¹ Khwa hiyo, valongo vavalache, vashiliki va khushanya, muwasake u Yeesu, Museng'wa na Kuhani mukuu va khwidhika khwetu. ² Aveele mwaminifu khwa Nguluvi yeamuchakhwe, kama u Musa sheavele mwaminifu munyumba yoha ya Nguluvi. ³ Khwa khuva u Yeesu avalililwe ukhuva ni heshima ngomi khulikho inyumba yeene. ⁴ Khwa khuva khila nyumba yichengwa nu munu fulani, lakhini yula yeichenga khila khinu yu nguluvi. ⁵ Salwesi u Musa avale mwaminifu kama mutumishi mu nyumba yoha ya Nguluvi, ashudilaka amacho keyakichowa umusikha kwe khwiyicha. ⁶ Lakhini u Khilisiti mwana katika vusimamisi wa nyumba ya nguluvi. Uwewe tule nyumba ya mwene kama twikamulila ng'aning'ani katika khwiamini nu lukhelo lwa khwiamini. ⁷ Khwa hiyo kama umubepo umwimikhe sheichova, "Ilelo, kama wipulilkha isavuti ya mweene ⁸ utane ukhufanya inumbula yakho ukhuva nonono kama ava Isilaheli shevakhite katika vuvivi, katika musikha kwa khujalibiwa khulunyikha. ⁹ Uku kwa vele musikha ambakwe avababa venyo vanivivye kwa khunijalibu na khwa musikha kwa miakha alubaini, vaka wene amatendo kangu. ¹⁰ Kwa hiyo sinda khelyi ni khibabwa isho. Ndachovile, 'viyaka khiyaki katika numbula chavo na sivamanyili injila changu.' ¹¹ Na kama she ndalapile katika likoka lyangu: siyaviyingila mulukhelo lwangu." ¹² Muvechake vangalifu, valongo, ili kutane ukhuvepo umutima mvivi kwa khuta nu ukhufuwa khwa mwinga venyo, umutima kwe kwaya khwihelela patali nu Nguluvi avele mwumi. ¹³ Badala yakhe, mwikhuvilichake khila khikomo khila monga nu muyine, ili khila peyi khemelwa lelo mtamanake ili kwamba yumonga kati yenyo atane ukhufanywa ukhuva munonoono khwa vuchangwa wa njanangifu. ¹⁴ Khwa khuva tuvele vashiliki va Khilisiti kama twikhamutana nu vudhabiti wetu khwa ludali katika umwene ukhuhuma pa khwanja hadi pa mwisho. ¹⁵ Ukhuhusu ili nelichovilwe, "Ilelo kama mwipulikhania isavuti ya mwene, mtane ukhufanya inumbula chenyo ukhuva nonoono, kama ava Isilaheli shevakhite umusikha kwa vuvivi. ¹⁶ Vava yani ava yevamupulikhe u Nguluvi nu khumu vivi? Sivaveli vala voha ambavo u Musa avele avalongwiche ukhuhuma khu Misili? ¹⁷ Vava yani ambavo u Nguluvi avadadie khwa miakha alubain? Siyo pamonga na vala yeva tendile injanangifu ambavo imivili yavo yeyafwele yakonile khulunyikha? ¹⁸ Vava yani yeavalapie u Nguluvi ukhutikila siya viyingila mlaha ya mwene, kama siyo vala ambavo sivamuyinatie umwene? ¹⁹ Twilola kwamba sivawesichi ukhuyingila mu laha yamwene kwa sababu ya khutanu ukhufuwa.