¹ Paulo, mseng'wa va Khilisiti Yeesu khwa makhelwa ka Nguluvi, khwa yevatengilwe khwaajili ya Nguluvi yevavele khu Efeso na ambavo vafuuwa mwa Khilisiti uYeesu. ² Lukano luvake khwenyo ni amani iyihuma khwa Nguluvi Baba vetu nu Mutwa uYeesu Khilisiti. ³ Nguluvi nu Baba va Mutwa vetu uYeesu Khilisiti apewake isifa.Yu mwene yeakhatukinilicha khwa khila kinikho cha khiloho, la sehemu ya Khushanya mukati mwa Khilisiti. ⁴ kabla ya khuvumbwa iinyi, Nguluvi aatuchakwe uwewe ambao twifuwa mwa Khilisiti Aatuchakwe uwewe nekhe tuwese khuva vavalache na yesitwilavumikha mbele cha mwene. ⁵ Mu lukhelo, Nguluvi aatuchakwe pa mwanzo kwa khututola ngita vana va mwene khwa njila ya khilisiti Yeesu. Aafanyile ewe khwasababu akheleliwe ukhufanya khila shealondaka. ⁶ Amahumilo ka mwene khutya uNguluvi ivalachwa khwa lukano lwa vuvalache wa mwene. ikhi ndyo sheatupelye bule khwa njila ya mkanwa va mwene. ⁷ Khwa khuva mwa mukanwa va mwene, tunavukhombochi khulutila idanda ya mwene, musamaha kwa sambi. Tulinalyo ili khwa sababu ya vutajili wa lukano lwa mwene. ⁸ Aafanyile ulukano ulu khuva lwolofi khwaajili yetu ni hekima nuvumanyi. ⁹ Nguluvi aafanyile yijulikhane khwetu isalwesi yila yeyafihime ya mupango, khuhumana ni hamu yeyasihiliswe mukati mwa Khilisiti. ¹⁰ Umusikha imisikha yitimye khwa vutimilifu wa mupango kwa mwene, Nguluvi achaivikha pamonga khila khinu sha Khushanya na sha pashanya pa inyi mukati mwa Khilisiti. ¹¹ Mwa Khilisiti twavele tuchakuliwe nukhukusudiwa kabla ya musikha.Ili lyavele khuhumana nu mupango kwa yeifanya ifinu fyoha khwa kusudi lya makhelwa ka mwene. ¹² Nguluvi aafanyile ewe nekhe tuwese khuvepwe khwa sifa ya vuvalache wa mwene. Twavele va khwanjakhuva nuvujasili mukati mwa Khilisiti. ¹³ Yaveele khwa njila ya khilisiti khutya mwapulikhe ilicho lya salwesi, ienjili ya vukhombochi wenyo khwa njila ya khilisiti. Yaveele khwa mwene khutya mufuvilwe nukhusopwa umuhuli nu Mubepo Umwimikhe yeaahidiwe. ¹⁴ Umubepo ndyo samana ya vulisi wetu mbakha uvumiliki ya wipatikhana. Ili yavele khwa sifa ya vuvalache wa mwene. ¹⁵ Khwa sababu iyi, tangu musikha pendamulikhe khuhusu ulufuvo lwenyo mukati mwa mutwa Yeesu nu khuhusu lukhelo lwenyo khwa vala voha ambavo vatengilwe khwaajili ya mwene. ¹⁶ Sindilekhile ukhuseng'ucha uNguluvi khwaajili yenyo nukhuvatambula mumanyilikho kangu. ¹⁷ Ndinyilikha khutya uNguluvi va Baba vetu uYeesu Khilisiti, baba va vuvalache, yaakhavapela inumbula ya hekima, mafunulo ka vumanyi wa mwene. ¹⁸ Ndinyilikha amiho kenyo ka numbula kasopwe umwanga kwa unyenye ukhumanya we vulikhu uvujasili wa khusopwa khwenyo. Ndinyilikha muelewe uvutajili wa vuvalache wa vulisi wa mwene mumiongoni mwa vala yevatengilwe khwaajili ya mwene. ¹⁹ Ndinyilikha mumanye uvukuu wewisidi i ngufu ya mwene mukati yetu ambavo twifuwa. Uvukuu uvu wihumana nukhufanya ikhasi khwa ngufu cha mwene. ²⁰ Ngufu iyi yeyafanyilwe ikhasi mukati mwa khilisiti pa musikha uNguluvi peamuchusiche khuhuma khwa yevafwe nukhumutamikha mu livokho lya mwene lya khulyando isehemu ya shanya. ²¹ Amutamikhe ukhilisitu pashanya patali nuvutawala na mamulaka, ingufu, ienzi ni khila litawa lyelitambulwa.Amutamikhe uYeesu siyo khwa musikha uku tu lakhini khwa musikha na kwe kwiyicha. ²² Nguluvi afitiisiche ifinu fyoha panyi pa makulu ka Khilisiti.Amufanyile umwene mutwe pashanya ya finu fyoha mu khanisa. ²³ Ni khanisa ndyo muvili kwa mwene, uvukamilifu wa mwene wewimemya ifinu fyoha munjila choha.