Matendo 18

1 Bada ya mambo ako, Paulo ahekile Athene uhubita hu Kolintho. 2 Uhwe amupatile u Muyahudi yeikhemelwa Akwila muunu va kabila lyaPonto, umwene nu mudala vamwene yekhemelwa Plisila vayichile uhuhuma uhwe hu Italiya, hwasabu Klaudia amulusiwiche avayahudi vondi vaheke hu Roma; Paulo ayichile uhwavo; 3 Paulo ahaishi nuhufanya ikhasi navo khwani umwene ifanya ikhasi yeyiwanana ni yavo. Avene vavele vitengenesa amahema. 4 Paulo ajadiliyine navo mu sinagogi khila sikhu ya sabato. 5 Lakhini Sila nu Timotheo vavechike viyicha uhuhuma hu Makedonia, Paulo asuhumilwe ni Umbepo huvashuhudila avayahudi uhuva u Yeesu ndyo khilisiti. 6 Umsikha avayahudi vavechike vamupingile nuhumuzihaki, ewe Paulo apumunile ifwalo ya mwene mbele yavo, nuhuvachovela, "idanda yenyo na yive ju ya mitwe kyenyo yunye; Uneene sindina hatiya. Uhuma isaichi nu huyendelela, ndihahelelela avamatayifa." 7 Ewe ahekile uhuhuma pala ahele hu nyumba ya Tito Yusto, Muunu yeahamuabudu u Nguluvi. Inyumba ya mwene yivele khalibu ni sinagogi. 8 Klispo, khiongosi va sinagogi pamonga na vaanu vahunyumba ya mwene vahamuamini u Mutwa. Vaanu volofi va Korintho vevamupulikhe u Paulo alongelaka vaaminile nuhuchabihwa. 9 Umutwa amuchovye Paulo ikilo khwa njila ya maono, "Utane uhuyokopa, lakhini chovake utane uhuchiha. 10 Khwani uneene ndivele pamonga nu veve, na hakuna yehacha ijalibu uhukuzulu, mana ndina vaanu volofi mu khivuta ihi." 11 Paulo atamile uhwe khwa musikha kwa mwaha kumonga ni miechi sita avulichaka ilicho lya Nguluvi miongoni mwavo. 12 Lakhini Galilo peafanyilwe mutawala wa Akaya, Wayahudi vayimile pamonga khinyume nu Paulo nuhumusindiha pavulongolo pa khidego sha hukumu, 13 vachovaka, " Umunu uyu ahavashawishi avaanu vamuabudu u Nguluvi khinyume sha sheliya." 14 Umsikha Paulo peavele isaha uhuchova, Galio avachovye avayahudi, "Unyenye Vayahudi, hali yive likosa au vuhalifu, haliyiva halali huvashuhulikhila. 15 Lakhini khwasabu kavele maswali, kekihusu maacho na matawa, ni sheliya yenyo, basi muhukumu yunye veene. Uneene sinditamani uhuva hakimu khwa habali ya mambo ako." 16 Galio ahavaamulu vaheke pavulongolo pa khideko sha hukumu, 17 Ewe, vamukhamwele Sosthene, khiongosi va sinagogi, vamutovile mbele ya khidego sha hukumu. Lakhini Galio siijali shevahifanyile. 18 Paulo, bada ya hutama pala khwa musikha mutali, avalekhile avalongo nuhubita khwa meli Silia pamonga nu Plisila nu Akwila. Kabula ya huheka pabandali, akhetile injwili cha mwene kwani avele aapile uhuva mnazili. 19 Vavechike vifikha hu Efeso, Paulo amulekhile u Plisila nu Akwila pala, lakhini umwene yu mwene ayingye hu sinagogi nuhujadiliyana na vayahudi. 20 Vavechike vamuchovye Paulo atame navo khwa msikha mutali, umwene abelile. 21 Lakhini ahekile uhwavo, avachovye, "Ndikomoha hangi uhwavo, avachovye, "Ndikomoha hangi uhwenyo, uvone yive vuhelwa wa Nguluvi." Bada ya apo, ahekile khwa meli huhuma hu Efeso. 22 Paulo avechike afikhe hukayisali, ahovile hubita huhungila ilikhanisa lya huyelusalemu, nekhe ayikhe panyi hwa khanisa lya Antiokia. 23 Bada ya hutama khwa musikha pala, Paulo ahekile uhulutila maeneo ka Galatiya na Frigia na huvasopa inumbula vanyasule vondi. 24 Nuyahudi yumonga yeikhemelwa Apolo, yeaholilwe uhwe hu Alexandria, ayichile hu Efeso. Avele ni fasaha muhulongela nu hodali mu maandikho. 25 Apollo avele ayelekesichwe mumafundiso ka Mutwa. Khwa jinzi sheavele ni Bidihi mu numbula, achovile nuhufundisa khwa vusahihi amambo kekahamuhusu u yeesu, ila amanyile tu uvuchabikhwa wa Yohani. 26 Apollo avangile uhusungumusa khwa vujasili mu nyumba ya Nguluvi. Lakhini Plisila nu Akwila vavevapulikhe, vafanyile uvulafiki numwene na vamuyelesiche juu ya njila cha Nguluvikhwavusahihi. 27 Avechike itamani uhuheka uhubita hu Akaya, avalongove vamusopile inumbula nuhuvayandikhila ihati avanyasule vevavele huakaya ili vapate uhumuyanuhila. Avechike afikhe, khwa lukano avatangile sana vala vevamuaminile. 28 Khwa ludali lwa mwene na maalifa, Apolo avasidye avayahudi hazalani avonesiche uhulutila amaandikho ka huva u Yeesu ndyo Khilisiti.