¹ ndikhakhupela ililakicho ili ilinya vunjito mbele cha Nguluvi khilisiti Yeesu, Yeacha khukhumu avavele vuumi na vaafwe,khwasabu ya khufunuliwa khwamwene nu vutwa wakhe: ² Hubili ilicho. Uvechake tayali wa musikha kwekwifaa nu kwesikwifaa.vachovele avanu isambi chavo, khenyelake, khuvilichake, khwa vufumilivu wondi na mavulicho. ³ Khwa mana umusikha achakwiyicha ambavo vaanu achavitana khutekulanila na mavulicho ka salwesi. Badala yakhe, achavihitemulila avalimu va khuvavulicha khulingana ni tamaa chavene. khwaajili iyi imbulukhutu chavene achachiva chinyekesichwe. ⁴ Achavilekha ukhupulikhicha amavulicho ka salwesi nu khukevukhila ihadisi. ⁵ Lakhini uveve uvake mwaminiifu mu mambo kondi, fumililake makumu, ukhitake khasi ya mwinjilisiti ;utimisake ihuduma yakho. ⁶ Khwa mana unene tayali ndimalile ukhumiminwa.Musikha kwa khuheka khwangu kufikhe. ⁷ Ndisindine mu haki, Umwendo ndimalile, ulufuvo ndilulindile. ⁸ Taji iya haki yivikhilwe khwaajili yangu, ambayo uMutwa, yeihukhumu kha haki achaakhandipele sikhu yila. Na siyo khwangu tu bali pia na khwa vondi yevilindila khwa hamu khuvonekhana khwamwene ⁹ Witange ukhwicha khwangu ng'aning'ani. ¹⁰ khwa khuva uDema andilekhile. Avukhelye uulimwengu wa lino na ahele khu Tesalonike, Kreseni aahele khu Galatia,nu Tito aahele khu Dalmatia ¹¹ Luka mwene ndyoo avele pamwinga nane. umtole u maluko wiche nave khwani umwene avele va muhimu khwangu mu huduma. ¹² Ndimutumile uTikiko khu Efeso. ¹³ Ili joho ambalyo ndalilekhile khu Tloa khwa Kalpo, yawiyicha uliiletake , pamwinga ni fitabu hasa ifya ngosi. ¹⁴ Alekisanda yeifuva ifyuma aanditendye amavivi molofu. Mutwa acha akhamlipa khulingana na matendo ka mwene. ¹⁵ Nave pia wihasalake nave, mana akapingile amacho ketu. ¹⁶ Mu lukhengelelo lwangu lwa khwanja, sikhweyuli umunu yeiwima pamwinga nane, badala yaklhe khila yumonga andilekhile. Nguluvi asiyokhuvavalila makhosa ¹⁷ Lakhini uMutwa aayimile pamwinga nane, akhandisopa ingufu nekhe ukhulitila khwangu, ilicho lichowe khwa vukhamilifu na vamataifa vapate khupulikha. Ndakhombolilwe mu khinywa sha lisimba. ¹⁸ uMutwa achaakhandiyefya na matendo kondi amavivi nu khundikhombola khwaajili ya vutwa wamwene uwa khushanya. Uvuvalache vuvake khwamwene milele ni milele Ameni ¹⁹ Muhungilake uPilisika , Akila ni nyumba ya onesifolo. ²⁰ Elasto aasike khu Kolinto, lakhini Tlifimo ndaamulekhile khu Mileto avele mutamu, ²¹ Khitake shang'ani wiche kabla ya khipindi sha ng'ala. Eubulo akhakhuhungila, pia Pude, Lino, Claudia na valongove vondi. ²² Nguluvi avechake pamwinga ni numbula yakho, Lukano luvake nave.