muunu huarusi, usiyo hutama munafasi cha heshima, hwa sababu yiwesehana aalikilwe muunu ambaye vahuheshimiwa necho hulikho uveve. 9 Umusikha umunu yeahavaalike unyenye vavili yaifikha,hacha ahuchovela uveve, "umuhekele umuunu uyu paafasi ya mwene," neghe hwa ayibu wivanga uhutekula inafasi ya mwisho. 10 Lakhini uveve uvone ualikwe,bitake uhatame mahala pamwiso, ili umusikha yula yeahahuallike yeiyicha,awese uhuhuchovela uveve,Rafiki, bite huvulongolo necho." apo wiva uheshimihe mbele ya voha yevatamile pamwinga nave pamesa. 11 Hwa maana khila yeihikwesa iwiswa, nayumwene yeiyisa hacha ikweswa." 12 Yeesu pia amuchovye umuunu yeamunyilihe, "pewihecha ishahulya sha pamunyi au sha pamihe, usiyo huvaalika avalafiki vaho au avalongovo au ajamaa vaho au avajilani vaho vatajili, neghe uhutya avene vasije vahahualika uveve uhapata amalipo. 13 Baadala yakhe,pewifanya ishelehe uvaalihake avamasikhini, valemafu,vesivilola na vesivgenda, 14 na yuve hacha wibalikiwa, hwa sababu siviwesa uhuhulipa. Hwa mana hacha wilipwa hwa vufufuo uvunya haki." 15 Umusikha yumwinga va vala veva tamile pa mesa pamwinga nu Yeesu ave apulihe ako, amuchovye, "abalikiwe yula yehacha ilya umukate muvufalme wa Nguluvi!" 16 Lakhini Yeeesu amuchovye, "muunu yu mwinga aandayile ishelehe ngomi, ahaalika vanu volofi. 17 Umusikha ishelehe peyavele tayali,amutumile umuseng'wa vamwene huvachovela vala vevaalikiwe, "mwichak,hwa sababu finu fyoha vefivimbilwe tayali." 18 Voha vavangile uhunyilikha ilazi. Uvahwanja amuchovye umutumisi, "ndigulile ilihala, lasima ndibite hulivona. Tafazali undiamehe." 19 Na uyungi achovile, "ndigulile jozi chihano ch senga, nayune ndibita huchijalibu. Tafazali uniwie lazi." 20 Nu muunu yungi atike, "nditekwe umudala, hwa hiyo sindiwesa uhwicha." 21 Mseng'wa akomwikhe nukhumuchovela ubwana vamwene amambo ako. Yula umunya nyumba adadile ahamuchovela umseng'wa vamwene, "bitake mapema humitavo nu mufichocholo fya mji uhavalete apa avamasikhini, filema, fipofu na valemafu." 22 Umseng'wa avachovye, Bwana, ako kewalagiche vekatendikhe, na hata lino bado khuna nafasi." 23 Bwana amuchovye umuseng'wa, "bitake munjila ikuu ni fichocholo nuhuvashulutisha avaanu vayingile, neghe inyumba yangu yimeme. 24 Hwa maana ndihavachovela,kati ya vala vevaalikiwe va hwanja hapana yehacha ivonja ishelehe yangu." 25 Lino vumati vukomi wa helelaka pamwinga nu mwene,naumwene agewihe nuhuvachovela, 26 "kama umuunu ayiche uhwangu na yumwene si ahamudadila ubaba vamwene, mama vamwene, mdala vamwene, vaana vamwene, valongove vahidimi na vahidala_ndyo,na hata maisha kamwene pia_siiwesa uhva mwanasule vangu. 27 Umuunu pesiatekwe umusalaba kwa mwenenu hwicha hunyumba yangu siiwesa uhuva mwanasule vangu. 28 Maana ye nani kati yenyo, ambaye itamani uhuchenga umunala sihacha itama hwanja akadilile igalama hwa mahesabu kama anahila sheihitaji neghe uhukamilisa ilyo? 29 Finginefyo,baada ya huvimba umsingi nuhulemwa uhumalicha, voha vevalole vivanga uhumzihaki, 30 vachovaka, umunu uyu avangile uhuchenga, ahava asina ngufu cha humalicha." 31 Au umutwa gani,yeisaha uhubita hutovana nu mutwa yungi mu fita,ambaye sihacha itama panyi hwanjanuhutekula uvushauli uhuhusu kama hacha iwesa, pamwinga na vaanu elfu kumi hutovana nu mufalme yungi yeiyicha juu ya mwene na vaanu elfu ishilini? 32 Na kama siyo, umusikha ilijeshi lya vangi lilihutali, vituma avabalosi husaha amashaliti ka amani. 33 Hwa hiyo basi,yeyoha kati yenyoambaye sihacha ahafilekha fyote fyeavele nafyo, siiwesa uhuva mwanasule vangu. 34 Umwinyo mnofi, lakhini uvone umwinyo guyache ilaza yakhe, jinsi khani yiwesa uhuva mwinyo hangi? 35 Siyina matumisi ka vudope au hata hwa mbolea. Yitakwa hutalli. Yeavele ni mbuluhutu cha hupulikha, na apulihake."