¹ Umsikha kwekwa lutile uNguluvi alongelye na va khukhu vetu ukhulutila avaviilisi mala kholofi na khwa njila njolofi. ² Lakhini ifikhono ifi fyetulinafyo u Nguluvi alongelye nawe ukhulutila umwana yeamuvikhile ukhuva mvilisi va finu fyoha na ukhulutila umwene hata avumbile uvulimwengu. ³ Umwanave avele mwanga kwa vuvalache wa mwene itabiya yene ya asili ya mwene na yeiyendelesa ifinu fyoha khwa licho lya ngufu cha mwene. baada ya khuhamilisa uvuvalacho wa njanangifu atamile panyi ilivokho lya khulyando lya enzi uhwe hushanya. ⁴ avele bola bola khulikho avamalayikha kama shalitawa lya vulisi shelivele bola saidi khulikho ilitawa lyavo. ⁵ Khwakhuva avamalaya yaa awakhile u khuchova, uveve mwana vangu, ilelo ndivele baba vakho? Na khangi ndiva Baba ukhwa mwene iva mwana uhwangu? ⁶ khangi umsikha u Nguluvi peamuletile umusaliwa va khwanja pa inyi ichova, " vamalayikha voha va Nguluvi lasima vamuabudu." ⁷ ukhuhusu ava malayikha ichova. "umwene ye ifanya avamalayikha ukhuva numbula na vafwaasi va mwene ukhuva ndimi cha mwoto." ⁸ Lakhini ukhuhusu umwana ichova, ''ikhideko shaho sha enzi, u Nguluvi, khivele sha milele na milele." ikhibokho sha vutwa wakho khivele khiboho sha haki. ⁹ Ukhelye ihaki nu khudadila uvudenyaji wa sheliya, khwahiyo u Nguluvi vaho, akhupelye amafuta ka khukhela khulikho avayino." ¹⁰ Avayino pahwanja, umutwa, wavikhile umusingi kwa inyi. Imbingu yivele khasi ya mavokho kakho. ¹¹ Yachiheka, lakhini uveve yawiyendelela choha chisanjiha kama mafasi. ¹² Ukhachikunja kunja kama likhoti, na chene ya chibadilikha kama lifasi. Lakhini uveve uve yuyula, na yimakha yakho siyayikoma." ¹³ Lakhini khwa malayikha yulikhwi u Nguluvi achovile umusikha kwekwokha, "utame khulivokhonlyangu lya khulyande mbakha yandikhavafanya ava adui vakho ukhuva khideko shamakulu kakho"? ¹⁴ Je, avamalayikha voha siyo numbula checha seng'ilwe khuva khudumila nukhuva tunja vala yeya vilisi uvukhombochi?